من ناحيتي وبما اني مصنف تحت بند الشباب ما احب لا ملاتي ولا ماكاتي، مانيلا كلها ما احبها ومخليها محطة للإنطلاق لمدن ومناطق افضل مثل باقيو ،بوهول، لاقونا، ولاتهون ست الكل .. بوراكاي ، وبصراحة ارثي لحال اللي يروح للفلبين ويجلس بالاسابيع وكلها في مانيلا ...................!

بوروكاياوي
شكرا على مرورك وسجلني معك فعلا الجزر هدوء وراحة وهي الي تستاهل من يقضي اجازته يتنقل بينهم

هلا وغلا فيك أخوي رحال
أختلف معاك في تصنيف مابيني لى شياب و مكاتي لى الشباب
ودليل أسكن في فندق مكاتي بالس كله شيبان يوجد في مكاتي
و عندك شباب كثير في مابيني ساكنين حول مجمع روبونسن شقق فندقيه كلها من الشباب
على عموم مميزات كل منطقه مختلفه عن لأخرى
مثل اذا عندك شغل و عماله من المفروض تسكن في مالاتي توفير وقت وجهد و مطاعم العربيه أكثر و مجمع روبنسون
مكاتي أرقى و انظف و فيها زحمه و تشعر انها قلب الفلبين المالي و يوجد فنادق راقيه و غاليه ومجمعات حلوه
لايوجد سوى مطعم لأيراني و مبالغ في أسعاره نار ليه مادري
دمتم بالف خير

اكتشفت ان كبار السن يعني من الاربعين وفوق الي ينامون الساعة 10 ليلا بدري ويقومون مع طلعت الشمس
زعلت صاحب الاربعين ياويلك ... احس انك بتروح مع شيبان ومتوهق ههه.. لا رقدوا بالليل افركلها
فعلاً لاحظت رغبة الشيبان في مابيني واعتقد لهاالاسباب:
1- قربها من مكاتب الاستقدام وغالب الشيبان رايح يجيب عمال
2- زمان في السبعينات لم تعرف مكاتي وكانت مابيني هي المقصد وخصوصاً فندق الروثمن (اي شايب راح الفلبين بشبابه مستحيل ما يعرف الروثمن) وبما ان الشايب صعب يغير ولا يتشجع له فأستمر الى يومك عرف المنطقة وعرفوه
3- متقاعد لا شغل ولا مشغله يجلس بالشهور ومكاتي بتكون غاليه بينما مابيني يقدر يحصل شقق بنظام شهري رخيصة جداً ما تتعدى 10000 بيسو.
بالنسبة للشباب ترا يختلفون كثير ما زال يرغب السكن في مابيني (ماخلو الشيبان بحالهم ) وبيني وبينك الفرق بسيط بينها كم عمارة 40 طابق والسلام
فالنهاية اختلفت المناطق واتفقو جميعاً على الاستمتاع بسحر وجمال وردة اسيا اينما حطوا رحالهم

اتا شبابي متشيب اجلس في مكاتي وامر على مبيني واتعشى في ملاتي وافطر في القرين بلت ..اتوقع الحكومه الفلبينيه تصدر قرار لارجعة فيه ..نص القرار على كل الشيبان القادمين من الخليج التوجه الى مبيني وملاتي وعدم الاحتكاك بالشباب الذين يسكنون مكاتي واي شبابي نراه قرب من مبيني غرامه 10000 بيسو..اما اذا سنه تعدى الاربعين ولم يتجاوز الخمسين عند عرض الغرامه 5000 بيسو....فيه واحد من الجماعه يبي يروح الفلبين عمره 45 سنه يبغى يروح يسكن ملاتي الظاهر بنصحه يجل الذهاب الى ملاتي حتى يتجاوز سن الخمسين......طيب لو واحد راح معى ابوه اتوقع الولد يسكن في مكاتي وابوه في ملاتي وذا ارادو ان يتقابلوا يكلموا بعض ويجتمعون في باساي رود ..................شكرا على الموضوع

