تحياتي لك أختي، والله يعينك على حملك.
بالنسبة للحملات وركوب الطائرات، فأنا أعتقد انه ممنوع تركب الواحده وهي في أشهرها الأخيره
فياليت تتأكيد من شخص خبير، وفاهم بالطريقة
تحياتي...

1. فهل تنصحوني اولد هناك عشان طفلي ياخذ الجنسية ولا ماتسوى!!

انا حامل حاليا وافكر انه اولد في امريكا لانه خلاص خلصنا امورنا بس باقي علينا ناخذ التذاكر ونتوكل على الله

فهل تنصحوني اولد هناك عشان طفلي ياخذ الجنسية ولا ماتسوى!!

اولا أستخيري الله في هذا الموضوع ... ثم إذا تسمعي نصيحتي أتوكلي على الله واولدي هناك وثقي تماما إنتي وطفلك راح تكونوا بأحسن حال بل وأفضل من ولادتك هنا بين أهلك ... ( من تجربة شخصية رزقني الله بطفلين في أمريكا وكانت زوجتي سعيده جدا من الأهتمام من قبل المستشفى وراحة نفسيه لاتوصف) ولا تنسي ربك بيسر كل شيء .
مع العلم اني بالاشهر الاخيرة وافكر اروح اولد هناك سمعت انه لو ولدت طفلي تكون له ميزات كثيرة ..
فانتوا وش نصيحتكم هل يستاهل الموضوع اني اتعب شوي واروح المشوار هذا عشان اولد هناك !!!
مع العلم انه انا احس انه يمكن لما اروح وانا حامل اسهل من لما اكون والد وطفلي في ايدي لانه راح يبكي 24 ساعة بالطيارة والناس راح تدعي علي وغير كذا راح اتأخر على مااروح هناك يعني ارح انتظر انه يكبر شوي ..
فأيش رايكم اخوتي ..!!!
ممكن القى من عندكم نصيحة !!
الميزه الوحيده هي حصول طفلك على الجواز الأمريكي تلقائيا.

• ولو ولدت هناك ايش الميزات اللي ممكن طفلي يحصلها .. وهل فعلا اذا ولدت اول طفل في امريكا حتى احنا اقصد انا وزوجي نقدر ناخذ الجنسية !!!!؟؟؟؟

هذا بعد ما يصبح طفلك عمرة 18 هو يقدم لكم للحصول على الجرين كارد.

• وماأدري اذا عندكم علم هل لو ولدت هناك التكاليف راح تكون على الحكومة ولا من حسابي الخاص ؟؟

نعم جميع تكاليف الولاده والمراجعه وتطعيمات طفلك سوف تكون على حساب الحكومة ولله الحمد .
انتظر منكم الرد
ولكم خالص شكري وتقديري على تعاونكم !!!

اختي mayameen
من الايجابيات انهم يعطونه جواز امريكي بس من السلبيات انك اذا ولدتي هناك خلاص يعتبرون الولد امريكي فيعطونك
قوانين تتبعينها في الاهتمام بالولد ولازم تهتمين فيه واذا خالفتي احد القوانين او غلطتي ممكن ياخذون الطفل عليك
ويربونه هم وانتبهي للنقطه هذي .

:smile001: قود آفتر نوون
اختي ميامين مايصير تركبين طيارة لانه فيه خطر عليكي وعلى الجنين (الله يجعله من الذرية الصالحة)
واصلا من قال انهم بيسمحون لك تركبيت الطيارة تراه ممنوع
واذا كان قصدك الجنسية ماسمعتي اللي يقول (ارفع راسك انت سعودي):smile001:

1. هذا بالاضافه الى ميزات كثيره الواحد ما يفكر فيها الآن مثل :

الأخت mayameen بعد التحية اقولك اول شي الله يسهل عليك وتقومين بالسلامه وبالنسبه لموضوع مكان الولاده اذا ما عليك خطر في الطياره وتقدرين توصلين هناك بالسلامه والله انا انصحك تولدينه هناك انا توني جاي من اجازتي 4 سبتمبر الماضي من امريكا لي هناك اصدقاء لي كثير يدرسون هناك اللي له سنتين والي اكثر جلست هناك حول الشهر وموضوع القرين كارد والجنسيه وموضوعك بالذات كان محور نقاشنا في كثير من الاوقات .
صدقيني ما راح تخسرين شي بالعكس انا بعطيك حسب خبرتي وخبرة زملائي اشياء كثيرة ممكن تستفيدون منها :
1-مباشرة وبدون اي اجراءات مجرد ما يولد طفلك هناك يكتسب الجنسية الامريكية ولا يكون بينه وبين الامريكي الاصل اي فرق وعلى فكره هم اللي راح يبادرون وبحرصون على اعطائه الجنسيه !
2-ولادته هناك تعطيه الحق هو فقط بالجنسية ولا تعطي والديه (لايضيق صدرك)
لانه اذا اكمل الولد 18 سنه حسب معلوماتي وقتها ممكن يكسب والديه الجنسيه .
3-الولد بعدين ومنذ ولادته اذا احتاج لا قدر الله الى اي نوع من انواع العلاج تتكفل الحكومه بذلك زيه زي اي امريكي .
4-اذا حبيتو بعدين ترسلون الولد يدرس هناك مافيه اي عقبه ولا في حاجه ينذل عشان ياخذ بعثه دراسيه لانه مواطن امريكي له الحق في التعليم المجاني في اي جامعه يختارها.

