سفاري الكويت
هالمرة ابي آخذ الاهل معي بس شنو المجمعات الزينة والمولات التي ينصح فيها
وشنو المجمع اللي يكون مرتبط بفندق
مثل سيتي سنتر اللي بدبي سوق وفندق
حياكم الله في ديرتكم وبين أهلكم
بالنسبه للمجمعات في مسقط عندك السيتي سنتر وهو الأكبر وله فرعان :
الفرع الرئيسي في منطقة الموالح الجنوبية والفرع الآخر في منطقة القرم ، وعندك بعد مجمع البهجة في الموالح الشماليه ، وهناك مجموعة من المجمعات التجارية المتجاورة في منطقة القرم التجارية ، وللاسف لا توجد أي فنادق مرتبطه بهذه المجمعات ولكن عندك خيارات متنوعه للفنادق في العاصمه مسقط ، ويمكنك مراجعة هذا الرابط للفنادق الموجودة في العاصمة مسقط .
https://artravelers.com/p/re/186912
وهذه معلومات يمكن أن تستفيد منها للعاصمة مسقط
https://artravelers.com/p/re/241788
وإذا في خاطرك شيء تفضل وفالك طيب .

مرحبا بيك أخوي فمسقط
إذا بغيت تتمشي فمسقط فنصيحتي لك أنك ما تروح مجمعات ..لأن أتوقع مجمعاتكم فالكويت أحسن من اللي عندنا
أنصحك تتمشي فالأماكن السياحة مثل ...مسقط ...سوق مطرح ..الكورنيش ..بعض الحدائق الجميلة ...و المتاحف...شواطئ البحر مثل شاطئ قنتب و شاطئ ييتي ....و الكثير من المناطق السياحية داخب مسقط و خارجها
اتمنى لكم رحلة موفقة ...
و اذا احتجت أي مساعدة أخوي نحن حاظرين
سلامي ^_^

المشكلة ان الدورة من الصباح حتى العصر
يعني ماراح استفيد الا في الليل
وهذا وقت المجمعات مو وقت مناطق سياحية

جاي من الكويت وتسال عن مولات مسقط؟ ههه لالا ما يصير!!
شوف اخوي، المولات المفروض انكم شبعتوا منها، فلما تجون عمان حلو انكم تشوفون اسواق خارجة عن المألوف مثل:
سوق مطرح: ولا بس تكتفي بمبنى سوق مطرح الاساسي، خلي التكسي يوديك السوق من ورا بعد صوب مركز الشرطة وهناك الاسواق الصغيرة والرخيصة يم بعض، الي ينشرى مناك كل شي رخيص وخاصة اللبان والبخور
مجمع مزون: مجمع صغير بس فيه انواع الاقمشة ونص مسقط تروح هناك تشتري اقمشة للعيد، والطابق الي فوق فيه عبايات رخيصة وممكن اذا ما كان المحل مزحوم يخيط العباية وتستلمها المدام خلال يومين!
سوق السيب: ايضا شارع شعبي فيه اسواق ذهب وعطور واقمشة وملابس جاهزة وعبايات
اما بالنسبة للأسواق الي فيها ماركات عالمية فهذي هي:
مركز سيتي سنتر السيب (كبير)
مركز البهجة (قريب سيتي سنتر)
مركز سيتي سنتر القرم (صغير)
منطقة القرم التجارية (فيها مجمع العريمي وسابكو مقابل بعض)
وفي نفس المنطقة ورا مجمع سابكو راح تلاقي المحلات الي فيها الماركات العالمية الغالية (مركز السلام ومركز العاصمة وعصفور بلازا)
وبس!!

انا مثل ما قلت اختي المسقطية
ماراح استفيد الا في الليل
واحتمال آخذ زوجتي معي على الاقل تستانس وقت دورتي في المجمعات صباحا

بالعكس، الطلعات بليل تحلى في مسقط
ولما تروحون سوق مطرح تمشوا بالكورنيش وبعدين خلو الي بياخذكم يمشيكم بمسقط القديمة وروحوا شوفو قصر العلم، التمشاية هناك بليل حلوة
وروحو تعشو او جلسوا في المقاهي والمطاعم الي في شاطئ القرم، عائلية وشرحة (الي ورى الانتركونتينانتال)
والاسواق الي ذكرت لك اياها هي الي موجودة
وتشرفونا وعلى العين والراس

تروح ترد بالف سلامه

مرحبا بك في سلطنة عمان
تحياتي لك

أهلا بك أخوي في مسقط
ومثلما ذكروا الاخوة جمال مسقط يكون احلى بالليل
يعني ممكن تطلع على شاطيء القرم تتمشى وهو محاط بالكوفي شوبات تقدر تجلس بأي منها
مر منطقة جوهرة الشاطيء بالقرم بحر ومطاعم
عندك السينما اذا حبيت (سينما الشاطيء وسينما البهجة وهما الاساسيتان)