الله يهدينا وياك يالغالي،، هالحين احد يحتار مع ايطاليا!!!
ايطاليا شلها من بالك لأنها ماتقارن ابدا في النمسا وايطاليا ....ماقول الا الله يديم نعمه ...
بالنسبة لايطاليا فياليت تشرفنا في موضوعي بعنوان للمتزوجين الجدد !! ايطاليا بدون زعل في البوابة
الإيطاليه..
وبالنسبة للنمسا وسويسرا فأنا أنصح كل من سألني اي افضل هذي ولا ذيك اقول ريح مخك وملايكتك
واجمعهنفي رحله وحده بتخطيط سليم يعني مثلا برنامج على الطاير:
4 ايام فيينا
3 ايام زيلامسي
3 ايام انترلاكن
2 جنيف الخايسه عشان اسم انك زرتها
ولاتحتار ولاشي وصلى الله وسلم،، وطبعا البرنامج يعتمد على الايام والميزانيه
تحياتي لك

لحظه لحظه!! انا ماقريت كلامك زين!!
انت تقوول خمس وعشرين الف الميزانيه والمده عشرين يوم!!!!
اوتش!! انت تقصد بدون التذاكر يعني ولا كيف؟؟ ولا العشرين الف هذي مع السكن
والتذاكر؟؟
نقول التذاكر قيمتها للاثنين 5000 مع اني ناسي بالضبط الاسعار والسكن في فنادق عاديه جدا لمدة عشرين
يوم هذي يبي لك 500 ريال لليلة،، يعني 10000 في العشرين يوم
بقي 5000 ريال!!! يعني تقريبا على ما اذكر حدود الف و300 يورو والله مدري بالضبط
والله ياخي وبتستاجر سياره احس صعبه شوي وماراح تاخذوون راحتكم زين ...
والشباب في البوابة افضل مني واخبر وان شالله يفيدونك ...
بس ياليت تفاصيل زياده،مثل اقل نوع سكن تقبل تسكن فيه؟؟ هل انتم مثل محاكيك راعي اكل كثير ومطاعم؟؟
ولا ايشي يمشي حالكم؟؟ سياحتكم تبون اهم شي طبيعه ولا اثار ؟؟ زحمه ولا هدوء؟؟ اسواق ولا استجمام؟

اخوي فارس تميم خل التذاكر برا وممكن نختصر المده الى 15 يوم وترانا في برنامج رجيم مكثف يعني ما نشفق على الاكل اما السكن فلن نقبل اقل من 4**** او ما يوازيها لان النفس شينه وما تداني المناضر وبعدين انا قلت السياره لاجل شيء من الحريه بالحركه ونقل الشنط لان مابي حيل الكبر شين

3000

,
025000
:

السلام عليكم
الغالي مزيد بالنسبه للتكلفه اعتقد 30000 الف ريال او خلهم 35000
احسن حتى تاخذ راحتك
اما ايطاليا ما انصحك فيها انا زرتها وبصراحه هي حلوه وخاصه الشمال
ولكن سويسرا والنمسا احلى واهم شي هو الامان وانت رايح تستانس وسويسرا والنمسا
دول آمنه وشعب محب للسياح وفيها الكثير من الفنادق بعكس ايطاليا فنادقها اقل مستوى
من سويسرا والنمسا طبعا هذا من تجربتي الشخصيه وتقدر تجمع بين النمسا وسويسرا واذا
كنت تحب الهدوء والطبيعه فلا تضيع وقتك بالمدن الكبيره مثل جنيف وفيينا والمسافه بينهم
كبيره جدا وانصحك ان تستقر في مدينه صغيره مثل انترلاكن او توون او اي قريه قريبه ومنها تتجول بالمناطق المحيطه خاصه وانت مستأجر سياره يعني العمليه سهله وانا اعتقد ان احلى مكان في سويسرا هو الوسط
ومن ثم بعد اسبوع او اكثر تسافر الى النمسا وخاصه المناطق القريبه من سويسرا مثل سولدن وسيفلد وانسبروك والكثير من القرى الجميله وعلى فكره الفنادق في النمسا ارخص قليلا من سويسرا واحلى
وفي هذا المنتدى الكثير من المواضيع عن هذه القرى والمدن الجميله او تستطيع ان ترى تقاريري في الاسفل
تقبل تحياتي

اخي شرقاوي1 اشكر لك مرورك واهتمامك لا حرمنا الله منك ومن جميع الاعضاء الكرام دمتم بخير

أخوي المزيد........................ الله يزيدك ويزيدنا من نعيمه....
أرجو أن تحدد التالي :-
1- هل ترغب في البقاء بالمدن الكبيره مده طويله
2-هل ترغب بالراحه والهدؤ فقط
3-هل المشاوير الطويله بالسياره متعبه لك