.
آلسلآم عليكم .
حيآآلله آلجميع , سلمكم آلله .
آنآ آفكر آروح معهد بالصيفيه ان شاء الله
تقريباً شهر او شهرين وش رآيكم .
وانا بأول ثآنوي ونآويه ادخل بالجآمعه آن شاء الله آنجليزي
ومآعرف له مرره ومدرساتنا مو سعوديات وشرحهم مو حلو
عشان كدا حابه اطور الانجليزيه عشان ما اواجه صعوبه بالجآمعه
وانا ماعرف الانقلش مرره يعني بعض الكلمات اعرفها بس .
يآليت تقولولي وش المعاهد الزينه وتكفي شهر اتعلم فيها
وتكون تكلفتها اقل , وهل بستفيد بشهر واحد وطبعاً انا المحآدثه اهم شئ
حتى لو مآدخلت بالجآمعه انقلش , وان شاء الله اني باجتهد بالشهر واتكلم كثير .
وكم تتوقعون توصل الميزانيه أنا حدي 8000 وممكن تزيد , بس انا خآيفه ادفع فلوس واتكلف
وبالاخير مآ استفيد شئ فيه احد مره بهالتجربه ..؟
وودي اسكن مع عآئله وهل على كيفي اتشرط يكون فيها اولاد او لا ..؟
وابغى التكلفه مع السكن والمواصلات , وانا ماني صارفه كثير يعني وجبتين بس
وياليت يكون معهد مضمون وحلوو ,
وهل عادي عندهم النقآب مايقولوا شئ ولا يتضآيقوا ..؟
وآنا عجبوني معهدين بس ياليت فيه احد جربهم
الاول ببريطانيا | بول
wessex academy
والثاني بأمريكآ بلوس انجلوس
ucla
بسألكم وش احسن امريكا او بريطآنيا
من نآحيه التكلفه والمعامله والعبايه واهم شئ المعاهد والتدريس ..؟
وانا حطيت هالمعهدين الاول عشان قله تكلفته والثاني شفت كثيرين يمدحونه
مادري ادا عندكم شئ حلوو ياليت تعلموني .
وترا انا ماعمري طلعت برا السعوديه وخايفه ان مافيه امان وفيه سرقات وكذا
وطبعاً معي محرم هل ياخذون عليه العائله ..؟
مآآآعليش طولت ادري بس والله محتآجه رآيكم .
ومحتآره اروح او مآ اروح اخاف ما استفيد او يلعب علي بشئ غالي او معهد مو كويس .
الله يجزآكم خير ويوفقكم دنيآ وآخره .
وترآني عضوه جديده > عصفورين بحجر .
.