اخي العزيزاليك رابط شهر عسل في بالي من اخوي نجم الكويت
https://artravelers.com/p/re/347957

لي عوده يبو عزوز بعد المباراه باذن الله تسر خاطرك

أخي سندي محضار والله قريت هذا الموضوع الي في الرابط أكثر من مره وحتى حاطه عندي في المفضله,,
بس أنا بغيتها بالأسم وكيف طريقة الحجز من قبل هل من نفس الفلل في بالي والا عن طريق مكتب كاها,,
أخي jaka أنا موجود في إنتظارك وإن شاء الله يفوز الفريق الي في بالك لأن مالي في الكوره مره,,

1. السلام عليكم ورحمة الله وبركاته ..

السلام عليكم ورحمة الله وبركاته ..

اخواني في هذا المنتدى الرائع واللي عودتونا على العطاء ,,فديتكم لاتخيبون ضني وانا اخوكم
قررت انا وزوجتي نجدد شهر العسل في بلاد العمه ولأول مره ووصولنا بيكون في يوم 22 مايو ان شاء الله وبأجلس حوالي 13 يوم لكن لاحظت من خلال قراءة تقارير الاخوان في المنتدى الاختلاف في الاراء من ناحية افضل سكن في الجبل بونشاك وفي بالي فهناك من يمدح بعض الفلل وهناك من يسبها فياليت تساعدوني في اختيار افضل فلل الجبل من حيث الامان وهو الاهم ومن ناحية النظافه وتواجد عدة الطبخ والشغالة يعني باختصار افضل افضل فله موجوده وما تكون موحشه في الليل ومن ناحية السعر لايهم ولا أرغب في الفنادق او الشقق,,؟؟
واذا أمكن أرغب في فله في بالي تكون وسعرها معقول وممتازه وموقعها خرافي تكفون..
اتمنى منكم ذكر الفلل بالاسم وليس بالتلميح لأن والله تعبت من كثر التدوير ..
وهناك سؤال اخر .. بالنسبه لشواطئ بالي ايها افضل شاطئ كوتا او شاطئ نوسادوا وهل يتوفر في كلاهما
الجت سكي (دبابات بحريه) ...ام لا وايهما يكون حيوي ليلا ؟؟
ووش رأيكم في شاطئ سمنياك,,,وأين يقع لأن أغلب الفلل موجوده هناك؟؟؟
ورجاء لا احد يقول لي هذا الرابط بتحصل فيه والله لفيت الموقع كله وكل المواقع الي لها صله بهذه المواضيع,,
اخوي اولا لازم ترتيب برنامج سفرك بيكون 22 مايو يعني يوم السبت
وصولك بيكون يوم 23 يوم الاحد هليوم تسكن فيه في جاكرتا السكن راح احدده لك في بالي ولا جاكرتا ولا بونشاك حسب ميزانيتك لان سوالك تطرق لكل الامور ولا تطرق للميزانيه ابدا
هل ميزانيه السكن مفتوحه ولا محدده
ميزانيه الرحله مفتوحه ولا محدده
يوم الاثنين تطلع للمطار مطار جاكرتا ومنه تطلع لبالي طيران
تقعد في بالي الين يوم 30 مايو
ومنها ترجع جاكرتا يوم 31 مايو ومن جاكرتا مباشره تطلع من المطار الي بونشاك
بونشاك تبعد عن جاكرتا 80 كيلو تقريبا
تقعد في بونشاك 4 او خمس ايام لين قبل موعد سفرك ورجعتك الليله الل يقبل سفرك تنزل في الصباح لجاكرتا
هذا ترتيب برنامج فقط بايام حسب طلبك
قبل ندخل في العميق
عطني عدد ايام سفرك بالظبط لانك قلت تقريبا 13 يوم ولا اعلم ضمنها يوم العوده ولالا فحدد لي يوم العوده الظبط
واذا ميزانيتك تسمح وممكن تزود كم يوم يومين ثلاثه فممكن نرتب لك البرنامج بشكل ثاني ونضيف مناطق ثانيه
انت اخترت بالي وبونشاك وفيه مناطق تستحق الزياره بعد لو زودت ورحلتك 15 او 16 يوم مثلا وميزانيتك راهيه وتسمح لك فالافضل انك تزورها معك
بقيه الاسئله من الفلل والفنادق ابشر نرد عليك بالتحديد بس بالاول تعطينا ميزانيتك لانه مثلا في بالي فيه فلل توصل ل500 دولار واكثر بعد وفيه فلل ب 250 وفيه فلل ب120 دولار
الفلل في بالي ارشح انك تختار فلل فاخره يوم او يومين فقط للراحه(( اذا ميزانيتك تسمح )) وبقيه الايام تكون بفندق ببالي
فلل بونشاك اقل مستوي لان المنطقه ريفيه اخوي وفللها مو فخمه فيه نوعين من الفلل فيها
فلل في منتجعات وفلل مستقله وبعضها يكون بحارس وبعضها بدون حارس
الفلل في بونشاك اغلبها مالها موقع للنت تحجز منه
اغلبها تحجز من هناك مباشره من نفس الموقع دايركت من الحارس للفيلا او الريسبشن في المنتجعات
اولا اجبني عن الميزانيه ووقت الرحله وساكمل معك الردود باذن الله

