كلية الحقوق جامعة عين شمس موجودة فى المقر الرئيسى للجامعة بالعباسية من جهة منشية الصدر
واقرب شقق متاحة لك ستكون فى منشية الصدر او الدمرداش او دير الملاك او العباسية
وبما إنك بتسأل عن فنادق 4 او 5 نجوم اعتقد معظم الشقق اللى هناك مش هاتعجبك لكن الدمرداش فيها شقق جميلة ومستواها راقى
ممكن بقى لو عايز شقق سوبر لوكس يبقى هاتبعد شوية عند نادى السكة او قاعة المؤتمرات ودى هايبقى بينك وبين الجامعة 10 دقائق بس بالعربية
ربنا يوفقك ان شاء الله

لك كامل شكري .
هل العباسية هي الموجودة في مصر الجديدة ؟ أو قريبة منها ؟
كما أود أن أعرف ما هي الفنادق القريبة من كلية الحقوق.

الجامعة نفسها فى شارع الخليفة المأمون وهو ممتد داخل قلب مصر الجديدة لكن منطقة العباسية مش فى مصر الجديدة
وبالنسبة للفنادق بصراحة مش عارف هناك فى برج اسمه برج مصر للسياحة ومش عارف فيه فندق ولا لأ
لكن الفندق القريب اللى اعرفه هو فندق ضباط القوات المسلحة أمام نادى السكة لكن مش عارف هل مفتوح للجمهور ولا خاص بضباط القوات المسلحة
وفى فندق الميريديان فى شارع صلاح سالم لكن دة بعيد عن الجامعة يعنى لو المرور كويس هاتحتاج حوالى 20 دقيقة تقريباً بالتاكسى علشان توصل هناك لكن فى اغلب الأحيان المرور صعب نوعاً ما
المنطقة دى مش منطقة سياحية علشان كدة مافيهاش فنادق لكن منطقة العباسية معظمها مصالح حكومية فيها مستشفى الأمراض العقلية ومجمع محاكم ومديريات تعليمية ونقابات وجامعة عين شمس طبعاً بضخامتها
علشان كدة باقول ان انسب حل لو عايز حاجة قريبة يبقى شقة فى الدمرداش أو بجوار أرض المعارض

أخى عندك فندق تريومف فى الخليفة المأمون وهو فندق جميل وقريب جدا من الكلية

هل فندق: راديسون بلو هليوبوليس
قريب من كلية الحقوق - جامعة عين شمس ؟
وكم هي المسافة التقريية بينهما (بالسيارة أو مشياً ) ؟

تحية طيبة :
يوجد عمائر قريبة من ميدان روكسي بمصر الجديدة و بالتحديد المطلة على حديقة الميرلاند مباشرة ، يوجد بها شقق على مستوى حلو ، اما فندق راديسول بلو في هليوبوليس بعيد نوعآ معآ ، و انصحكم السكن بفندق لمدة يومين و البحث خلال هذه المدة عن الشقة المناسبة لكم ، و يكون البحث من خلال بوابي العمارات مباشرة ، و لا يكون بينكم اي وسيط .، و المشوار يأخذ من العمائر التي ذكرتها لكم ( 10 ) دقائق بالكثير بالسيارة لجامعة عين شمس .
و بالتوفيق إن شاء الله .
تحياتي ،،،

لكم جزيل الشكر .
والحقيقة أنا حاولت أسكن في تريومف،ولكن لا يوجد حجوزات لامتلاء الغرف.
وبحسب الوصية، سأسكن في الفندق لمدة يوم أو يومين، ثم سأبحث عن شيء قريب من الجامعة .