خوذو لكم جولة أوروبية كاملة
تبداء من روما أيطاليا
وتنتهي لو تبي في برشلونة أو مدريد
أنا بسوي لك المخطط بس انت علمني كم ميزانيتكم؟؟
لأني انا أشوف الرحلة تكون كذا
(3 أيام روما + يومين فلورنس مع زيارة لبيزا+يوم فينيس+يومين ميلان) هذي كبداية أذا عجبك الوضع نكمل
وترا تستأجل سيارة أنت والشباب وتتمشون براحتكم
أنتظر ردك
تحياتي لك

هلا أخوي
ما نمانع بجولة في أوروبا بالعكس أفضل من دولة واحدة >> بس أيامنا من 10 - 14 يوم فقط
الميزانية تقريباً من 10آلاف ريال إلى 15 ألف ريال للشخص الواحد
وحنا 3 أو 4 أشخاص

15000 مع التذاكر ولا بدون؟؟؟
أنا أتوقع 15000 لكل شخص تكفيكم وزيادة أن شالله
لأن مصور الواحد اليومي هو 50 يورو تقريبا من أكل ودخوليات ولو زاد ماأتوقع يتعدى ال 60 يورو للشخص الواحد
والسكن لمدة 14 يوم يمكن يكلفكم من 12 ألف الى 16 ألف تقريبا
وتذاكر الطيران أتوقع من دولة لدولة عن طريق الطيران الأقتصادي أيزي جت يكلفكم كلكم يمكن 250 يورو مع شنطكم
والسيارة أن شالله ما تكلفكم شي كثير
بس خلينا نخطط للبداية والوصول
أنا اشوف يكون الوصول لروما وتبداء الرحلة من هناك
بس هل تبون تكون الرحلة أيطاليا وأسبانيا؟؟
عشان تاخذون راحتكم في كل مدينة؟؟
وهذا أتوقع أفضل شي بالنسبة لكم عشان الأيام ميب كثيرة
يكون جدولكم كالاتي:-
3 ايام روما - يومين فلورنس - يوم فينيس - يوم سيرموني منها تروحون لملاهي قارادا لاند ومنها تريحون في سيرموني - يومين ميلان منها تزورون ميلان وملعب السانسيرو ومنها تزورون كومو ولوقانو وبعدين تكون طيارتكم الى برشلونه على طيران ايزي جت يمكن تكلفكم 150 يورو لأربع أشخاص تقريبا مع شنطكم تقعدون في برشلونه يومين وبعدها تروحون مدريد وتكملون باقي ال3 ايام هناك وللأسف ما أعرف في اسبانيا شي ولا اعرف كيف التنقلات هناك بس اتوقع ان الخطة حلوه وأنشالله تعجبك
تحياتي لك

هلا أخوي ما قصرت
واح أقرأ أكثر وأشاور ربعي
لكن فيه دول أخرى تنصبح بها غير ايطاليا واسبانيا وأسعارها مناسبة ؟؟

اتوقع سويسرا تنفع لكم اذا تبون تغامرون
فيها سكاي دايفنق
وفيها ركوب النهر بالقوارب المطاطية
بس تراها مكلفه جدا
يعني لو تروحو لسويسرا وتسوون الي قلت لكم فوق حط حسابك بتدفعون 10 الاف ذاك اليوم اذا مو اكثر
تحياتي لك

أخوي
ممكن تفيدني برنامج مقترح لايطاليا ؟
المدن - الترفيه داخل كل مدينة

روما 3 ايام فيها اثار ومتاحف وكنايس و نوافير شي رهيب
فلورنس يومين يوم تدور فلورنس كلها وتمر السانتا ماريا ويوم لبيزا
فينيس اتوقع ماتنفع لكم يوم واحد يكفيكم فيها
بعدها سيرموني 3 ايام يوم لجارادا لاند ملاهي فيها افضل افعوانيات في اوروبا ويوم موفي لاند ملاهي تعيشك جو الافلام والاشياء الخطيرة ويوم الوصول طبعا تخلونها لسيرموني فيها سبا مياه حارة بينفعلكم
3 ايام ميلان يوم ميلان كامل ويوم كومو ولوقانو لاتفوتكم فيها جوله بالسفينه على البحيرة وفيها جولة بطيارة مائية لشخصين لمدة ساعة ب300 يورو وفيه تلفريك يرقيك لاعلى جبل في كومو يل على كل البحيرة فيه مطعم فوق اول ماتنزل لا يقاوم
هذي بالنسبة لايطاليا
ولو تبون تزيدون فيها ايام تزيدون في روما يومين وتروحون يوم لنابولي ويوم لجزيرة كابري
تحياتي لك

ما قصرت أخوي
وفي الحقيقة لا أعلم شيء عن ما ذكرت (لأني أول مرة أروح لها)
لكن أظنك انك ما نسيت شيء وراح أبحث عن ما ذكرته في تقارير الأعضاء
ماقصرت
نقبل تحياتي

هلا بك أخوي
أقرا التقارير وشف وشهي المدن الي قلتلك ووش فيها
وشف تقرير في توقيعي أدخله وشف وش فيه وانشالله بيعجبك
واذا خلصت أنا موجود
يا ترجع للموضوع هذا وتكتب ولا أكتب موضوع جديد وانا تحت امرك
ولا تشيل هم لا فنادق ولا غيره
تحياتي لك