النمسا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
معشوقة زوجي
12-01-2022 - 04:34 pm
السلام عليكم اتمنى الكل باحسن حال واتمنى الكل يستمتع برحلاته
ممكن استفسار يا اخوان
انا كويتيه وزوجي قطري وحامل بالشهر الثالث وماني عارفه وين انسافر ؟؟؟؟؟؟؟؟؟؟؟؟؟ اهوا يبي تايلند وانا ما ايدته اتوقع تايلند تبي مجهود ولعب واخاف اسافر وأحتر لاني ما اقدر العب ----وانا ابي اوروبا بس يقولون اوروبا بارده بشهر مارس-- وتبي فيز احتمال اتطول-- ومحتارين ولازم نقرر باسرع وقت ----شاريكم اوروبا ولا تايلند؟ اختكم اول سفره لها بحياتها برا الخليج ويعطيكم الف عافيه


التعليقات (8)
ابو نزيه
ابو نزيه
والله النمسا راح تكون بارده في شهر مارس وتحتاج تأشيرة
لكن فيه دول في اوروبا جوها حلو في شهر مارس مثل : اليونان , وأجزاء من ايطاليا
لكن ميزة أوروبا وانتي حامل ان مدة رحلة الطيران 6 ساعات بالكثير ويمكن أقل وتايلند تحتاج الرحله وقت أطول وهذا متعب للحوامل
والقرار يرجع لكم بالأخير

ALI_Q8_77
ALI_Q8_77
انا رأيي
كما هو المعروف لكم . ان الحامل بشهر 3 بيكون السفر صعب عليها .. رأيي تراجعين الطبيب المختص اولا لسلامتكي .. وليس لامر اخر فالسفر لاحقين عليه .. وخصوصا لو كنتي تعانين من اي صعوبات بالحمل .. علما ان ضغط الطائره للمسافه طويله مضر على الحمل بهذي الفتره
ثانيا الله يسهل عليكي وترزقين بالذريه الصالحه .. وتقومين بالسلامه ..
ثالثا .. رأيي ان يكون السفر بعد الولاده على خير
تحياتي

ااالريم
ااالريم
ماانصحك تروحين
احتمال الله لايقدر اجهاض
خليها سفره بعد الولاده

معشوقة زوجي
معشوقة زوجي
انا سالت الدكتوره وقالت مافيه مانع عادي حالتي وحالة الجنين اوكي وبدش الشهر الرابع وما فيها خطر
بس انا حسيت ان النمسا واوروبا الكل مخالفني الراي على السفر هناك يقولون ما تصلح وانا حامل
ودي ابجي ليش طيب يمكن بعد الولاده ما اقدر طفل رضيع معاي صعبه اسافر
الكل مرشح تايلند

حلم مجنون
حلم مجنون
لا تايلند ولا اوروبا روحي موريشوس تجمع الاثنين الشواطئ والطبيعة والجو الحلو
انا رحت لها في شهر العسل وكانت من اروع مايكون ورحلتها حول ال ست ساعات..
موفقة اختي والله يرزقكم الذرية الصالحه..

ااالريم
ااالريم
اذا ملزمه شوفي جزرالمالديف قريبه

سندرلاا2010
سندرلاا2010
سراحه اختي بما انها اول سفر لك برا الخليج فخليها بعد ما تقومين باالسلامه
وابدو بختيار الدوله وخططو لها من اللحين ترا التخطيط المبكر =سفره جيده
وبعدين انت اول حمل لازم تلزمين الراحه
والسفر تعب ومشي وتزلج اذا ناويه ع النمسا
ولك حرية الاختيار

جلاد السفر 1
جلاد السفر 1
لا تغامرين خلي السفر بعدين نصيحه البيبي اهم


خصم يصل إلى 25%