اذا كنت تقصد قطع غيار جديدة ولا مستعملة !! عموما مالك اخوي الا السكراب -التشليح- بمنطقة امغرة الصناعية قرب الجهراء واتوقع اسعارهم مناسبة
تقبل تحياتي

اي نعم بوخالد امغره اتحصل اللي تبيه -
بس انا بسألك واتأكد اكثر من الوالد بس يرجع من السفر ان شاءالله يعني بعد يومين اذا الله اراد واسأل لك الاهل اذا يعرفون

نفس الكلام تروح امغره وان شاءالله اتحصل اللي اتبيه او وكاله السياره

اخيي مسافر متميز
اختي مشرفة الكويت
شكرالله لكم واحسن لكم المثوبة والجزاء وجعلها في
موازين حسناتكم
اللهم حرم وجوههم عن النار ياغفار
اللهم اعطهم وزدهم ولاتحرمنا واياهم جنتك
وجميع من ساعدنا
وشكرا لكل الاحبه هنا فهم مشرفين واعضاء نافعين
وفيهم خير كثير
ترى ماقلنا شي قلنا دعاء وقلنا راي
وقلنا وجهة نظر
على ماقال اخينا سعود في برنامجه مع الناس
وياحبي لاهل الكويت الطيبين
أخيكم
بوخالد

سؤال
يانظر عيني
ياهل الكويت الغوالي
هذا قدري اني احبكم
والمحبة من الله بس تحملوني
المهم عندي تساؤل
هل فيه عندكم معارض للسيارات
يهتمون بالسيارات القديمه يعني للبيع
زي 200أل موديل 80 وموديل 81
لاني من محبي هذا الموديل على وقته
واتمنى الاقيها والاقي لها قطع غيار وين مكان قطع الغيار المحتمل
اني احصل فيه نفس الموديل
تكفوفزعتكم فزعتكم فزعتكم
الله لايخلينا منكم والله يجمعنا واياكم بدار كرامته
ووالدينا قولوا امين يابعد الدنيا كلها
ترى ماقلت شي قلت ابي شي قديم وغالي علي وابي وصف له
ولا لي بعد الله الا حبايب هنا
واشكر كل من اسدى على معروفاً حتى ولو بكلمه طيبه او وصف او دعاء
بانتظار ردكم لاخليت منكم
اخيّكم
ابو خالد

منقول للفائدة مع اجمل تحية للأخ ابوخالد
متحف السيارات القديمه والتاريخيه بالكويت - 30-10-2010, 10:21
متحف للسيارت القديمه والتاريخيه في الكويت موجود في منطقه الشويخ الصناعيه بجانب شركه محمد حمد الوزان وكيل سيارات فورد ومقابل سوق سيتي سنتر واتركم مع الصور

عمار ياكويت
اللهم احفظ الكويت وشعبها من كل مكره
اللهم من اراد الكويت بسوء فأشغله بنفسه ورد كيده بنحره
ما اقول الا الي مايحب الكويت الله ياخذ عمره

ما عندي علم بامور السيارات
ان شاءالله يفيدونك الشباب

مشكور أخيي هباس المحترم
وانا اقول لك اجمل تحيه ومحبة مني يالغلا وماقصرت يابعدهم بس كني ماشفت موديل 200 ال 80 او 81 الله يحفظك ويوفقك ويخليك لعين ترجيك قل امين يالغلا
أخيّتي ام يوسف لاعدمتك
شسالفه هالمره ماقلتي شي
دايم ماتقصرين تقولين شي
وتقولين وجهةنظرلعل المانع خير
بانتظار المزيد من احبابنا اللي دايم كرمهم ملأ العالم
الله يوفقهم امين يارب العالمين
ترى ماقلت شي قلت دعاء وقلت ابي اكثر اللي عندهم كل شي يكثر الله لايخلينا ولايحرمنا منهم
تقبلوا تحيات
بوخالد

انا يا ابو خالد صج اسوق سيارة بس
ما اعرف شي عن المحلات والاقطع الغيار والا اي شي
يا دوب اعرف اروح محطة البنزين ههه
اي مرة صار عندي بنشر عند مطعم بالسالمية باخذ ريوق للدوام
وصار بنشر الحمدلله ان في بنشرجي قريب للمطعم دلاني عليه ورحت له
والا الباقي الله يطول بعمره بو العيال كل شي عليه
ولو اعرف اي شي قلت لك بس انت تبي واحد يدليك صح
وانا سوري ما اعرف شي
يعطيك العافية
ومع هذا شوف الخاص
ان شاءالله تستفيد