سلام عليكم و رحمة الله و بركاته
كيفك اخواني ان شاء الله بخير ...
اخواني الكرام باقي شهرين تقريبآ و اخلص من دراستي الثانويه
و ابدآ في دراستي الجامعيه و عندي كم استفسار ..!
1- اول حاجه يااخوان انا ابغى ادرس سنه كامله انجليزي
ابغى ادرس في امريكآ ( شيكاغو )
المهم كيف اقدم على المعهد مع العلم بآدرس على حسابي
و ابغى معهد معروف و ممتاز و ايش راح تكون طلباته !؟
و كم راح يكلف علي مدة سنه !؟
2- انا ابغى اسكن مع عايله حوالي 3 اشهر او 4 اشهر و الباقي من السنه راح استآجر شقه لحالي يجي او لا !؟ و كم راح تكلفني العايله و كم راح تكلفني الشقه !؟
مع العلم ابغى شقه في حي حلو و قريب من المعهد و تكون صغيره يعني شخص واحد فقط
3- ايش متطلبلات الفيزا مع العلم اني اجنبي ( يمني ) لكن ادرس في السعوديه و مولود في السعوديه ايش رآح يلزمني !؟
4- كيف افتح حساب عشان ابوي يحول لي !؟ و افتح من السعوديه او امريكآ !؟
5-يااخوان كثير خوفوني و قالوا لي تعامل الامريكان مو حلو و مايحبون العرب
بخصوص خبرتكم كيف كان تعامل الامريكان !؟
6- البرامج الي في اللاب توب لازم تكون اصليه !؟
7-مطار شيكاغو يقولون عنه معقد .. معقد من اي ناحيه قصدهم !؟
8- شيكاغو كم مطار فيهآ اعرف مطار اوهير فقط !؟ و كيف الجو فيهآ !؟
9-بعد مااخلص من دراستي في المعهد و ابغى اقدم على الجامعه
ايش الجامعات الحلوه هناك و ايش يكون طلباتهآ مع العلم ابغى اخش ( طب و جراحة القلب )
10-اقدر اختار الخطوط الي اروح عليهآ !؟ و برآيكم ايش احسن خطوط !؟ و تكون مباشره من جده او الرياض على شيكاغو و كم راح يكون سعر التذكره ذهاب و اياب !؟
اعذروني يااخوان على كثرت الاسئله لكن للأسف مااعرف احد مبتعث
و مالي الا الله ثم خبرتكم و تجاربتكم
سلام عليكم ..