»¯ _ مجمع النقرة في منطقة حولي _ ¯«
السلام عليكم و رحمة الله و بركاته
من يومين رحنا مجمع النقره
و قلت طبعا لازم اسوي له تقرير
الصراحه يستاهل لانه روعه و ما شفت احد كتب عنه
المجمع يتكون من قسمين ... النقره الشمالي و النقره الجنوبي
واحد على اليمين و واحد على اليسار ... يفصل بينهم شارع .... لكنهم متصلين بجسر زجاجي
احنا دايم نروح لواحد فيهم .... مدري اسمه الشمالي ولا الجنوبي
راح أوصفه و انتوا علموني ... اوكي
هو عنده مسافط ( راح يبين بالصور ) و عند المسافط محل بيع و تأجير فساتين افراح أسمه لاهور ... و عنده مكتبة العجيري
عرفتوه
اما النقره الثاني ما احب اروح له .... احس ما فيه شي ... رغم انه ما بينهم الا جسر ... بس اقول ماله داعي اضيع وقت
و الصراحه هذا اللي نروح له روعه ... فيه محلات كثيره تبيع الملابس القطعه ب 5 دنانير
و يتكون من 3 طوابق .... سرداب و ارضي و دور ثاني ... كلهم ملابس و فساتين و اكسسوارات و عطور و مكياج و أحذيه ( اكرمكم الله) .... و كل شي
و فيه العاب موجوده بالسرداب لكنها قديمه و قليله ... لكن زينه لتسكيت الجهال ..
الصور :

الجسر الواصل بين النقره الشمالي و الجنوبي :

المسافط و على اليسار محل لاهور لفساتين الافراح :

ريماس اسم الله عليها .... استانست لما شافت امها شرت لها مايوه .. و فضحتنا .. مسكت المايوم و تتمشى فيه مستانسه

و خلاص طلعنا

و ان طلعتوا من النقره مبجر ... ممكن تروحون ل حولي بارك و مجمع المهلب ... كلهم قريبين من بعض
و ممكن تتعشون في مغل محل او مطعم الفيصل او حسني المصري لكنه ما عجبني اخر مره