(1) الحلوى العمانية
(2) البخور واللبان
(3) الخنجر العماني + السيف + المشغولات الفضية العمانية
(4) القهوة العمانية
(5) الزي العماني بأنواعة ( دشداشة والكمة والمصر ) , وايظا للنساء
(6) العصا او الخيزران او العتم
(7) العوال والقاشع
(8) الحين عندنا موسم الرطب , بصراحة ما تتفوت
هذا الي اتذكرهم الحين

Munati
(2) البخور واللبان
(3) الخنجر العماني + المشغولات الفضية العمانية
(4) القهوة العمانية
(5) الزي العماني بأنواعة ( دشداشة والكمة والمصر ) , وايظا للنساء
(6) العصا او الخيزران او العتم
(7) العوال والقاشع
(8) الحين عندنا موسم الرطب , بصراحة ما تتفوت
هذا الي اتذكرهم الحين
شكرا لك مناتي على ردك ، وفعلا شكلها أشياء حلوة كهدية من عمان
كلها واضحة بالنسبة لي ، ما عدا شيء واحد وهو رقم (7) العوال والقاشع .. الصراحة ما عرفته
وعندي سؤال آخر .. هل تعرفين أسعار هذه الأشياء تقريبا ، يعني مثلا : القهوة العمانية يترواح سعرها بين كذا وكذا
أو الخنجر أو الدشاديش ... الخ
فإذا عندك معرفة ببعضها فلا تبخلي علينا بارك الله فيك

بالنسبة للأسعار :
(1) الحلوى يعتمد عالجودة وفي عدة انواع من الحلوى تبدأ من 3 ريالات حلو ولذيذة الى 500 ريال واكثر اذا مب غلطانة , يعني اول ما توصل لمحل الحلوى بتتذوق الحلوى الي موجود عندهم , ومن بعدين تأخذ الي يعجبك
(2) البخور نشتري من الحريم الي يسونه في البيت لأنه احلى وافضل ويختلف الاسعار في الرخيص الى الغالي , اما اللبان فأكيد من صلالة
(3) اما الخنجر قيمتة بالضبط ما عندي فكرة يختلف من سعر لسعر في 300 الى 700 ريال عماني واكثر , الشباب والشياب ممكن يفيدوك اكثر بالسعر والجودة ,في سوق مطرح عندهم براويز مع الخنجر او المشغولات الفضية العمانية زينة للبيت تبدأ من 6 ريالات وفوق حلوين
(4) القهوة العمانية حسب الكيلو في ب 3 و 6 ريال عماني
(5) الدشداشة , الاغلبية عندنا يفصلون , تحصل جاهز من 5 ريال وفوق , اما الكمة تبدأ من 5 ريال وفوق اما الكمة العمانية الاصلية خياطة اليد ب 50 ريال عماني تقريبا , و المصر العماني نفس الشيء حسب الجودة
(6) العصا تحصلها ب 12 ريال عماني وممكن اقل
(7) العوال هو سمك القرش مجفف , اما القاشع هو سمك الصغير مجفف , اسعارة ما عندي فكرة
طبعا هالاسعار ممكن تحصل اقل بكثير , وكل ما كان جودتة اعلى اكيد بتكون اغلى

1. شكلي وأنا رايح صلالة باخذ لأبو حازم مهياوة وطريح

Munati
(1) الحلوى يعتمد عالجودة وفي عدة انواع من الحلوى تبدأ من 3 ريالات حلو ولذيذة الى 500 ريال واكثر اذا مب غلطانة , يعني اول ما توصل لمحل الحلوى بتتذوق الحلوى الي موجود عندهم , ومن بعدين تأخذ الي يعجبك
(2) البخور نشتري من الحريم الي يسونه في البيت لأنه احلى وافضل ويختلف الاسعار في الرخيص الى الغالي , اما اللبان فأكيد من صلالة
(3) اما الخنجر قيمتة بالضبط ما عندي فكرة يختلف من سعر لسعر في 300 الى 700 ريال عماني واكثر , الشباب والشياب ممكن يفيدوك اكثر بالسعر والجودة ,في سوق مطرح عندهم براويز مع الخنجر او المشغولات الفضية العمانية زينة للبيت تبدأ من 6 ريالات وفوق حلوين
(4) القهوة العمانية حسب الكيلو في ب 3 و 6 ريال عماني
(5) الدشداشة , الاغلبية عندنا يفصلون , تحصل جاهز من 5 ريال وفوق , اما الكمة تبدأ من 5 ريال وفوق اما الكمة العمانية الاصلية خياطة اليد ب 50 ريال عماني تقريبا , و المصر العماني نفس الشيء حسب الجودة
(6) العصا تحصلها ب 12 ريال عماني وممكن اقل
(7) العوال هو سمك القرش مجفف , اما القاشع هو سمك الصغير مجفف , اسعارة ما عندي فكرة
طبعا هالاسعار ممكن تحصل اقل بكثير , وكل ما كان جودتة اعلى اكيد بتكون اغلى
أهلا بك اختي
أما الحلوى اللي سعرها 500 ريال هذي ذهب مو حلوى ههه
طيب والبخور كيف نوصل له ؟؟؟ دام انه عند الحريم ؟
يعني هل فيه مكان شعبي يبيعون فيه الحريم شغلهم اللي يسوونه بالبيوت ؟؟؟
وكم سعره اللي يسوونه الحريم ؟ يعني بين كم إلى كم ؟

