1. فكرتي كويسه وممكن تزبط معانا او لا ؟؟؟

السلام عليكم لي جميع الأعضاء
انا ناويه اسافر مع زوجي لي اوروبا بس الصراحه مااعرف معلومات كثير للأسف
ياريت تقدرو تساعدوني في التخطيط ..
اول شئ كان نفسي من فتره اروح اليونان وسمعت كثير يقولو اليونان ممله لو كانت فترة طويله
كنسلنا الموضوع وفكرنا في ايطاليا و النمسا و سويسرا لانو تقريبا ناوين نسافر لمدة 20 يوم او 18
وقبل كم يوم شفت موضوع الكروز والي حاليا جالسه افكر فيه بس ماعرف اذا ينفع او لا مو قادره الاقي معلومات تفيدني كثير
فكرت لو رحنا اليونان 3 ايام و ماعرف اذا ممكن نلاقي كروز لي 7 ايام او اقل وبعدها ننزل على ايطاليا 5 ايام ومن ايطاليا نروح النمسا 5 ايام

فكرتي كويسه وممكن تزبط معانا او لا ؟؟؟

اذا كويسه ياريت تقولولي ايش افضل منطقه في اليونان تكون هاديه واجوائها رومنسيه انا سمعت عن سانتوريني كثير بس ماعرف اذا في افضل منها ؟؟
و ايطاليا والنمسا ايش افضل مناطق و ممكن الاقي فيها انشطة لمحبي المغامرات انا اعشق شئ اسمو مغامرات واكشن واحب اجرب كل شئ حتى لو كان متعب ومخيف يعني ممكن الاقي انشطة زي الطلوع لقمة مرتفعه مع قروب والتخيم و القفز من اماكن عاليه واشياء تانيه ؟؟؟
واخر شئ كم تقريبا يكلف التخطيط دا من غير فنادق و تذاكر سفر ؟؟
ومره شكرا مقدما للي حيساعدوني واستفيد منهم