نصيحة اخوك الي رايح النمسا ..
روح النمسا ولا تفكر بإيطاليا ..
إيطاليا تروح لها يومين كافي عليها ..
أما النمسا أجواءها ساحرة سواء كنت ب فيينا أو زلمسي أو كابرون أو سالزبورغ ..
آنا شخصياً سافرت وايد دول من أوروبا وبره أوروبا .. ما حسيت اني مسافر صج إلا لمن
رحت النمسا بمختلف مناطقها الساحرة ولك الحكم والراي .. وهذا مجرد راي .. وان شاء الله بقية
الإخوان هم يفيدونك ويشورون عليك .

هلا بك أخوي ، أنا وضعي مثل وضعك تقريباً في البداية فكرت بايطاليا ولأنني رايح شهر عسل إن شاء الله ولأول مرة أزور أوروبا ، استشرت الأخوان هنا وهناك وقررت تكون رحلتي نمساوية بإذن الواحد الأحد لأنها راح يكون جوها رائع ورومانسية أكثر من إيطاليا ولكن راح أفكر في زيارة جزر البندقية من زيلامسي لمدة يوم واحد إن الله كتب بحكم قربها

اشكرك اخويkuwlty82
على النصيحه واتمنى لك التوفيق
واشكر ك اخوي اضوء الخافت
على المشوره الرائعه والله يوفقك واتمنى لك شهر عسل سعيد
واتمنى من بقية الاخوان ان يدلو بدلوهم لاني فعلامحتاج لنصائحهم............مع خالص الشكر

طبعا النمسا بدون منازع طبيعة وجو والأهم من ذلك الأمان مقارنة بايطاليا

الله يسعدك ويجعلها اسعد سفره
كل بلد بالدنيا له مذاق بس يرجع لرغبة المسافر
فانت ايش رغبتك فكلا البلدين
اذاكنت تبي تسوق واثار تعود بك الى الوراء قرون فطبعا ايطاليا
واذا كنت تريد اكل وتذوق وباستا وبتزا على الاصول فطبعا ايطاليا
اما تريد طبيعه تنسى انك بالدنيا فمافيه مقارنة طبعا النمسا(البلد هذا وسعي صدره ماادري ليش)
والبلد رومانسي ورايق وجو
انا جمعت برحله بين النمسا وايطاليا وتقدر انت بروضو تجمع بينهن واذا كانت مزانيتك تسمح...والله يوفقك

الله يعطيكم الف الف عافيه ماقصرتو ...
.شكر لاخت ملكة الليل
وشكرلicecream:x1:
بس ودي استفسر من الاخوان كم تتوقع التكلفه لرحله لمدة 10 ايام تقريبا مع العلم بكون السكن في الفنادق 3نجوم غير التذاكر
واشكر الاخوه مره ثانيه على وجة النظر الطيبه

انا ارشح لك النمسا خاصة اهلها متعودين على العرب وعلى الحجاب.
ممكن تستأجر سيارة وتزور الأماكن القرييبه وخاصة ممكن تروح لسويسرا (انترلاكن).

بصراحة ارائكم مشجعة على النمسا وفتحتوا نفسي...
بس كم التكاليف ل 10 ايام + 5 باريس
بون فياج...

والله انا ما رحت في إيطاليا الا لروما .. وصراحة ما اعجبتني .. غالية الى النخاع .. بالإضافة الا ان ما فيها الا مبانيها الجبّارة .. صحيح حلو انك تشوف هالمباني قدامك .. وتشوف الأصول الرومانية .. وتشوف الكولوسيوم .. لكن صراحة ما تسوى روحة لها لحالها (ترا ما ادري وش وضع فينيسيا)..
لكن النمسا صراحة فيها كل اللي تبي .. غير انها ارخص واحسن جو بواجد .. روما كان يجينا فيها حر (يبط التشبد) على قولة اخواننا الكويتيين .. والقرار الأخير لك ..
بالنسبة للتكلفة .. والله انت وصرفك لكن اتوقع اذا كان سكنك مثل ما تفضلت في 3 نجوم .. وبإعتبار ان التذكرة درجة سياحية .. راح تكون بين 15 الف الى 18 الف ريال ..
بالتوفيق لك يا الغالي .. ونبي تقرير عاد لا تنسانا ..