أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم ورحمة الله وبركاته
غدا بإذن الله سأتوجه للكويت
سؤال ماهو أفضل طريق وأسرع للكويت ومن أي المنافذ ؟
خبرني أحد الإخوة أن هناك أزمة سكن ؟ أخافني ذلك وقال إني رجعت نمت بالحفر
الساعة المباركة وبتنور الكويت وحياك بين أهلك وناسك ..
بفيدك بالنسبة للطريق بس أما بالنسبة للسكن ما عندي فكرة عنه صراحة ..
تطلع من القصيم على خط الزلفي ثم إلى الأرطاوية وبعدين تلف يسار وتاخذ الخط على طول إلى حفر الباطن ..
ومن حفر الباطن بيكون الخط مفرد إلى الكويت راح تدخل الكويت من منفذ الرقعي ويقابله السالمي بالكويت ..
وعلى طول لما تدخل الكويت خط مزدوج إلى مدينة الجهراء طوله أعتقد 100 كم ..
ثم على حسب وجهتك من الكويت ..
من الزلفي إلى الأرطاوية 68 كم ..
من الأرطاوية إلى أم الجماجم 41 كم ..
أم الجماجم الحفر 192 كم ..
الحفر الرقعي 100 مفرد إنتبهو فيه هو والخط بين القصيم والزلفي ..
وموفقين إن شاء الله ..
حياك يالله يالعنزي تنور وتشرف بلدك ..
الطريق اخوي اللي قبلي قالة واهو الافضل بالنسبة لك ..
فيما يخص السكن ،، قد فعلا يكون في ازدحام في مثل هالوقت ولكن مو لدرجة ما تلقى حجز للفنادق وترجع تنام بالحفر ..!
فية فنادق وشقق فندقية من دينار لحد 200 دينار في اليوم وبمناطق متعددة من السالمية لحولي ولبيندر قار والخ ..
الافضل طبعا انك تحجز من النت او بالاتصال الله لا يهينك قبل لا تجي .. عشان ماتفتر على الفنادق وانت تعبان من السفر ..
وحياك الله
حياك الله مثل ما قال made in kuwait هدا افضل الطرق
وبالنسبه للسكن فى شقق وايد بكل المناطق واشهرها السالميه وحولى والفروانيه
وفنادق وايد ممكن تحجز عن طريق موقع بوكوينغ او فندق كوم وموفق
هالله هالله بالصقعى والسكرى والكليجه ,,,,