هلا بأخوي رحال وش العلوم وش الاخبار عساك طويب الصراحه شلت علينا هم الاختبارات بها الموظوع الشيق مع اني تحت سن الشباب بعد بس سكنت بمابيني المشكله مادريت انها مابيني الا يوم رجعت للسعوديه لا تواخذن الدباشه له دور للي اول مره يطب هالديار المهم مالك بالطويله الصراحه انا سكنت جنب روبنسون مول يعني لا طلعت من البوابه ولا بوابه السوق بخشتك بس الصراحه المنطقة فيها اشكال توحش والله اني اخاف اطلع بالليل لحالي بس فيها مطعمين عربيين حلوات الصراحه والله قعدت اتقهوى تشوف الدله والبريتس حق الشاهي مزبوط ومشغلين علي بن محمد وبعدها نانسي عجرم بعد كلام والله انك اطريت مليح المهم تراني شفت مكاتي من بعيد يعني من البلكونه من الدور 12 من الفندق الي معي صاحبي قالي شفها والصراحه اني المنطقة الي سكنت بها مااعجبتني لانها كلها زحمه بكل وقت والنظافه لك عليه بس احس ان مكاتي مرتبه وانا مازرته بس ان شاء الله بالمخطط الجاي يعطيك العافيه اخوي :8888::8888:

لابو لابو
ههه لابو لابو خطير انت من جد لو راح مع ابوه الولد في السوهو ابوه في رفيرا منشون او روثمن ههه الوعد في هيرزون بلازا
على العموم اتفق مع اخوي (mishariii) وبقوه مع العلم في في كوزن ستي فنادق جميله ولكن الكثير من الشباب او الاغلب ما يسكن حيث يوجد الخدمات في مكاتي وملاتي
انا جربت الجهتين ولفتره طويله حيث استأجرت شقه خلف الديموند هوتيل مقابل البحر لفتره من ستة شهور مع العلم الايجار كان معقول يفوق 25000بيسو شهري سنوي طبعاً ولكن مللت من روائح الجبني والزحمة المركبه من السيارات والمواطنين فقررت اغير السكن الى مكاتي
استأجرت في مكاتي قريب من مكاتي مديكل ايضاً الايجار معقول 30الف بيسو بعقد سنوي وايضا هناك سلبيات منها الزحمه السيارات في خروج المواطنيين من اعمالهم لكن تضل مكاتي هي الافضل في نظري
الكبار في السن ليس كا الشباب ينطلق كل يوم في مول ويتسوق ويكتشف اشياء جديده فهو حينما يصحى في الصباح الباكر ينتظر الساعه العاشره صباحاً لكي يفتح الربونسون مول علشان يروح يشرب شاي او قهوه وتحصله يجلس من الصباح الى وقت ما قبل العصر ودائماً التجمع في دليفرنس كوفي ههه وهذه القهوه معرفه وايضا قهوه اخرى اسمها شاي تجد اخونا الشيبان يتقهوه ويناظر الناس وهو مبتسم حيث تجده من رود الفلبين فااخذ كفايته من التجول في الورده فمن يشاهده يظن انه ما يعرف الا هذا المكان في الفلبين هذا خطاء هو لانه يحب الفلبين يكفيه الجلوس والنظر الي الناس هذه سعادتة
اما نحن تكمون فينا حب الاستطلع والتجول وهذا فطره في كل انسان .
ان شاءالله اذا اعطان واياكم عمر هل سوف تكون مكان هذا الشخص وانت من رواد الفلبين ؟

موضوع شيق وحوار مميز بين الاعضاء
من وجهة نظري أرى بأنه ليس بتصنيف الذي ذكر شباب وشيبان
فلكل منطقة مميزات فمثلا مابيني تتميز بالمطاعم العربية وتستطيع ان تتنقل فيها دون الحاجة لوسيلة مواصلات بعكس مكاتي ولكن مكاتي بها اكثر من مجمع تجاري و اكثر تنظيم ونظافة وهذا امر طبيعي في اي مكان في العالم حين ينشأ حي جديد بعكس مابيني منطقة قديمة جدا يسودها العشوائية وتعد حي شعبي وتفتقر للتنظيم
لذا نجد البعض من الشباب وشيبان يفضل مابيني والعكس صحيح ايضا حسب الرغبة والميول

ههه لابو لابو خطير انت من جد لو راح مع ابوه الولد في السوهو ابوه في رفيرا منشون او روثمن ههه الوعد في هيرزون بلازا
تخيل يا رجنت الاب يتصل على الولد من الرثمن ويقول للولد وينك يقول في السوهو ..ويقول الولد كيف الجو عندكم يقول الاب فيه مطر عندنا والولد يقول مافيه مطر هنا ..وبعدين يقول الاب ايش رايك تمرني في هيرزون بلازا نسيت الشماسيه معاك..