حياك الله أخوي jaka والله يصلح لك مالك وعيالك وربي يوفقك دنيا وآخره,,,
بالنسبه ليوم الوصول هو يوم 23 -5-2010 الساعه 4 عصرا
والعوده يوم 4-6-2010 الساعه 12 في الليل,,,والميزانية مو نقول مفتوحه لكن خلنا نقول وسط لا افراط ولا تفريط يعني مثلا في بالي يومين في فيلا فخمه وسعرها وسط والبقيه في فندق ماعندي مانع بس الي مخوفني الجبل لأني رايح وقت مابيكون فيه عطله ولاشيء يعني موته وبعدين الي مخلني مصر على الجبل لي نفس في الطبخ والنفخ والتيس خ,,,
وبغيت أحط في الجدول باندونق اذا هي تستاهل وماعندي مانع,,,,
عطني جدول كذا محبوك بأسم الفندق الي مضبوط في جاكرتا والفيلا في بالي ليومين والباقي في فندق عادي والجبل فيلا تكون ماعليها خوف وفيها حراس وباندونق أنا قررت السكن في جراسيا سبا,,,
بس هل أخلي بونشاك في البدايه والا النهايه,,,,,فدي يتك
والميزانية تقريبا في حدود ال 10 الى 13 الف من غير التذاكر,,,كيف بطران صح ههه

ماشاء الله عليك يأبو خالد

ابو خالد لا جاء يطل يغلب الكل ماشاء الله عليه مشرفنا الغالي وبرضو انته يااخونا القدير بنتاق ماتقصر وجودك في هذا المنتدى شرف لنا اخوي الغالي تحياتي لك يابنتاق اخوك عاشق الشلالات يالبى كل شلال في العالم

