المسافر2121
04-06-2022 - 10:15 pm
السلام عليكم ورحمة الله
انا شخص مقبل على زواج وزواجي تقريبا ب اكتوبر وودي بشهر عسل لا ينسى خصوصا انه شهر العمر تقريبا ونبغى يجلس بالذاكره طول العمر ... احترت في البداية وين اسافر لأي دولة .. كنت من المتابعين لمنتدى العرب المسافرون ولم تكن لدي عضوية ..بالبداية تعلق قلبي ب ماليزيا للسفر إليها بعد ذلك بطلت منها بعد ما جيت هنا وشفت الطبيعه والتقارير الحلوه منكم عن فييناا وعن النمسا وعن مدنها الجميلة.. انا بصراحه أتمنى ان يكون شهر العسل في النمسا ولكن متخوف من هذه المغامره خصوصا انني لست وحيدا أو عازبا لو كنت عزوبي فما بيتغير شي
المهم أبي تعطوني أفضل المدن للنمسا .. تكاليف السفر لمدة 12 يوم يوم وقيمة التذاكر والاوراق المطلوبة الفيزا وكم قيمتها وكم القيمة الاتقديرية لشهر عسل لمدة 12 يوم خصوصا واني ابغى سفره معتدله التكاليف
وشاكر لكم مقدما
وبعد عندك سالزبورغ
بالنسبه للفيزا تحتاج لفيزا الشنقل وتآخذ من اسبوعين إلى ثلاثه اسابيع
بالنسبه للسعر اوروبا غاليه بس النمسا تعتبر من دول أوروبا المتوسطه الغلا لانها ريفيه
وطبعا التكلفه تعتمد على مكان الإقامة هل هو في فندق ثلاثه نجوم أو اربعه نجوم او خمسه نجوم
وفنادق اربعه نجوم بالنمسا ممتازة وتقدم لك الفطور والعشاء بوفيه أما الغداء ما تقدمه