انا انضم معاك بالسؤال لاني ناوي اقدم على مكتب التأشيرات الي بالسليمانية الرياض

هلا حبايبي
انا قدم على الفيزا الاسبوع الماضي وكانت الطلبات التي قدمتها كمايلي
صورتين 4*6 مع خلفيه بيضاء
طلب تعريف بالراتب انجليزي
صوره من حجز الفندق
صوره من التذكره
الجواز
تعبيه الابلكيشن من النت
وبعد كذا ذهبت الى مركز التاشيرات يوم السبت واستلمت الجواز مع التاشيره يوم الاربعاء
واي خدمه انا موجود وترى الامور سهله

1- تعريف من العمل باللغة الانجليزية --
2- كشف حساب لاخر 3 اشهر
3- صورتين شمسية وتكون بدون شماغ ( ويجب ان تكون الخلفية بيضاء )
4- تعبئة نموذج طلب الفيزا لكل شخص مسافر
5- جواز السفر
طبعا النساء مثل الرجال في الطلبات ... اذا كانت لاتعمل تكتب في الاستمارة بيانات زوجها لانه هو اللي بيصرف عليها في السفر

وكلام اخيي aoa على متمه لا تنسون قيمة التأشيرة كاش وبالنسبه للتعريف بالعنقليزي لازم يكون مطابق اسمك نفس الي في الجواز العنقليزي والحرمة بس صورتين 4 في 6 خلفية بيضاء وقيمة التأشيرة ويبي يقولون لك اذا جيت تقدم انك تكفلها بحيث انها تصير معك وتوقع على تعهد ولازم اي احد يبي يقدم على التأشيرة يروح للمكتب الي في السليمانية الا ال اقل من 5 سنوات ما يجون على شان تبصمون
والله اعلم

طيب ماهوب لازم ترفق سبب طلب الفيزا
اللي اعرفه انو اذا كان هدفك سياحة ترفق حجز الفندق واذا كان دراسة ترفق قبول المعهد؟
والله انكم طمنتوني اذا كنتم متأكدين , انا اتمنى اني احصل الفيزا بالشروط اللي قلتو
بس انتو متأكدين

بخصوص الدراسة لازم ترفق اما السياحة مهوب لازم

يالغالي انا قدمت على الطلب للسياحه ... ماطلبوا مني حجز الفندق ...
يعني روح الامور سهالات ان شاء الله ...
ومثل مايقولون لاتعقدها حتى اذا كتبت شي غلط اشخط عليه واكتب ثاني
يعني بيطلعونك بيطلعونك ... والشباب الي هناك بيتساعدون معك ...
تحياتي

ما يطلبون لا حجز فنادق ولا تذاكر .. هذا بالشنقن بس
بس صورتين 4×6 خلفيتها بيضا و مو ملعوب فيها بالفوتوشوب
و تعريف العمل و بالانجليزي اذا عطوك اياه بالعربي انت تترجمه و تختمه انه مطابق الاصل
و كشف حساب لمدة 6 شهور و الجواز
و الابلكيشن تعبيه اما من النت او باليد .. و يفضل من النت احسهم يحبون التطور
بالنسبة للنساء اذا كانوا ما يشتغلون ما يحتاجون الا صورهم و الابلكيشن اللي تعبيه
و تكتب بالابلكيشن ان انت اللي راح تصرف عليهم و خلاص
بس و هذا اللي يطلبونه .. و بالتوفيق يارب

طيب ياشباب ممكن الرابط حق الابليكيشن
تحياتي