1. الفلل اللي في منتجعات هي الافضل للعوائل


2. تحتاج الي فيزا للحجز في الفلل

حياك الله أخوي jaka والله يصلح لك مالك وعيالك وربي يوفقك دنيا وآخره,,,
بالنسبه ليوم الوصول هو يوم 23 -5-2010 الساعه 4 عصرا
والعوده يوم 4-6-2010 الساعه 12 في الليل,,,
علي اي خطوط حاجز انت ؟؟
مده رحلتك بتكون 12 يوم وليست 13 يوم ونقدر نحسب اخر يوم بس اليوم الاول اعتبره ميت في رحلتك يادوب توصل وتريح في الفندق او تطلع مطعم قريب مثلا
بهذه المده ماانصحك تضع بالي في جدولك لانك بتتعب بالتنقل زياده وباندون قتحتاج اربعه ايام علي الاقل اخوي يومين بباندونق ويومين بلمبانق ضاحيتها
الافضل ايضا انك تلغي بالي وتخلي رحلتك بين بونشاك وباندونق للتوفير حيث ان مصاريف بالي اكبر+ وجود رحله طيران داخلي
هذا اقتراح لرحلتك وانت من يحدد حسب رغبتك وميزانيتك
فان كنت مصرا علي بالي فتلغي باندونق من رحلتك ولا تضعها بجدولك
والميزانية مو نقول مفتوحه لكن خلنا نقول وسط لا افراط ولا تفريط يعني مثلا في بالي يومين في فيلا فخمه وسعرها وسط والبقيه في فندق ماعندي مانع
اخوي الفلل الفخمه في بالي تحتاج دفع ونقد
الفلل اللي تشوفها في التقارير الصور تلعب دور في تفخيمها
هذا لا يعني انها مو فخمه لكن مو زي الحقيقه المصور له دور في ابراز جمال الفيلا
وعليه انت تقول مابي تعطوني روابط لمواضيع بس انا ذوقي مو زي ذوقك ومااعرف كم المبلغ المحد للسكن انت ما حددته وانا سئلتك عنه لاعرف
شف مثلا هذا الرابط فيه فلل تصل الي 500 و66 و350 دولار بنظام اللوكسر
https://artravelers.com/p/re/347957">https://artravelers.com/p/re/347957
وهنا فيلا بسعر اقل تصل الي 130 دولار تقريبا لاقل فئه
ياهلا ياالغالي
اذا كنت لاتملك فيزا يمكنك ان ان تحجز عن طريق الحوالة البنكية
مثل حوالة الخدامات الى اهلهم
بالنسبة للفيلا هناك فيلا مناسبة لميزانيتك وسعرها مثل سعر الفنادق
ارشح لك فيلا جميلة
سعرها مناسب وموقعها قريب من كل شيء المطاعم والاسواق
لكن عليها طلب رهيب من السياح اتمنى ان تجدي فيها حجز
اسم الفيلا : Villa Uma Sapna
في سيمنياك شارع Drupadi Street
لديهم ثلاث انواع من الفلل :
Two Bedrooms Pool Villa
غرفتين وصالة وحمام سباحة خاص مع حمامين
السعر 305 دولار
One Bedroom Pool Villa
غرفة وصالة ومسبح خاص مع حمام
السعر 180 دولار
One Bedroom Spa Pool
غرفة وصالة وحمام مع جاكوزي فقط
السعر 130 دولار
الفلل بغاية الخصوصية وانصحك بها
الموقع للحجز
https://artravelers.com
شاهد استعراض فديو للفيلا هنا
https://artravelers.com/p/re/359179
في الرابط الاعلي راح تجد اجابات لاستاذنا نجم الكويت عن السكن ببالي والفلل فيها
وهذا رابط فيه فلل اخري بسعر اقل
https://artravelers.com/p/re/293712
الفنادق في بالي الجيده بنلقي لك فندق جيد بين 75 وال 110 دولار بحسب الفندق اللي بعطيك اسمه وتختاره
الفلل لازم انت تحددها انا مااقدر احددها لك لانك ما وضحت لي السعر مثل ماقلت لك ولا اقدر اخمن بكم حاط ميزانيه لها
بس الي مخوفني الجبل لأني رايح وقت مابيكون فيه عطله ولاشيء يعني موته وبعدين الي مخلني مصر على الجبل لي نفس في الطبخ والنفخ والتيس خ,,,
الجبل وقت سفرتك افضل وقت بيكون مافيه زحام من الناس والسياح اخوي
الجبل منطقه بعد العشاء والمغرب اصلا تكون ميته ونائمه وهدوؤ سوا وقت سياحه ولا وقت مو موسم المنطقه ريفيه واغلب مناطق اندونيسيا ما عدا المدن غالبا الساعه 8 وكلشي مقفل ومنتهي
يعني تطلع الصبح وتتمشي وبالليل ترجع لمقر سكنك
السكن لشخصين رجل وامراه الافضل يكون بفندق اول يوم للتعود علي جو وطبيعه المنطقه وافضل فندق فيها هو سيروني 3 وسيروني 2
يعني تسكن في اول يوم في الفندق هذا برايي لازم منها لابد تقرر هلشي اول يوم تجي للبونشاك تحط عفشك في سيروني 3 وتطلع تتفرج علي الفلل عشان تطلع لها ثاني يوم وتسكن فيها
لازم يكون سكنك اول يوم في فندق لان معك امراه الحريم خوافات اخوي جدا والمنطقه مافيها اضاءه بالليل في الشوارع كل الاضاءات فيها هي اضاءه الفلل والمنتجعات والفنادق فقط
فيكون فيها شويه تخوف من النساء غالبا والفندق يكون امن في اول يوم لراحه والتعود علي المنطقه وثاني يوم تطلع للفلل وتشوي وتطبخ برحتك
انت ملزم علي فيلا في الجبل ركز معي
الفلل في الجبل فيه فلل لها اسم وفيه فلل عشوائيه مالها اسم يعني صاحبها مسويها وياجرها للناس وحاط حارس او سمسار يدل عليها

