ياغالي شلون ماعجبتك الديره
لاني بروح لها ياغالي قريب
ولاتخاف راح يحققون معك تحقيق عادي

مو سالفة عجبتني او لا
لكن انا اشوف انها ماتستاهل المخاطرة
وبالنسبة للتحقيق العسكري صاحبي يقول انهم متشددين هالكم يوم ويعطون منع لسنة وغرامة ضخمة
الله يستر عاد انا ما اقدر اتحمل بدون ماسافر

كان بالامكان افضل مما كان شخصيا لامشكله لدي ولله الحمد ولي اكثر من عشر سنوات اسافر لتاي ومادام الصحه موجوده ماراح اتخلى عن هالبلد الاكثر من رائع واتمنى اعادة النظر بقرار المنع لان اللي شفنا في تاي من تعامل رائع وامن واسعار واحترام للسائح السعودي يخلينا نوجه نداءات باستمرار لرفع الحضر برغم اني شخصيا مرتاح من عدم كثرة ربعنا اللي بصراحه مايرحون ديرة الا .....
الله يوفقك اخوي واتوقع تعهد وخمسمية ريال وسافر يارجال ماعندك مشكله خمس سنوات تصير فيها علوم

احترم وجهة نظرك !
ولكن صدقني من اراد ان يكسب الجميل سيضحي
ولكن ...!!!
كل الود

بلغني شخص موثوق جدا
انه بعد التحقيق راح يدفعونك غرامه 5 الاف غالبا
ومو 500

الله يعينك
أبلغ "الرياض" اللواء صالح الخضير مدير عام جوازات منطقة الرياض ان السفر الى تايلاند يعد مخالفة ويتم من خلالها تحويل المسافر بعد قدومه وفي حالة رغبته لتجديد جوازه الى لجنة مختصة للنظر في الأسباب التي دفعته الى ذلك ومن ثم يتم عليها تحديد اصدار العقوبات المقررة بناء على جواز السفر.
واضاف الخضير الى ان العقوبة تتراوح من المنع من السفر بمدة لا تزيد عن ثلاث سنوات وغرامة مالية لا تتجاوز 5آلاف ريال.
مشدداً على ان الغرف التجارية في جميع مناطق المملكة هي المخولة بإصدار تصاريح السفر لرجال الاعمال وهم الاشخاص المسموح لهم فقط.
رئيس مجموعة الطيار للسفر والسياحة د. ناصر الطيار قال: ليس لدينا قائمة لدول يمنع سفر السعوديين اليها والتي من المفترض ان يتم الاعلان عنها وحصرها وتنبيه المسافرين ومكاتب السفر والسياحة.
ويقول مهيدب المهيدب رئيس لجنة وكلاء السفر والسياحة بغرفة الرياض: اننا لم يردنا اي منع رسمي بمنع سفر السعوديين لأي دولة لذلك وضعنا برامجنا السياحية ونتمنى ان يكون لدينا ايضاح يمكننا من ارشاد المسافرين.

الي حصل معي كالتالي
رحت السبت ودخلوني غرفة فيها ضباط وتحقيق
وقالي واحد انت ماتعرف ان السفر لتايلند ممنوع ومن هالكلام
المهم صكوني منع سنتين مع غرامة 2500 ريال
والله ياجماعة مصدوم ومخنوق
من بعد ماكنت اسافر 3 مرات بالسنة صرت ماعاد اقدر اطلع
بعد ماطلعت كلمت ناس واسطات عسى انهم يشوفونلي واسطة
لكن مافيه فايدة وهالأمر متشددين فيه
بالنسبة للي يقول انا اعرف عسكري بالجوازات فعلا العسكري يقدر انه يمشيك
لكن يعرض نفسه للفصل او النقل لمنافذ حدودية
لابارك الله بتايلند وساعتها

للأسف كنت مخطط للسفر لايطاليا بعد كم يوم وكنت انتظر تجديد الجواز عشان اطلع فيزا شنغن
لكن مالي بالطيب نصيب

السلام عليكم
لعلها خيرة لك
يمكن الله اراد بك خير في هالمنع و كفاك شر عظيم
في هالفتره حاول تشيك علي المواقع السياحيه بالطايف و ابها
بالتوفيق إن شاء الله