صحيحه المعلومه اختي
عندك حلين احلاهما مر
الاول انك تعبين لك كاس مويه وتستخدمينه
الثاني التنظيف من المروش وفيه اغلب الفنادق يكون الفرنجي الله يكرمكم قريب المروش وماعندك مشكله
لكل مشكله حل تتيسر
موفقين

فيه طريقة حلوة وهي تعبئة قارورة موية صحة حقت الرياضيين اللي تجيك غطاها مثل الشفاط ..
وخليها معاك بالشنطة ..
الماء موجود لكن مافيه رشاش - يكرم الجميع - للتنظيف ..

شوفي وانا اخوج
لج حلين مالهم ثالث ..
اولا غالبا مايكون البانيو او الشاور قريب من الادب ( عزج الله والموجودين ) وممكن انج تسحبين هوز الشاور وتستخدمينه ..
ثانيا في بعض الفنادق وخصوصا في باريس يكون البانيو في مكان والادب تكرمون في مكان ثاني .. فالحل هو انك تشترين علبة ماي كبيره وتستخدمينها بطريقه بدائيه .. ونصيحه بعد ماتخلصين عبيها عشان اذا ياو ينظفون الغرفه ماياخذونها ..

مشكورين أخوواني عالتوضيح ...
وصدق حدي مصر لما قاال احلاهما مر ....
الله يعينا على الحاله البدائيه النظافيه

استخدمي الدش اغلب الفنادق اللي سكنتها في فرنسا والنمسا كان كرسي الحمام -وانتم بكرامه-جنب البانيو
فكنا نستخدم الدش للتنظيف
المويه متوفره طبعا بس لو صار الدش بعيد خلي معاك قارورة خاصه بالحمام
انا كنت اشيلها معاي بالشنطه لو لاسمح الله دخلت حمام عمومي اعبيها واتنظف

بس في طريقه ثانيه واهيا انج اتيبين معاج بربيش اللي اهوا الهوز مال الماي تشترينه ويكون من مستلزمات السفره وتركبينه في الادب (كرسي الحمام ) اكرمك الله من تحت مكان الماي وتستخدمينه وهذي احسن الطرق بصراحه

ههه
سوري على الضحك
بس من جد انفجرت ضحك لما قريت الموضوع
لان هذي كانت مشكلتي الرئيسيه واللي جايبه لي وساوس من جد
كل مره اذا جيت اسافر لازم اسوي هوليله علشان هالسالفه
في باريس ... او غيرها ...بس لاحظت ان هالمشكله ممكن تكون محلوله بلندن لان بعض الشقق فيها هوز
كلوش
المهم ....
زي ماقالو الاخوان اكثر الفنادق وانتي بكرامه هوز الشاور قريب من الحاجه الثانيه خ
بس المشكله مو هني ...المشكله لاطلعتي وبغيتي دورة مياه عزكم الله
يلا عاد وخذي غرشه فاضيه مكان ماتروحين .... ويصير زحمه بالشنطه ويحرم عليك الشنطه الصوغننه
لانك اكيد ماراح تتمشين وانتي ماسكتها زي باقة الورد بيدك ....
ذكرتوني بموقف ..
كنت بباريس وفي مطعم ايراني بالشانز متغديين فيه ....
بعد الغدا دخلت الحمام وانتو بكرامه اغسل
وكان الحمام فيه هوز وانا خبله مدري شفيني فرحت كني اول مره اشوفه
وكان دورة المياه بممر واخوي بنهاية الممر يستناني .... وانا أأشر له ترى في هوز ترى في هوز خ
تقولون كن وحده طايحه على كنز ..
من الفرحه صورته خ
اذا رحتو هالمطعم لازم تتذكروني
ناسيه اسمه بس هو ايراني جنب بنك ناسيه اسم البنك بعد خ
بس اذكر ان البنك فيه كلمة اوديو .... كأن مو متاكده خ
المهم انه في الشانزلزيه .....
موفقه

قارورة الماء ولا شيء أفضل منها ...لا نستغني عنها..
خ
وأنسي نظرات التعجب اللي بتشوفيها في الحمامات العمومية...
خليج واثقة من نفسج وعبيها
خ
موفقة عزيزتي ...ورحلة سعيدة

جزاكم الله خير عالتنبيه وكثر الله من امثالكم