أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم
ماهي افضل وسيلة للوصول الي الجبل وشياتر وباندونق واذا كان التاكسي الافضل ان يشغل العداد او بالمكاسرة علي السعر واذا كان هناك سعر فارجوا ذكرة ؟؟؟
تحياتي
ناجي124
حياك الله اخي العزيز
افضل شي انك تاخذ سواق خاص وتتفق معه علىالسعر
ارقام السواقين موجوده في المواضيع المثبته
على العموم اسعارهم تبدا من 300الى450ربيه
وانت وشطارتك..
naji124 فيه وسائل مواصلات ارخص من التاكسي بكثير 1 cipa ganti وهذي شركه نقل بالميني باص,انا كنت استخدمها لانها رخيصه وما فيها غثا المكاسر واساليب النصب والاحتيال اللي تواجهها مع اصحاب التاكسي لهم كاونتر بمطار جاكرتا بالنسبه لباندونغ تكلفك الاجره 125 الف روبيه للشخص الواحد الباص مكيف يسع لستة ركاب من طبقه محترمه,يأخذك من المطار للمكان اللي انت تبغى تنزل فيه سواءا فندق او غيره ممكن ياخذك لشياتر اذا اتفقت معهم المهم انك تعطيهم العنوان.عيبهم انهم ممكن يلفون بك في باندونق لتوصيل الركاب الاخرين اللي معك وممكن تكون الاول وممكن تكون الثالث وممكن تكون الاخير..فيها تعب. 2 باصات شركه بوتراجايا او شبيه بالاسم هذا.اكسيكيتيف كلاس كاونتر الشركه موجود خارج المطار بجوار المطاعم. مكيف فيه(تكرمون)دورة مياه ركابه ايضا من الطبقه الوسطى,يأخذك من المطار على طول لمحطته في باندوق (bsm)باندونق سوبر مول.ثلاث ساعات بالضبط من المطار للمحطه في باندونق. تكلفته 60 الف روبيه تشمل 20 كيلو عفش,واي وزن زايد عن عشرين ك ياخذون 3 الاف روبيه عن كل كيلو(رخيص)من المحطه في باندونق لأي فندق او مكان في المدينه الاجره ما راح تزيد عن 25 الف روبيه. من بادونق لشياتر بالتاكسي بالعداد ماتزيد عن 40 الف روبيه. نسيت اقول ان الميني باص ل cipa ganti راح يوقف بأستراحه بالطريق لمده من ربع ساعه لعشرين دقيقه. لو باخذ تاكسي من المطار لمدينة بادونق التكلفه بتكون 700الف ويمكن تزيد. اتمنى من الاخوه انهم يجربون وسائل نقل اخرى غير التاكسي حتى يبتعدون عن الاستغلال والاحتيال والاحتكار اللي يمارس عليهم من سائقي التاكسي او اصحاب السيارات الخاصه اللي مثل المنشار.فيه بدائل رخيصه وآمنه ومريحه ومافيها اعصاب ورفع ضغط ماله علاقه بالسياحه. ارجو اني اتيت بالفائده.
من المطار إلى الجبل باص سوزيكي إذا كنت معك 3 أشخاص مع العفش ياله يكفي 300 إلى 450 ألف روبية والباص أريح من التاكسي
التاكسي 150 إلى 250 بس متعب لأنك توك واصل من المطار
nada240
شكرا لك على الاطراء
الاحتكاك بالمواطنين الاندونيسيين الجيدين والاستفسار منهم
يعطيك معلومات مفيده ماديا ونظاميا وسياحيا.
الابتعاد عن المتخصصين بالسواح الخليجيين والسعوديين على وجه الخصوص
يجنبك الوقوع في شراكهم المعده للعربي على وجه الخصوص.
جوله بصالة الوصول بمطار جاكرتا ستكشف لك ما اعنيه.
كل التحيه للجميع.
تحياتي