ronaldo4ever
03-07-2022 - 10:46 pm
السلام
قبل فترة جفت إعلان لمجمع عيادات أكاديمية الحقيل ، ومكتوب إنه له فرعين في الخبر والدمام وكان هذا العنوان الموجود :
الخبر : حي البندرية - شارع الأمير فيصل بن فهد - خلف مفروشات العبدالواحد
الدمام : حي الريان - شارع عثمان بن عفان - بجوار البنك الأهلي
بصراحة ماعندي خبرة دقيقة في مناطق الشرقية ، ( طبعاً بنجي من البحرين ) ، المهم ياريت في وصف ولو فيه شوي من الدقة للوصول لهذا المجمع ( الفرعين ) ، مع العلم لدي برنامج Nokia Maps + Garmin في الجوال بيفيدني بس مادري على وين يكون الإتجاه ، أو إذا إنتون توضحون لي ماتقصرون ورحم الله والديكم !
أتمنى أحصل إجابة في أسرع وقت
وشكراً
انا ممكن اوصفلك الى بالدمام وهو سهل لك لان أغلب أهل البحرين يسلكون شارع الامير محمد بن فهد
( الشارع الاول سابقا ) وانت جاي من البحرين بعد ماتعدا الظهران وحي الدوحه وعند دخولك الدمام تقابلك
أشارة مرور تشوف مطعم كنتاكي وهارديز وكرسبي كريم على يسارك ومكتية جرير الجديده تلف يسار
وتترك المطاعم على يمينك ثم تأتيك أشاره خذ يمينك مع الأشاره تمشي مسافة وتشوف حي الريان على
يسارك والبنك الاهلي على نفس الشارع وهو شارع عثمان بن عفان
وبالسلامه