رمضان ترى هناك الوقت يختلف ووقت صيامك بيكون كثير شباب جربوه ومشت معهم الامور
تقريبا 800 باوند يوميا 27 باوند بتكفيك باذن الله اذا نت خارج لندن ومعتمد علي الباصات

تبي الصراحة ،،، ما انصحك تروح في رمضان ،،،، تقريبا الفجر الساعة 4 والمغرب الساعة 9 واحسب .
بالاضافة إلى انك سوف ترى الكثيرين ياكلون ويشربون ،،،، والوقت في المدرسة مرهق ،،،
روحانية رمضان تكون مفقودة ،،، بالاضافة إلى عدم قراءتك القران .
صدقني : لا تروح في رمضان . لأن اللي يروح غالبا ،،،يحب يمارس اللغة في الشارع والمطعم والبقالة ويروح يتمشى
في رمضان لن تجد كل هذا ... هذه وجهة نظري ولك القرار

في رأيي مثل ما قال الاخوان فوق
بتفقد روحانية رمضان وقراءة القرآن
غير جذي مااعتقد في شئ يمنع وانتا في النهاية رايح تدرس ...

والله انا شخصياً اتعب شوي برمضان لأن الدوام طويل ويحتاج تركيز وجهد ذهني واليوم طويل لأن رمضان بالصيف ماتغيب الشمس الا متأخر جداً.. انت لو طالب ومقيم ببريطانيا كنت بشجعك وبقول بالعكس تقدر تصوم وتجتهد ولكن انت مخير ورايح شهر واحد فالمفروض تاخذ الفائدة القصوى من هالشهر فلو يحصلك تغير موعد اجازتك انصحك تغير اما اذا ماتقدر تغير الفترة فممكن نص دوام يكون مريح لك تجي وتنام شوي وبعدين تدرس شوي وبالليل تفطر وتعيش يومك
لأن اغلب الكورسات تكون انتنسيف 15 ساعة بالاسبوع

مشكورين
راجعة نفسي وأهلي وقالوا نفس الكلام والوالدة مصرة أني أكون موجود في رمضان
والحمدلله قدرة أجمع 8000 ريال للمصاريف وإنشاء الله في شهر 8
بس أبي من الجميع يدعون أن مديري يوافق لان هو يكره أحد يأخذ إجازة وهو يأخذ
ولن أنساكم في كل صلاة

معليش يأخوان عارف أني مزعج بس اخر استفسار
وانا في الطيارة يعطوني ورقة أمليها أبي صيغت الورقة أنا بس أعرف أن مكتوب الاسم والسكن فيه
إذا فيه أشيء ثانيه قل لي عليها ويقولون حق الجوازات يسأل وأنا ضعيف في الإنقلش لو أحد يقولي وش يسألون وأدعيله . أنا عندي رعب من المطارات بشكل رهيب
أرجو إفادتي وجزاكم الله كل خير

ماراح يسألك اسألة تعقيدية.. واذا حسيت نفسك توهقت قوله نو انجلش وبيجيبلك مترجم وهذا من ابسط حقوقك
طبعاً بتكون محضر ورقة القبول بيدك لأنه قد يسألك عنها
الورقة حقة الدخول راح يكون فيها اسمك, رقم الجواز, تاريخ ميلادك, مكان اقامتك ببريطانيا, نوع فيزتك, تاريخها ومعلومات زي كذا.. انت بتعبي بس الوجه من الورقة والظهر منها مايخصك.. وطبعاً بكل سهولة تقدر تطلب من احد مظيفي الطيارة يساعدك في عملية تعبئة الكرت
والله يوفقك وتتم سفرتك واجازتك على خير

والله اسف بس كل شوي أذكر شيء
بطاقة الفيزا هل تستخدم في بورمث في كل مكان ولا لا ؟
وسمعت أن فيه بطاقة تخفيضات خاصة للطالب هذي من وين أخذها وكيف أستخدمها ؟
اسف بس ماعندي أحد أسأله الا أنتم أرجو المساعدة
والله يبارك فيكم

بصراحه الله يعينك علي رمضان في بريطانيا اليوم طويل جداا جداا وبصراحه الصوم عندهم معاناة الله يكون في عون الصايمين في بريطانيا