الرأي الأول و الأخير لك
رأيي انك تخلي نصها كاش ونصها تاخذها شيكات سياحيه وتاخذ احتياطا بطاقتك الصراف وبطاقة الفيزا تستعملها عند الحاجه...الشيكات السياحيه باي مكان معترف فيها وتقدر تصرفها من اي مكان...فيه اماكن تاخذ عليك عمولة صرف وفيه اماكن مجانا تحولها
با التوفيق

والله بالنسبه لنا ناخذ شيكات سياحيه احسن واضمن مع الفيزا كثر ما تقدر لا تاخذ كاش وبعدين كل مكان فيه بنوك وتقدر تصرف كل يومين احسن

شف ياخي sat الشيكات السياحيه في النمسا جربتها انا بنفسي امينه بس غثيثه لاني يوم جيت اصرف بفينا من الصراف قال باخذ عشره بالمائه على الصرف كله يعني الالف يورو يحولها من شيك الى كاش الف يورو وياخذ مائة يورو اتعاب والبنك نفس الكلام بغى يغمى علي من القهر والبنك قال لي فيه في شارع المشاة صراف متخصص في شيكات امريا اكسبرس لكن الصراف النجس ما علمني يبغاني اصرف من عنده المهم النصيحه خذ جزاء كاش وبطاقة الفيزا تحاسب الفنادق بالمبالغ الكبيره والبالغ الصغيره تسحب كاش ب بطاقة الصراف العاديه تسحب بها كاش كذا تريح من الشيكات

[الشيكات السياحيه هل تقدر تستخدمها في الفنادق العائليه الريفيه والمطاعم ولا لازم اتصرفها قبل اذا لازم اتصرفها وعليها جارج الصراحه شغله ومكلفه بعد انا اشوف شل نص كاش ونص اسحب اذا احتجت باخر السفره وخل اعتمادك على الكريدت كارد والافضل كرتين كرت ماتستخدمه نهائيا ويكون بس للحالات الطارئه وكرت فيه مبلغ معين بحدود 15 الف ريال ويكون للفنادق والمطاعم والتنقل ولما ترجع اتسدد كل مصروفاتك

الفنادق ما تصرف الشياكات بس البنوك والصرافين وياخذ عموله 10 بالمائه ومحل امريكا اكسبرس وما ياخذ عموله

أخي العزيز
جربت الشيكات السياحية في فرنسا و كل ما أذهب الى البنك يطلبون الجواز و يطابقون توقيعي في الجواز مع توقيعي على الشيكات السياحية و السالفة طويلة.
حبيبي أخذ اللي يكفيك أول يومين أو ثلاثة و الباقي تسحب كل كم يوم من السحب الآلي جربتها في لندن و كانت المدة طويلة بس كنت في أمان من حمل مبالغ كبيرة و ضبطت الحسبة معاي بالتمام.

الاخوان مشكورين على الردود الوافيه
بس بعرف شغله بسيطه
بطاقة الصراف لما اسحب منها هل ياخذون عموله على من الحساب نفسه

نعم يأخذون نسبة فخل سحبك كل خمسة أيام إلى أسبوع و تراني ناسي النسبة اللي ياخذونها.

خذ معك شوي كاش + وجزء شيكات سياحيه(اتذكر كنت اصرفها عند الاستقبال في الفندق)
بالاضافه الى الفيزا
وبالنسبه لعمليه السحب البنك بياخذ عمولة عن كل عمليه سحب على مااعتقد45 ريال بس مو متأكد يمكن اكون غلطان وتأكد انت من بنكك
يعني اذا بتسحب من الصراف حاول انك تسحب مبلغ كبير على ماتجلس كل شوي تسحب والبنك ينتف من حسابك عمولات