kinghaleem
09-01-2022 - 08:35 pm
السلام عليكم ... صراحه اول مره اكتب في هذا المنتدي بس الشاهد الله انه منتدي فيه فائده وفيه ناس يتعبون على شان يقدم فائده لاخوانهم وجزاهم الله خير ... سؤالي قدر الله على وانا مسافر الى امريكا بالاخص نيويورك طبعا زيارة عمل ان شاءالله وقدمت على الفيزا انا ووالدي وهوكبير سن يعني فوق الخمسين وطبعا عملنا المقابله وبالنسبه للوالد وافقوا على طول بس قالوا انت سنك صغير ولازم نرسل معلوماتك الى وشنطن وفيه ناس رجعوا جوازاتهم في حينه بدون موافقه وقالوا ثلاث ايام وختموا في جوازي كلمة Condor
وش معنى هذه الكلمه والى الان ما اتصلوا علي السفاره مع انني كل الطلبات سلمتها وايضا ابي مساعده اذا احد عنده معلومات عن نيويورك الفنادق الممتازه وليست غاليه بالمره ومحترمه والمطاعم او الاحياء التي ينتشر فيه المسلمين والعرب .. وهل اللحيه المتوسطه عليها شى تركيز هناك والا الامر عادي ؟؟؟؟
والاهم وين المراكز الاسلاميه او المساجد على شان نصلي الجمعه؟؟؟
أيضا اذا فيه أي تعليمات خاصه بالسفر الى نيويورك والا الامر عادي؟؟؟
واذا فيه مكاتب سياحيه لعرب تعرفك على المدينه نفس الموجوده في لندن ؟؟؟
ارجو افادتي باي معلومه ولو كانت صغيره ولكن قد تفيد ؟؟؟
وتحياتي لبنت الصقور على مواضيعها المفيده وآسفين على الازعاج...
تحياتي للجميع
ملاحظه: عندما قمت بتعبئة الاستمارات حطيت عنوان واحد صاحبي حسب أذنه
وهم مقيم في ولاية وسكنسن وانا رايح نيويورك فيه شىء هذه الخطوه بعد الوصول
هناك ...
س/ معلومات عن نيويورك الفنادق الممتازه وليست غاليه بالمره ومحترمه
في حدود كم الأسعار الي تبغيها ؟؟؟؟؟؟؟؟؟؟؟؟
س/ الاحياء التي ينتشر فيه المسلمين والعرب
مدينة بروكلي وكوينز .. خارج منهاتن بدقائق بالسيارة ..
س/والمطاعم ؟؟
نيويورك كلها مطاعم .. لاتحاتي
س/ وهل اللحيه المتوسطه عليها شى تركيز هناك والا الامر عادي ؟؟؟؟
عادي .. لاتشيل هم ..
س/ الاهم وين المراكز الاسلاميه او المساجد على شان نصلي الجمعه؟؟؟
عدد المسلمين اهناك عدد كبير جداً .. وسأل وماراح تتوه .. بس اعتقد ان المراكز الاسلامية في كوينز وبروكلن
س/ أيضا اذا فيه أي تعليمات خاصه بالسفر الى نيويورك والا الامر عادي؟؟؟
الأمر عادي جداً جداً .. لكن تحمل دفاشه موظفي المطار .. ما يعرفون الابتسامه إلا قليل ..
س/ واذا فيه مكاتب سياحيه لعرب تعرفك على المدينه نفس الموجوده في لندن ؟؟؟
والله ماعرف .. لكن في كل فندق يوجد ( كونسيرج ) تسأله أي سؤال يجاوبك بسرعه .. وعنده خرايط وكل شئ ..
س/ ملاحظه: عندما قمت بتعبئة الاستمارات حطيت عنوان واحد صاحبي حسب أذنه
وهم مقيم في ولاية وسكنسن وانا رايح نيويورك فيه شىء هذه الخطوه بعد الوصول
هناك ...
أكيد راح يسألونك .. أنت رايح نيويورك .. وين راح تسكن في نيويورك .. هنا السؤال إذا كانت وجهتك الرئيسية هي نيويورك .. لكن ما اعتقد بيصير شئ .. لأن أنا كانت وجهتي الاولى شيكاغو وكنت مسجل بالفورمه حقت السفارة فندق الي بنسكن فيه في نيويورك ..