أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
عليآء
هلا بأختي الفاضله حياج الله بين أخوانج وخواتج تفيدون وتستفيدون بالنسبه الدول المذكوره كل وحده له جو خاص
مثل لندن أنا كنت متواجد بشهر واحد شوفى تقريري بالتوقيع تحت برد وثلج وكانت بعض المحطات القطار مسكره من
الثلج بس الوناسه فيها التنزيلات طبعا مافى رحلات كل شئ مسكر
اما ماليزيا انا ما رحت لها بس اكثر الناس يقولون هذا الشهر افضل شئ من ناحية الجو ما فى رطويه وفيها سياحه كثيره
والامارات نفس الشئ هذا الشهر بالنسنه مافى رطوبه
بخصوص التذاكر الحين البريطانيه مسويه عرض 170 دينار الشخص الواحد بس فى شرط التذكره تحط التاريخ الروحه والرجعه يعنى ما يصير تغير التاريخ
اما بخصوص الفيزا تقدرين تدخلين على هذا الرابط https://artravelers.com/p/re/421112
وأي خدمه أحنا حاضرين
السلام عليكم
هلا وغلا عليا
وحياكم الله بين اخوانكم واخواتكم وان شاءالله اتفيدون وتستفيدون
اذا ماعليكم امر حددوا المده وهل السوق داخل في المبلغ ولا لا !
وكم عدد الأشخاص !
وبعدها فالكم طيب
والله انا رحت دبي وماليزيا
تبغين راي شيلي دبي من الجدول !
اقولك ليش !
لان دبي اغلبهاا تسوق ومافيها طبيعه !
للكن لندن فيها طبيعه وتسوق
وبعد ماليزيا طبيعه وتسوق
طبعا ً لو كنتو بتجلسون اسبوعين ب ماليزيا هذا المبلغ يكفيك ويزود بس من غير التذاكر
لكن لو لرحتي لندن بهذا المبلغ ولمدة اسبوعين اتوقع بيكفيك ويمكن ينقص !
وهذا كله لو كنتو انتي وزوجك بس اما لو اطفال ماتوقع هذا المبلغ بيكفيك !
وسفره سعيه ان شاءلله
انا برشحلك لندن بدون نقاش ..
كم المده!؟
والتذاكر السعوديه مسويه عرض ب1700 والفيزا خبري 480 بالصيف اذا غيروها الحين مادري !