ألف مبروك مقدمآ
الغردقة بلد صغير ويومين ثلاثة كثيرعليه مدينة صغيرة وبهذى الفترة الجو حار بالنهار وزرتها بهذى الفترة
كثير من يمدح أندونيسيا لكن مازرتها وهي ع البال
بس ماليزيا وجمال جزرها ومناطقها من الأماكن التي ارشحها
وننتظر ردود بقية الأعضاء ولك الإختيار مع تمنياتي لك بالتوفيق وزواج مبارك

أشكركم على مساعدتكم ..
ثانياً لدي عتب على المشرف ( هدوء الكون ) الذي ( خرب ) موضوعي تحت ذريعة ( يمنع تداول اسماء المكاتب السياحيه )
رغم أني لم أذكر أسم أي مكتب سياحي ..
عشنا وياما شفنا ..

مرحبا عزيزي ميزانيتك نوع ما حلوة بس بسالك كم عدد الايام يعني انت تبي اتسافر في 1 اوغست ومادري اشلون نظام رمضان وياك يعني هل انت حاط في بالك سفرتك اتكون بس 10 ايام وترجع علشان رمضان ولا عادي بتكمل
بنسبة لي لو المدة بين 20 يوم و25 يوم والميزانية قريب ال 40 الف بقولك على طول روح استراليا لانها روعه
وبنسبة للمقترحات انا على طول بقولك سويسرا روعه يعني اطلع جنيف 5 ايام واطلع باريس 5 ايام وارجع قبل رمضان هاي لو كنت تبي اتكون قبل رمضان
بنسبة لشرق اسيا او ماليزيا هي حلوة وانا زرتها بس انا مانصح فيها بشهر العسل لان الجو يكون حار واكيد بضايق المدام خصوصن ان البنات يلبسون عبايات لهشي ماراح يستانسون لان الجو حار وبزهقهم ومن غير انها بتكون زحمه واكيد بعد حجوزات العودة بتكون مليانه قبل رمضان لهشي حاول تحجز بدري
بنسبة لمصر يقولون حلوة ويقولون رمضان فيها حلوو لهشي مادري عندك يعني لو تبي مدة 20 يوم او اكثر ممكن اقولك مصر بشكل عام وتاخذ جوله على الغردقة وعلى شرم الشيخ وعلى القاهرة وعلى الاسكندرية وعلى الاقصرواصوان يعني اتكون جولة عامه في مصر وتستمتع اهناك وخصوصن ان اجوا رمضان حلوة اهناك
فلهشي انت حدد عدد الايام وحدد وين تبي تقضي رمضان وبعدها بقولك رايي النهاية واي استفسار انا بلخدمة

هلا اخوي حلو ومدلع ..
يعطيك العافية يالغالي ..
أنا ناوي أطلع 1/8 .. يعني قبل رمضان ب 10 ايام .. وان شا الله راجع على بداية رمضان ..
يعني خلال الثلاثة الأيام الأولى ..
استراليا فكرت فيها .. وايضاً فكرت اني اروح كراست شيرس .. ولكن نظراً لبعد المسافة غيرت رأيي ..
حرام أضيع يوم كامل في السفر .. وانا وقتي قصير جداً قبل رمضان ..
سويسر حلوه .. فكرت اروح لوزين .. ولكن نظراً لان مالي خبره في السفر اجلت سويسرا إلى السنه الجايه ..
ممكن تعلمني كم درجه الحرارة في ماليزيا .. في كوالالمبور مثلاً ..
أنا سمعت ان الجو بارد في جنتنج والكاميرون .. كم درجه الحراره في شهر 8 ؟
مصر أنا زرتها كثير .. كنت أفكر اني اروح الغردقه فقط .. ولكن اخوي صاحب الرد الأول يقول ما فيها شي وان الجو فيها حار ..
يعني ماليزيا أنسب .. صح ولا لا ..
معليش ابتعبك معي

لا ولو تعبك راحه وانا موجود وجاهز ارد على كل استفساراتك
تبي الصراحه اتمنيت زواجك بداية شهر 7 كان على طول قلت لك استراليا بدون تردد وكان ماراح تندم بس معاك حق الوقت مايسمح
بنسبة لماليزيا فجوها رطب والحرارة اقل شي 27 واعلى شي 33 يعني ماتزيد عنهم وطبعا هي مدينة ممطرة بس مب على طول يعين احيانا
بنسبة للكاميرون وجنتنغ فهم باردين ولاكن مانصح انك اتروح للكاميرون لان مافيها شي
وبنسبة لجنتنغ هي عبارة عن فندق ومدينة ملاهي وتبعد عن كوالالمبور 45 دقيقة يعني تقدر اتروح لها وترجع بنفس اليوم والحراره تبي الصج مومتذكر بس هي باردة لانها فوق بلجبل ونفس الشي كاميرون فوق بلجبل لهشي يكون جوهم بارد وعلى فكرة ماليزيا جوها مداري يعني ثابت طول السنه ومايتغير سوان بشهر 8 او شهر 1 كله نفس الشي والجو نفسه
وبنسبة لسويسرا حرام عليك الموضوع مايبيله زيادة خبرة انا اشوف ان الموضوع عادي والميزانية حلوة والمدة بعد فشنو الي يمنع انك اتروح 5 او 6 ايام جنيف واتزور منخلالها المدن القريبه مثل لوزين وبعدها اتروح 5 او 6 ايام باريس وتستمتع اهناك
بس طبعا القرار بالاول والاخير لك واكيد ماليزيا اسهل بتعامل وبلاجرات واسهل بعد كحياة ولاكن هذيك بتكون تجربة جديده لك
وبنسبة للغردقة انا بعد سمعت انها ماتسوا وحدها يومين بس
واذا عندك اي استفسار انا بلخدمة

أخي العزيز لاتنسى لنكاوي فهي من أجمل الأماكن لشهر العسل وكم يوم بعد بينانج وأقرب مكان للنكاوي بوكيت بتايلند وهناك أيضآ بورت ديكسون ويمكن الوصول إليه من كوالالمبور بكل سهولة ويمكنك الإطلاع على تقرير الأخت العزيزة صوت السهارى التي كتبت تقرير مميز عن فندق أفالون من خلال هذا الرابط :
https://artravelers.com/p/re/269560
وكذلك تقارير الأخوة و الأخوات عن ماليزيا وتايلند وأندونيسيا وكذلك سنغافورة
وتقبل تحياتي

!.. Nayef ..!
وسع صدرك أخوي نايف
ما خربت موضوعك ولا شي بس بينت لك تداول أسماء المكاتب السياحيه ممنوع في المنتدى
وبعدين ما حذفت ولا أي شي من استفساراتك ..
موفق في رحلتك وأنا أختك ..
تحياتي وتقديري ..