وعليكم السلام ورحمة الله وبركاته
هلا وغلا اختي
الصراحه انا اختلف مع الي ايقول الأسعار نار !
الصراحه الأسعار ارخص من الخليج + التشكيلات احلى واكثر بواجد ..
فكل شي متوفر في لندن بسعر حلو ..
وفيه الغالي وفيه الأرخيص

شكرا لمرورك واذا عندك اضافه او فائده تبي تضيفها من كل النواحي اكون شاكره

لاأتحاتين
اغراض المطبخ من بهارات وغيره موجود هناك في البقالات العربيه
الصيدليات فاتحه 24 ساعه واغلب الي فيها عرب
العبايات السود والنقابات منتشره في لندن ماشاءالله وفي بريطانيا بشكل عام ..
أم !
هذا الي في البال الحين ..
وإذا فيه اي استفسارات او إذا تبون اتعرفون عن اشياء اكثر مالكم إلا السؤال وخلي الإجابه علينا إذا كنا انعرفها

اقولك شي.. انا لو منك اروح فاضية.. بشنطة يدي وجكيت
حتى الحجابات حجابات لندن أحلى.. والجكيتات واللبس الطويل متوفر عندهم بشكل اسهل مننا.. اي شي يتعلق بالملابس فاسعارهم احلى من اسعارنا
البهار واغراض المطبخ متوفرة لكنها اغلى.. انا عن نفسي البهار جايبة معي من السعودية عشان النكهة متعودة عليها جبت حليب ابو علم لأني مالقيته,, هناك بشارع العرب فيه ابو قوس وطبعاً اغلى
الاغراض العربية موجودة في شارع العرب.. يعني اذا كنتي ساكنة برى لندن.. لو بلندن بس بعيد.. بتروحين بين فترة وثانية تتقضين.. بس كل مدينة راح تلقين على الأقل سوبر هندي لو سوبر عربي او تركي وفيه اغراض مشابهة
اذا بتجيبين اغراض جيبي الاشياء الي ماتنوجد بسهولة مثل زيوت الشعر + الاشياء الشعبية زي المرة , الشبة, الطين .. الخ لأن هذي الأشباء الي انا اخذها معاي وصعب القاها هناك
ملاحظة: بالنسبة للعباية ولونها فهذا يعتمد على حسب المدينة الي راح تسكنينها.. انا في مدينة كنت فيها فترة جداً قصيرة.. اذا لقيت محجبة كنت انبسط لأن حتى محجبات كانوا قلة فلو سكنتي بمنطقة زي كذا تقدري تلوني في العباية وتغيري عن الأسود.. لكن بالمدن الرئيسية والمعرووفة الوضع جداً متعارف عليه..
انا معاي بالجامعة بنات يلبسون عباية راس + نقاب.. صحيح اسمع الطلاب احيان يتكلمون عليهم ولما يدخلون الكلاس يصير لمز وهمز بس الوضع عادي.. هم مرتاحين ومافي احد يتدخل في خصوصياتهم

https://artravelers.com الف شكر على المرور ما قصرتي

بعد ابي اعرف كم ساعه من الرياض الى لندن