اختي الكريم لا تشيلين هم اللغه اهم شي العزيمه ولو كل واحد حط في باله لغه البلد اللي يبي يسافر لها كان صار الشعب السعودي بلبل لغات صدقيني يس ونو تعتبر 100% والاخوان كثير وانا واحد منهم مهنا زود باللغه ومشت الامور ولله الحمد · والجو بوقتكم بارد وحتى يكون فيه استمتاع بالرحله انشالله يفضل استئجار سياره وعموما الشعب السويسري غير متقن للغه الانجليزيه يعني الحال من بعضه عزموا وبشري بسعدك ونشالله الاعضاء ماراح احد يبخل باي طلب

ربي يجبر بخاطرك اللي رديت علي بس سؤالي كيف ر اح نتفاهم مع الليموزينات حتى تودينا المكان اللي نبي وحتى لو سيارة شلون راح ندل ؟؟؟
ونبي نطلب شي من الفندق مثلا كبس استشوار او غسيل او او شلون
اتمنى القى اجابه والف شكر لك

انا الحين اكتب لك من انترلاكن في سويسرا
لغتي الانجليزية حلوة لكن مااستفدت منها كثير لان الاغلب هنا مايعرفون الا الماني او فرنسي
وبالاشارة كل شي يمشي وماعليك من اللغة ابدا ... والاوربيون متعودين علينا
موفقة خير

عزف منفرد
عندي ملاحظه على كلامك اخوي مستحيل ما تستفيد من لغتك الانجليزيه هناك ربما استفدت منها بدون ما تحس فليس المطلوب السوالف معهم اكيد انك تسأل عن رحلات معينه في الاماكن السياحيه والانفرموشن وعن الخيارات الافضل واذا كنت ما تسأل فاكيد هناك لوحات ارشاديه تقرائها باختصار اللغه تسهل اشياء كثيره في السفر وتشيل عنك معاناة انت ما تحس فيها غيرك جالس يعاني بالنسبه لي لغتي انا وزوجتي ممتازه وهي بعد الله دليلنا السياحي في اي مكان تحياتي

جيجان111
اختي انا اشوف ان اللغه مطلب ضروري للسفر وافضل شخص تسألينه هو من لايملك اللغه اما من يتكلم اللغه فقد يقول بانه لا فائده منها رغم انه مستفيد بطريقه اخرى فهو يقراء اللوحات الارشاديه وهناك الانفورميشن وهكذا يعني فاقد الشيء لا يعطيه وانا لا استطيع ان افتي لك لانني لم اجرب هذه المعاناة ولكن الذين لا يملكون اللغه هم من يستطيع توصيل المعاناة لك بدقه فهو عاشها طبعا تستطيعون السفر ولكن يجب عليك التحضير الدقيق للسفره وترتيب برنامج واضح ومكتوب لك بحيث لا تظطرون للسؤال اما بالنسبه للفندق فتستطيعون التفاهم معهم بالاشاره او الوصف ولكن لا تكثرون عليهم الطلبات يعني سشوار مثلا خذيه معك ليش كل شوي تطلبينه او احجزي فنادق بسشوار وهكذا تحياتي

اعقليها وتوكلي اخت جيجان
اكون معك صريح اللي ماعنده لغه ماله الا حل واحد ولكنه مكلف شوي مادياً وهو السواقين العرب هناك
لكنهم غاليين صراحه والميزه انهم يرتبون لكم جدول متكامل وكل ماتحتاجونه يكون بين ايديكم
عموما انا لغتي ماهي قويه مره ومشيت نفسي في النمسا والمانيا وايطاليا لأن في الغالب مايتكلمون
انجليزي غير الفنادق طبعا وان شاء الله بعد العيد مسافر لسويسرا وفرنسا لكن هالمره مع زوجتي ولغتها كويسه
وتارك المهمه عليها
نصيحه لاتكبرين الموضوع وتوكلي على الله ورحله سعيده

عزف منفرد
الحمد لله اذا فيه عرب والمال مو مشكله بس وين القاهم تكفى وهل فيه كتب لبعض الكلمات الل تفيدني
المشكله زوجي معتمد علي بعدالله اخاف زوجتك مثلي

جيجان111
فيه سائقين عرب وهذا الرابط من المنتدى
https://artravelers.com/p/re/397898
تقدرون تنسقون معهم قبل السفر اذا مافيه مشكله في المال
بالنسبه للكتب في مكتبة جرير انواع من الكتب لتعلم المحادثه مترجمه من عربي للانجليزي
تحياتي