هذا بالاضافه الى ميزات كثيره الواحد ما يفكر فيها الآن مثل :

• اذا حصل على الجنسيه الامريكية يدخل اي دوله في اي قاره بدون فيزا وطلبات تقديم الفيزا الي تطفش.
• خلونا نكون واقعيين في اي مكان في العالم مجرد ما يبرز هالازرق ----------> الجواز راح يلقى معامله غير وصدقيني في الدول العربيه بالذات يقدر بهالجواز يدخل مسار البلوماسيين وكلنا نعرف ميزة هالمسار .

على فكرة كونه امريكي معناها يتمتع بحقوق كثيره ما تحضرني كلها الآن لكن لازم تحسبين حساب ان نظام المملكة يمنع الازدواجيه في الجنسيه بمعنى لو اكتشفوا ان ابنك معه جنسيه امريكيه ترى راح يخيرونه بين الجنسيتين .
بس للمعلوميه كثير من الشباب ولادتهم كانت هناك وخذوا الجنسيه او حتى اللي معهم القرين كارد (وكثير من زملائي معهم القرين كارد) الوضع طبيعي معهم لان ادارة الهجرة والجوازات الامريكيه ما عندها اي مشكله لو معك جنسيتين وهم عارفين ان كل السعوديين محتفظين بجنسيتهم الاصليه وما عندهم مشكله وفي نفس الوقت اللي حاصل ان اللي معاه جوازين يدخل السعوديه ويطلع منها بالجواز السعودية وبعدها يدخل اي دوله ويطلع منها بالجواز الامريكي وانا مؤيد لهذا الاسلوب لان جنسيتي الاصليه هي عنواني ومستحيل اتخلى عنها لانها الاغلى .
اخيرا وليس آخرا اتمنى يا mayameen وكل من يطلع على المشاركة من الأخوه الكرام اني قدرت افيد في جزء ولو بسيط من الموضوع الي اختمه بهالتعليق البسيط :
حماسي وحرصي على الموضوع ليس كرها في بلدي او ولع شديد بالغرب وانما دائما الانسان يبحث عما يحقق له الفائده بما لا يتعارض مع الدين وبالتالي فإنه من المنطق القول بأن امريكا سابقه لكل دول العالم في كل المجالات .

مشكوريين حيل وماتقصرون على الردود
بس عندي بعد سؤال الحين انا لما اجي اركب الطيارة هل ممكن اذا مابين انه انا حامل يعني يمشي حالي
او انه لازم اعطيهم تقرير انه انا بأي شهر وغيره ؟؟
يعني ماممكن انه احاول انه البس لبس بحيث مايبين علي اني حامل وخلاص يمشي الموضوع؟؟؟؟؟؟
اقصد هم كيف يعرفوا اني حامل اذا انا ماقلت لهم!!

بس حبيت اضيف معلومة
انه انا لما اركب الطيارة تقريبا راح اكون بالشهر الاخير ...
هل صحيا للطفل ماهو زين له او انه بس الخطورة في انه يمكن اولد بالطيارة ؟؟؟
لانه من جد ماودي اولد هنا لانه راح تكون بعد ارجراءات ثانية واعمل فيزا للطفل وماراح اقدر اروح واهو عمره شهر ولا شهرين المشوار طويل صعب مرة

الاخت ميامين بغض النظر عن القانون هل يسمح لك او لا المفروض انك تحرصين على ابنك وتسئلين قبل كل شي طبيبك عن امكانية السفر او لا لانه بالطريقه هذه تطمنين على نفسك وولدك وفي نفس الوقت ترا الامريكان ناس فاهمين والنظام هو الي يحكمهم عشان كذا انتبهي وكوني على بينة لو كذبتي عليهم واكتشفوا الشي هذا راح يكون موقفك محرج وانتي مو مضطرة تحطين نفسك في هالموقف لأني اعتقد انه تقرير طبي معتمد من الطبيب المباشر لحملك يكون على ورق رسمي ومترجم بالانجليزي ومصدق من المستشفى يثبت امكانية السفر لك بوضعك الحالي ويتضمن تحمل كافة المسئوليه كفيل انك تطلعين الطياره وانا بصراحه ما الومهم لأن الدعوه ماهي لعب مثل ربعنا اللي في المستشفيات ...... تلقاه ينسا مقص في بطن الوحده لما تولد ولا كأنه صار شي بينما هناك والله لو يصيرلك شي في طياراتهم بدون ما يخلون مسئوليتهم تأكدي ان فيها ملاين الدولارات اذا اشتكيتيهم ... وهم مو ناقصين
عموما اختي ما فيه شي اهم واغلى من سلامتك وسلامة ابنك عشان كذا نصيحه : لا تفكرين في الجنسيه وما الجنسيه قبل ما تتأكدين من عدم خطورة السفر عليك والله يقومك بالسلامه ...........ز