• ووين يصير سوق مطرح ؟؟؟ في أي جهة بمسقط ؟
• أما اللبان من الصلالة فراح نتاجر فيه ، بنشتري منه للاستعمال والبيع

ولو لقينه بعد البخور بأسعار حلوه راح نتاجر فيه

• وبالنسبة للقهوة العمانية اش الفرق اللي بينها وبين القهوة الخليجية عموما السعودية والبحرينية ؟؟

هل هي فاتحة أو غامقة ، أو فيها هيل زيادة أو ايش ؟

• أما العوال والقاشع أنا ظنيته شيء تضرب فيه العيال تأدبهم فيه ههه

بس طلع سمك القرش والسمك الصغير ، أما سمك القرش عندنا بالبحرين نسميه ( ناعوض ) وكذلك ( يريور )
وعندنا أكله بالبحرين تصنع من سمك القرش الصغير نسميها ( القشود ) بس ينصح بها للتقوية والنشاط ..
والسمك الصغير نسميه ( عوم ) .. ويصنعون منه شيء يسمونه ( الطريح و المهياوة ) يأكلونه مع الخبز حلو مرة ..

شكلي وأنا رايح صلالة باخذ لأبو حازم مهياوة وطريح

• والعصا العمانية والله غالية ههه كلها عصا ليش ب 12 ريال عماني ؟ لابد أن نوع الخشب المستعمل فيها نوعية ممتازة درجة أولى ...
• وعلى فكرة أهل عمان يحبون يمشون بالعصا ، أما عندنا فالعصا للشيبان بس للحاجة إليها ..

أما أنا إن أخذت عصا ، فراحو فيها العيال مساكين ، فالعصا لمن عصا

• وبالنسبة للدشداشة العمانية ، راح أشتري لي واحدة جاهزة إن شاء الله ، لأن لا وقت عندي للتفصيل ..

والدشداشة سعرها 5 ريالات ، والكمه لحالها سعرها 5 ريالات ؟ وليش يبيعون كل شيء لحاله ؟؟؟
اختي الكريمة
شكرا لك على ردك واستفدت كثيرا
بارك الله فيك

الحلوى العمانيه , لومي صحار , علك لبان , عصي الخيزران

فعلا .. إضافة جيدة .. ليمون صحار
هو يصل لنا البحرين ويعرف ب ليمون عماني
هو على شكل دائري ، وليس بالكبير ، ويكون لونه أخضر ، وليس أصفر
أظن أن هذا ما تقصده أخي الكريم
ممكن ناخذ معنا كيس ليمون على البحرين ، لكن إذا كان طازج طبعا مقطوف من الشجر مباشرة ههه
لأن اللي بالأكياس من شهور موجود عندنا بالبحرين
شكرا لك على هذه المشاركة والإضافة
بارك الله فيك

ههه حلوة ذهب , غالية عشان المواد المستخدمة فيها غالية جدا جدا , في عدة انواع من الحلوى في بالزعفران , المسكرات , بالحليب , الهيل , .......الخ
اما البخور , الاغلب نأخذها من الحريم , يعني لازم تعرف احد من هنا عشان تقدر تشتري للأسف , يختلف الاسعار على حسب الجودة تبدأ من 5 ريالات الى 100 ريال عماني وفوق , عندنا عدة انواع من البخور العماني وهي الظفاري والصوري والبلوشي ....الخ
لكن تحصلها في مركز البهجة بمنطقة الموالح اسم المحل بخور زيانة + محل الديوانية في منطقة الخوير ---- هذول معمول في البيت وحلوين ,,,,
اما القهوة العمانية غير , احلى ومركز اكثر , اغمق , لها نكهات مختلفة مرة بالزعفران والهيل , واحلى شيء تشربها مع التمر والرطب والحلوى يمي يمي , بصراحة قهوتنا يعدل المزاج ( قوي ),,,,
بالنسبة للعوال تختلف التسمية عندنا من منطقة لمنطقة , وتسمى ايظا عندنا ( يريور )
اما العصا , اغلب شبابنا وشيابنا يمشون بالعصا في المناسبات والافراح والعزاء فقط , ومثل ما ذكرت ممكن تحصلها بأقل من 12 ريال عماني ...
للأسف ما نبيعهم مع بعض الدشداشة غير والكمة غير , لكن ممكن تنسق من حيث لون الكمة والدشداشة
, والكمة عندنا مقاسات حسب رأس الشخص
اما سوق و كورنيش مطرح , سوق قديم جدا وعريق , وكل شيء بتحصل فيها من خناجر وسيوف ومشغولات فظية و دشاديش وكميم والعصا او الخيزران .....الخ كل شيء يتعلق بالتراث
اي استفسار حاضرين

شكرا لك أختي مناتي على ردك الراقي ومعلوماتك الحلوة
استفدت كثيرا ودونت عندي أشياء كثيرة إن شاء الله سأستفيد منها عندما أصل عمان ..
ولازم أتقهوى بعمان وأمخمخ راسي قبل لا أروح البحرين ، وآخذ معاي كيس قهوة ، ودلة بعد
بارك الله فيك

وربي إنك فله يابو روان
هذرتك واجد بس فلة من جد فله
لك كم يوم تنبش فأهل عمان . . أهل الكرم والطيب . .
نشفت ريقهم بالأسئلة حسبي الله على ابليسك
تصدق عاد إني استفدت من أسئلتك
روح ادعس أنا توني أسخن
موفق يالغلا