البلد طيب وآمان
والمطاعم العربيه والامريكية كثيرة ومنتشرة في عدة اماكن
والسوالف الاخرى لم اسمع منها ولله الحمد شيئ

يقولون حتى المندي موجود اهناك يعني لاتخافين

ام تركش
قسم التقارير فية الاجابة الكافية عن ما تبحثين عنة
تقارير إندونيسيا https://artravelers.com/s/57

ابوفيصل
دخلتهم من قبل لا استفسر واحس اني ضايعه
ياليت تسااعدوني ب الي تقدرون عليه واكون شاكرتلكم

السلام عليكم ورحمة الله وبركاته
و عليكم السلام و رحمة الله و بركاته
انا مره محتاره ومحتاجه مساعدتكم ونصائحكم
ان شاء الله .. ولا تشيلين هم ابد ..
رحلتنا انا وزوجي فقط وبتاريخ26/6 لمدة20 يوم
ياليت توزعون لي الايام حسب المناطق وشنو الفنادق الي تنصحوني فيها؟؟
0يوم مدة ممتازة ..
يومين جاكرتا .. عند الوصول للراحه ..
7 ايام بالي ..
4 ايام الجبل بونشاك ..
4 ايام باندونق ..
بقية الايام جاكرتا .. و ممكن جزيرة اير ..
وبالنسبه للاكل زوجي مايحب الاكل الاسيوي نهائيا
شنو مطاعم ايطاليا او امريكيه نظيفه؟؟
جميع مطاعم الوجبات السريعه موجوده .. مثل ماكدونالدز - كنتاكي .... الخ
بيتزا هت لا تفوتك ..
مطاعم عربيه موجود .. و خاصةً اللي بجاكرتا لذيذه .
و بالجبل مندي روعه .. و مطاعم و جبات سريعه ..
و المولات الكبار فيها مطاعم من معظم الدول ..
وهل الديره امان لاني مره خفت من سالفة الجن
و لله الحمد الديره امان .. و انا مثلك .. كنت ميته خوف من الجن و هالسوالف
خاصةً بالجبل .. و سبق و سمعت ان الفلل بالذات فيها .... الخ
لكن الحمدلله ربي ستر .. و لا شفنا ولا شي ..
و احياناً نطلع نتمشى .. و نرجع مهدود حيلنا من التعب .. وننام و ننسى سالفة الجن ..
المهم عليك بالاذكار .. و ان شاء الله ربي يحميكم ..
و اي استفسار عزيزتي .. يسرنا الرد ..
و ان شاء الله توصلك اقتراحات أكثر ..
رحلة سعيده ان شاء الله ..
دعواتكم ..
.

جزاج الله خير الله يطمنك مثل ماطمنتيني
طيب شرايك مانروح جزر دام مدتنا طويله؟؟
وشلون ع المواصلات التاكسي؟؟وهل اسعار التذاكر غاليه ام لا؟؟

جزاج الله خير الله يطمنك مثل ماطمنتيني
الجميع ان شاء الله ..
طيب شرايك مانروح جزر دام مدتنا طويله؟؟
ممكن طبعاً ..
و أكثرها شعبية جزيرة اير ..
وشلون ع المواصلات التاكسي؟؟وهل اسعار التذاكر غاليه ام لا؟؟
في جاكرتا .. ممكن تاخذون تاكسي و الافضل بلو بيرد ..
و خارجها تاخذون سواق .. و احرصي يكون السواق يعرف عربي او انجليزي
يعرف المزارات زين .. السياره مكيفه و جديده ..
السعر 450 بجاكرتا
و 500 - 550 خارجها
السعر شامل البنزين و ضرائب الطريق ..
و اي استقسار .. حاضرين ..
,

يعني برايك نروح جزيرة اير فقط؟؟
طيب ع حسب تقسيمك للمناطق ممكن تنصحينا بالفنادق الاكثر امان ونظافه واسعارها زينه؟
ومتى اخر وقت لنا نكوون فيه برا الفندق؟؟يعني اقصد بعد الغروب؟؟
يعني تنصحيني ادق ع احد السواق واتفق معاه قبل السفره؟؟
وبالنسبه لاسعار السواق هذي لليوم الواحد ولا طول السفره؟؟
وتحمليني لانك جيتيني من السما

صباح الخير عزيزتي ..
و اسعد الله اوقاتك بكل خير ..
يعني برايك نروح جزيرة اير فقط؟؟
جزيرة اير ,, هي الاكثر شهره .. و ما يمنع تشوفين التقارير .. ممكن تكون هناك جزيره افضل ..
طيب ع حسب تقسيمك للمناطق ممكن تنصحينا بالفنادق الاكثر امان ونظافه واسعارها زينه؟
جاكرتا
فندقين قريبه من الشاطيء .. و حلوه :
ميركوري انشول .. عالبحر ..
استون مارينا .. قريب منه جداً ..
مارلين بارك
اكماني
جران ميليا
لي قرانودر
الجبل بونشاك :
سيروني 3 او 2 او 1
او
في بوقور .. استون بوقور ..
باندونق :
استون تروبيكانا .. على نفس شارع الجينز
سينسا .. جديد ..
هذي الفنادق نظيفه .. و حلوه .. و اسعارها بعد ممتازه
و ممكن تشوفين عليها تقارير بالمنتدى ..
ومتى اخر وقت لنا نكوون فيه برا الفندق؟؟يعني اقصد بعد الغروب؟؟
عادي .. براحتكم .. متى ما ودكم ترجعون للفندق عادي ..
لكن بالجبل و الريف عموماً , مافي اي فعاليات مساءَ
لكن بجاكرتا غير ..
يعني تنصحيني ادق ع احد السواق واتفق معاه قبل السفره؟؟
اذا عرفتي سواق توصية من ثقة افضل ..
و اذا ما لقيتي .. مو مشكلة .. ممكن في جاكرتا تروحين شارع رادين صالح
لمطعم اميره .. وتلاقين هناك واجد سواقين ..
اهم شي انتبهي للشغلات اللي قلت لك عليهم ..
وبالنسبه لاسعار السواق هذي لليوم الواحد ولا طول السفره؟؟
السعر لليوم الواحد .. و انتي بعد و شطارتك في المكاسر ..
وتحمليني لانك جيتيني من السما
ياقلبي الله يحييك .. ولا نبي الا دعواتك الحلوه ..
و ياليت تزورين موضوعنا :
كافيه المرأة .. شاركي معنا في كل ما يخص رحلتك ل إندونيسيا
و ان شاء الله تلاقين فيه معلومات اضافيه مهمة ..
و حياك الله .. بأي استفسار ..
..