مرحبا .. كيفكم إن شاء الله بخير ؟
سفرتي باقي عليها أسبوع إن شاء الله .. و فيه أشياء ما سبق رحت لها بزياراتي السابقة للندن
لذلك أبي استفسر عنها ..
استفساراتي بقسمها ل 3 مجموعات ( طولوا بالكم علي هالمرة :$ )
( المجموعة الأولى )

• أخوي الصغير ( 14 ) سنة حاب يزور ملعب الارسنال أو تشيلسي أو مانشستر

وهو يشجع مانشستر و مزعجنا فيهم ..
ف أنا بختار الملعب الي أروح له معاه بناء على الآتي :
1 ) أيهم أكثر متعة ؟ و بنستمتع فيه أكثر من البقية ولماذا ؟
2 ) أيهم الوصول له اسهل و أقرب من لندن علماً بأني ساكنة بمايفير ..
3 ) هل فيه أيام محددة للزيارة خلال الأسبوع أو ساعات محددة ؟ ولا الدعوة أوبن ؟
4 ) هل فيه واحد منهم إذا وصلنا له بيكوون جنبه اماكن حلوة أخرى ممكن نشوفها و ندخلها ؟
" علماً بأن الزيارة بتكون نصف نهار فقط أنا و أخوي / ما فيه مجال للنوم " ( المجموعة الثانية )

• حابة أحضر عرض استعراضي راقص أو موسيقي في لندن ، فيه شيء معين تنصحوني فيه ؟

مع مراعاة أنه ينفع ل ( عائلة ) أحنا عبارة عن ست أشخاص أصغرنا عمره 14 سنة ..
العام لما رحت لندن كنت بحضر عرض stomp بعد ما شفت بعض الأخوان كاتبين عنه لكن ما كان لهم عرض وقتها : (
شرايكم أروح لهم هالمرة ؟ ولا فيه عروض أفضل ؟ أبي شيء ممتع ممتع ممتع
و اهم شيء ما يكون بعيد !
عطوني نصائحكم من هالجانب / و بخصوص عرض ستومب هل لازم احجز اونلاين ؟ ولا عادي أروح احجز التيكت قبل العرض بساعة من هناك ؟( المجموعة الثالثة )
ودي أزور مبنى قناة البي بي سي / شرايكم الزيارة بتكون ممتعة ؟
لي ست سنوات كل سنة لما أروح لندن أقول بزورهم ولا نتحمس
شرايكم ؟ ..
ف بما أن الجدول فيه فراغات قلت أزور BBC و أحطها بالخطة
كيف الطريقة للذهاب من مايفير ؟ و فيه رسوم دخول ؟ و كيف الأوضاع بتكون ؟ خبروني لاهنتوا .انتظر اجاباتكم ، مو بالضرورة تجاوبون عليها كلها
كل واحد يمسك مجموعة و يجاوب عليها