ما الأماكن التي تنصحوني بالذهاب إليها خلال خمسة أيام من بعد الساعة 2 الظهر لأرتباطي بمؤتمر قبل ذلك ؟
يعني بحيث يكون الوقت يكفي للذهاب والإياب في الليل ؟
علماً أن ذهباي سيكون في شهر اكتوبر المقبل بحول الله وقوته
مع بالغ الشكر لكم؟

أنصحك تروح الغرفه وترتاح لك ساعتين .. ولاحق على التمشي !!!!
ماشاء الله عليك ماتبي يفوتك شي.. الصبح مؤتمر وبعد الظهر لفلفه والليل سهر!!!!!!!!!
نجي للجد..
لو ماتغديت ممكن تطلع الجبل فيه مطاعم حلوه او abc الأشرفيه فيه جلسة مطاعم حلوه وتسوق وجرب مطعم ليلى
أكله روعه والخدمه ممتازه , ولو في خاطرك اكلة سمك اطلع جونيه فيه مطعم (شي سامي ) او مانويلا
بالمعاملتين.
والباقي الاخوه مايقصرون.

المسافر المبتدئ
مرحبا اخوي المسافر المبتدئ __________________ البلد صغير ويمديك تلفه والوقت فيه بركه لان النهار طويل على كلن انصحك بمغارة جعيتا روعه تغلق اعتقد الساعه خمس و متحف المشاهير جيد جدا على طريق جعيتا السيتي مول رائع وفيه عدة صالات سينما ومطاعم صخرة الروشه مشاهدتها بالجلوس في احد المطاعم حولهاوطبعا السولدير من المساء وطالع التلفريك الي يطلع لجبل حريصا في جونيه بصراحه متخلف لكن المنظر من اعلى رائع بحيث يطل على خليج جونيهومتحف موسى المعماري فيه بيروت مول حلو و أ ب س مول حلو بعد اذا عندك وقت تطلع برا بيروت عندك زحله وبعلبك بأثارها وشلالات جزين صيدا قريبه بس ماتستاهل العنوه خذ جوله في برمان وبحمدون وعاليه وفيها مطاعم وكافيهات بالنسبه للمطاعم لا يفوتك لابيازا ايطالي في الاشرفيه وزيت وزعتر له عدة فروع مانويلا على البحر بيتي كافيه امام صخرة الروشه برج الحمام وعبد الوهاب في برمانا وناندوز في الستي مول مر شارع الحمراء والفردان خذ جوله بالضاحيه اتمنى اخوي اني افدتك واي سؤال انا حاضر

يا اخ عزيز أفدتني الله يسلمك ويعافيك
وأتمنى مشاركة الإخوة كذلك

اخي العزيز .. المسافر المبتديء
السلام عليكم ...
ما هو التاريخ الذي يبدأ به المؤتمر الذي سوف تشارك فيه .. لاني انا عندي دورة تدريبية في شهر اكتوبر وبرنامج الدورة ينتهي الساعة الثانية ظهرا ..
دمت بخير

روح على الجيم في الموفنبك وبعدها انزل المسبح

يا إخوان أنا أقصد الأماكن السياحية مثل الحدائق التي فيها الفواكه والجبال وإن كان هناك ثلج ونحو ذلك