مرحبا فيك اخوي ... انت من وين جاي طيب ؟ عشان نرتب لك كل شي

انا جاي من الكويت ان شاالله

ياهلا ومرحبا فيك وبكل أهل الكويت
طبعا المدة اللي تبيها 10 أيام واجد , ممكن 6 أيام كافية للخبر والدمام
فيه أماكن كثير ممكن تروح لها
1: الواجهة البحرية بالخبر
2: كورنيش الخبر
3: مركز سايتك بالخبر ( مشابه للمركز العلمي بالكويت )
4: واجهة الدمام البحرية
5: كورنيش الدمام وجزيرة المرجان
6: القرية الشعبية بالدمام وتطلب تاخذ جولة بالمتحف
7: شاطئ نصف القمر وهذا جدا مميز خاصة أيام الأربعاء والخميس والجمعه فيه بحر وبر وتطعيس ودبابات وخيول وجمال وكل شي هناك
8: مجمع الراشد بالخبر
9: مجمع الظهران مول بالخبر
10: مجمع الدمام مارينا مول
11: قرية الدولفين الترفيهية عند مدخل جزيرة المرجان ويكون فيها عروض للدلافين وأسد البحر
12: سوق السويكت بالخبر أو سوق الحب بالدمام وهذه أسواق شعبية عبارة عن شوارع تحصل فيها كل شي تبي وبأسعار حلوه والناس تجيها للصوغة , من جلابيات وعطور وهدايا وشغلات بسيطة
13/ هابي لاند الترفيهية بكورنيش الدمام , علما بأن المراكز التجارية كلها فيها العاب بس انتم ماعندكم احد بهالعمر حق لعب
وممكن أذا حاب تغير جو وتاخذ لك شاليه أرشح لك منتجع جولدن توليب الفلل الجديدة الفلة غرفتين وصالة ومطبخ ب 1400 ريال
هذه بعض الأماكن اللي ارشحها لك وممكن أذا في شي ثاني أضيفه , واذا عندك استفسار ثاني ياهلا ومرحبا

يعطيك ألف عافية أخوي / سلطان الشرقية
على هذا التوضيح لأخونا / بوسليمان
وحيّاكم الله يأهل الكويت ( عين فراش وعين لحاف)

سلطان الشرقيه \ بيض الله وجهك كفيت ووفيت

جزاك الله خير اخوي سلطان الشرقية .. عجبتني حيل فكرة الشاليه فعلا حلوة لتغيير الجو . . . . يعني السفرة فيها نصيب من التسوق والتمشي والاستجمام .. شي طيب بارك الله فيك

المولات بالخبر :الراشد فؤاد سنتر والظهران مول
الدمام:الشاطي مول المارينا مول العثيم مول الشراع مول ابن خلدون مول
كورنيش الخبر مطاعم ومقاهي
قريه القصيبي
وشاليهات ع الهاف موف واجد
ورحله ممتعه

جزاكم الله كل خير ولاهنتو

انا اليوم ماشي للخبر من الكويت
اذا بتخاويني حياك الله
حاجز في صن بيش الخبر ، خوش شاليهات و كنت ساكن فيه السنة الماضية
شاليهات جدا متميزه و فخامه حلوه