الــتمني
08-10-2022 - 11:38 pm
السلام عليكم ورحمة الله وبركاته
مساكم جميعاا بالخير
ماادري وش ابدا ولا اقو ياشين التردد تعبت مره من التفكير
الزبده انا باذن ناويه اسافر الصيف وقررنا ماليزيا وحجزنا التذاكر ودفعنا لهم والفنادق حجزنا بس للحين مابعد ندفع
والمشكله ان حلمي النمسا واسبانيا بس عشان زوجي متخوف من السفر كونها اول سفره لخارج الخليج قلنا ماليزيا
بس من بعد ماقريت تقرير اخونا فيتامين واو تحمست نغير وجهتنا شرايكم هل فيه وقت ويمدينا نعيد من جديد ترتيباتنا
للعلم ببالي السفره تكون بداية جولاي للحين ماحددت بس هل تتوقعون سهله نبدا من جديد
وانا شايله هم الفيز والحوسه لانها اول سفره واخاف زوجي يكره السفر بعدها لانه اصلا ماسافر الا من حنتي عليه
ومالي غيركم وش رايكم احيانا اقول انها فرصة العمر وروحي للي تتمنين يمكن ماتتكرر السفره واحيانا اقول اني طماعه واقعدي ع ماليزيا اصرف واحيانا اقول السفر اول يخوف بس الحيي تغير الوضع والكل يساافر وصار شيء عادي
والله محتاره تكفون دلوني خصوصا اللي زي وضعي ينصحني بليز تكفون ونخيتكم ريحوني
وهل النمسا سهله تنقلاتها وصرفها زي مالييا وفنادقها كيف بتكون اسعارها
وانا افكر لو بسغير الوجهه طبعا ببالي
الرياض فيينا زيلامسي مدريد برشلونه الرياض مدري تجي كذا والا لا
وكم تاخذ وقت الفيزا وهل في امور صعبه لدخول اوربا وحوسه وقلق وال مجرد مااروح المكتب هو بيظبط لي كل شيء
اتمنى الرد باسرع وقت وجزاكم الله كل خير
اولا حيااك الله واتمنى لك سفرة طيبة وسعيدة
انتي راح تغيرين الوجه من ماليزيا الى النمساء
يعني لازم تغيرين كل المخطط القديم واهم شيء الميزانية
والسفر الى النمساء يحتااج الفيزة واعتقد الفيزة ماراح تاخذ اكثر من 20 يوم
فاذا جهزتي كل الامور وتركتي باقي الامور المتوقفة على الفيزة اللين تطلع فراح يمديك باذن الله
واذا تبين نصيحتي
فبما أنك مرتبه كل الامور والحجز في ماليزيا فأبقى على هذا المخطط والسفرة
فماليزيا جدا رائعة وهادئه
احببت المشاركة وابداي وجهة النظر لتلبيت طلبك والنخوة اللي طلبتيها
أكيد هنا من سيقترح افضل وسيفيدك اكثر مني
اتمنى لك التوفيق وسفرة سعيدة يارب اينما كانت
دمتي بود وعبير الورد
الطفل الرضيع