سلامات وماتشوف شر يالغالي
صيدليات الاجوارود غاليه ونصب بالهبل وابسط مثال رحت لصيدليه الاميره اللى يم ارقوز وسالت عن دواءضغط للوالده بييبلها معاي قالت الكرتون ب29 باوند سالت الصيدليه اللى يم بقاله شازيا قال الكرتون ب28 باوند قلت غريبه ليش التناقض بالاسعار ورحت للصيدليه اللى يبي فيها ايراني اسالو عنها الكل يعرفها تدرون بكم شريت الكرتون والله يا اخوان الكرتون ب14 باوند يعني دبل الاجوارود

وش نسوي ياكويتي خلها على الله اصلا اكره مكان عندي والله هو اجور رود ولا احب المرور عليه بس علشان واحد كنت مواعده في كوستا
وصادفة هالصيدلية

ابوخالد
والله بصراحة هناك النصب عيني عينك
تعشينا امس بالمروش ب 50 باوند
على وشو ؟؟؟؟؟؟؟؟؟؟
المهم بصراحة الاسعار مبالغ فيها كثير
في كل شي
انا اكل بمطاعم مو عربية بصراحة نظافة وتعامل وهدوء
واسعارهم معقولة

ماتشوف شر أخوي ابو خالد !!!!
وعني ابد اليوم ماسويت شيء توه لي ساعتين راجع من المعهد !!!!
والدوام بالمعهد تعب في تعب من الساعه 9 واحنا نرطن انجليزي !!!!!
اخاف اجلس معاهم شهر وانسى العربي !!!!
وبعدين ارجع السعوديه والعربي مكسر .......... لول !!!!
ولا ادخل معهد لتعليم اللغه العربيه !!!!!!!!!
وأكيد لي عودة للموضوع كل يوم انشاء الله !!!!
وفكرة جيدة !!!!!!!!!!

فكرة حلوة
بس خلوني اتذكر شنو صار لي
ههه

اتعب انت يابو لغة انجليزيه ذكرتني بواحد من الشباب الله يذكره بالخير كان قاعد بلندن قبلي بفتره ولما وصلت تعرفنا علي اماراتي الله يذكره بالخير ياي مع اخوه علاج ومره تنوم اخو الاماراتي قلت لصاحبي يلا خلنا نروح نزوره بالمستشفي المهم ركبنا الباص ووصلنا للمستشفي ويوم وصلنا للمستشفي صاحبي يسال الممرضه يعني يعرف عربي قال اكسزيمي وير ويطالع علي ويقولي طلال بالانجليزي شنو ويوم قالها يا اخوان والله انى ضحكت ضحك لدرجه الممرضه تطالعني وتقول شنو فيكم شنو قال وصاحبي يتحلطم يقول لا تضحك فضحتنا المهم بعد شوي قلت يا غبي طلال بالعربي نفسه بالانجليزي المهم بعد ما زرنا الريال طلعنا بنرجع للسكن بتكسي وقلت لصاحبي يلا بناخذ تكسي الوقت متاخر والا اقول لصاحبي انت لك فتره بالبلد ولك خبره وهذا التكسي قاعد يلف فينا ييمين ويسار كلهم قوله ليش تلف فينا نبي نطلع للعنوان علي طول ولا يقول هلؤؤؤ وير ير قو مني مني مني يعني ليش انت تروح مني ومني ومني والا اموت من الضحك
وهذا الموقف مستحيل انساه

لول
طلال بالعربي هو نفسه بالانجليزي ههه
والله حلوة ياخي تصير مواقف كثيره في السفر.
انا اقلك موقف بس خارج عن بريطانيا ولندن.
هذا واحد صاحبي يدرس في سلوفاكيا وهو ما يعرف انجليزي تمام. المهم راح هو وخوية مطعم مكدونالدز ولما طلب خويه طلب بعده بعدين اللي تحاسب ( الكاشير ) سالت خوي قالت له together قال لها : no one gether.
يعني ضحك بقوة والله.
المهم مشكورين وحبيت اشارك معاكم في يومياتكم اللندنية.
تحياتي

عاد تدرون صار لي 7 أيام بلندن والين الحين ماوطيت اجوروود

الله يسلمكم اليوم
صحينا متاخرين كالمعتاد راح وقت الفطور علينا بالفندق
ورحنا ستار بكس ...اكسفورد وفطرنا
ومنها على سيلفرجز قضينا بعض الاشياء ....(بالاحرى هدايا )
عشان نخلص ...ومايتراكم علينا وقت العودة ....وبعدها رجعنا الفندق وصلينا
ورجعنا سيلفرجز تغدينا في المطعم الايطالي اللي بالطابق الثالث جدام غوتشي وبيربري
وطلعنت نمشي لين باوند ستريت وجلسنا نتقهوى في احد المقاهي ...
ورجعنا بعدها الفندق وريحنا وصلينا وخرجنا للهايد بارك ....وبعدها عزمنا جماعة من اصحابنا
في مطعم ماسيس اللبناني اللي في شارع جميس ستريت....وبعدها تمشينا بالسيارة
ورجعنا الفندق ...