الفلل اللي في منتجعات هي الافضل للعوائل

كوتا بونقا فلل جيده ككثره وتنظيم وسعر بس المنطقه موحشه لانها تقع في ابعد نقطه من بونشاك وتقع في اعالي منطقه اسمها شيباناس والمنتجع فيه فلل كثيره جدا واغلبها املاك خاصه فسكنك فيها بيتعبك ليلا بتحس بوحشه والفلل جنبك فاضيه رغم انها من امن المنتجعات هناك لكن هذا الوضع راح تعايشه هناك وانت ساكن فيها
مثلا فيه فيلا رائعه خاصه اسمها فيلا تكساس Villa Texas
لكن مشكلتها انها كبيره عليك وسعرها غال يمو رخيص
الفيلا بتكون كبيره عليك اخوي وغرفها واجد عليك وفيها مسبح خاص وطاوله بلياردوا
فيلا اخري اسمها رونيلا 2 فيلا جيده بعد لكنها بعد غرفها واجد عليكم
فخذها مني نصيحه وانااخوك اول ليله اسكن في سيروني 2 او سيروني3
وبعدين رح اختار الفيلا بحسب راحتك ونظرتك
وبغيت أحط في الجدول باندونق اذا هي تستاهل وماعندي مانع,,,,
لا تحط باندونق اذا علي برنامجك تمشي علي الترتيب اللي عطيتك اياه اول
عطني جدول كذا محبوك بأسم الفندق الي مضبوط في جاكرتا والفيلا في بالي ليومين والباقي في فندق عادي والجبل فيلا تكون ماعليها خوف وفيها حراس وباندونق أنا قررت السكن في جراسيا سبا,,,
بس هل أخلي بونشاك في البدايه والا النهايه,,,,,فدي يتك
الترتيب تمشي علي الترتيب اللي عطيتك هو اول في اول رد
اذا تبي زياده ايام في بونشاك تقدر تقلل عدد ايام سفرتك لبالي وتزودها ببونشاك
الاهم انك تحاول ما تطلع من جاكرتا الي بونشاك يوم السبت او الاحد لانه يوم مزحوم بالطريق وال80 كيلو ممكن تقعد فيها 5 ساعات لان الطريق مغلق بيكون وبيصير طريق باتجاه واحد
السكن في جاكرتا بيكون في اول يوم في فندق ميركور انشول تحط عفشك فيه وتريح وتروح تتعشي في مطعم بندر جاكرتا اذا الوقت بدري لانه يقفل تقريبا قبل العشاء
المطعم قريب من الفندق علي شاطيء البحر
الفندق مهو فخم بس ميزته انه علي الشاطيء
وميزه اخري انه قريب من الطريق السريع عشان ثاني يوم تطلع للمطار مباشره
وفيه سكن قريب منه بنظام الشقق اسمه استون مارينا اذا تبي تطبخ بنفسك ولا تبي مطاعم
واخر يوم قبل الرجعه للبلد لما ترجع من بونشاك تسكن في وسط المدينه مثلا في شقق اريادوتا سمانقي للطبخ بنفسك
او فندق منهاتن اذا تبي فندق تصنيفه اقل او اذا بتدفع بفندق فخم قراند حياه كلها بوسط المدينه وقيربه من الاسواق الفخمه للتمشيه فيها والعشاء فيها كسوق قراند اندونيسيا او سمانقي بلازا
والميزانية تقريبا في حدود ال 10 الى 13 الف من غير التذاكر,,,كيف بطران صح ههه
ميزانيه جيده
انا انتقيت لك فناق جاكرتا واعطيتك روابط تختار منها السكن في بالي وبونشاك السكن فيه حددته لك
بالنسبه للسكن في جاكرتا تحجز السكن فيها اول ما توصل من مكتب كاها في المطار لاول يوم
واخر يوم قبله بيومين تحجز من البونشاك من فرع مكتب كاها في الفندق في اخر يوم
السكن في بالي في الفلل لازم تحجزها من هنا سوا من مواقع الحجز بالنت للفلل ذاتها او من مواقع الحجز اللي موجوده بالنت

تحتاج الي فيزا للحجز في الفلل

الفنادق في بالي السكن يكون من هناك او من مكتب كاها مثلا في جاكرتا يعني اذا حددنا سكنك في فندق بالي اول ما توصل الي مطار جاكرتا في سفرك الدولي تنزل وتحجز السكن في جاكرتا لاول يوم وتحجز معه السكن في فندق في بالي لثاني يوم من مكتب كاها ايضا عشان تريح مخك
في بونشاك تحتاج الي الحجز من نفس الفندق في سيروني مباشره والفلل تختارها هناك كما ذكرت لك

ابو خالد بوسه على جبينك تسلم يمينك ابداع فوق مستوى الامتاع الله يعيطك الف عافيه يامشرفنا الغالي ماقصرت بيض الله وجهك حبيبي ابو خالد ،،،،،،،،،،