هلا وغلا فيج اختي ام وهبي
صدقتي اختي بلا شك ان القيادة في اوروبا امتع واجمل واريح من القطارات والباصات
عليج الله يسلمج بمواقع السيارات العالمية
مثل http://www.sixt.com
او غيرها تجدينها في هذا الرابط https://artravelers.com/p/re/66398
واهم شي في اوروبا السيارة تكون فيها احد هاذين الشرطين :
1- تكون ديزل ،، لانه اوفر من البترول لأنه جدا غالي عندهم مو مثلنا الله يديم النعمه
2- يكون فيها جهاز الملاحة - النفقيشن - لمعرفة الطرق والاماكن حسب الرغبة

um wahaby
و عليكم السلام
انا الآن في ايطاليا و اتنقل احيانا بالسيارة و احيانا بالقطار و احيانا بالباص
اكثر مايمتعنى القطار و اكثر ما يجعلني اشعر بالملل هو الباص
السيارة ممتعة لمن يحب مشاهدة المناظر و التوقف عندما يريد و السير عندما يريد
وهي مريحة جدا من ناحية الشنط و الامتعة فهي تغني عن حملها و ارجاعها عند تغيير القطار او غيرها
لكن لو كان برنامج الرحلة على سبيل المثال
من روما الى فلورانسا
فان مدة الرحلة بالقطار قصيرة و لا يحتاج الى تغيير قطار
و كذلك الحال من فلورانسا الى بيزا او من فلورانسا الى فينيسيا و من فينيسيا الى ميلانو و هكذا

انا استأجرت سيارة في إيطاليا لمدة 3 ايام انواع الفله شيء رائع امشي متى مابغيت واوقف على كيفي
بس اسوق وانا خايف اصدم احد خ يعني خويي هو الي يتفرج وماخذ راحته وانا مركز على السواقه

إنتعاش
الاخ/ انتعاش
اذا عندك خلفيه توضح لي هالمسأله لاني والله احترت فيها ، حتى بعد اتصالي بشركة سكست في قطر لايضاح الامر ، زادوا الطين بله .
لذا اتمنى ان توضح لي اياها اذا كانت لديك المعرفه حيالها وهي :
انظر الصوره :

فانا اريد معرفة الفرق بين التامين الشامل والخاص ، في موقع سكست .
هل معناه كما هو عندنا في قطر تامين شامل وتامين ضد الغير .
لان الاخوان في شركة سكست في قطر قالوا لا ، ما هو كذا ؟
ياليت التوضيح ، سواء انت او اي عضو من الاعضاء .

إنتعاش
مشكوره حبيبتي ماقصرتي .............. بس بالنسبه للنافوقيتر هل استخدامه سهل وهل اقدر استاجره مع السياره ولا شلون الطريقه... انا عندي واحد بالبيت بس ما اعرف استخدمه ... بس اللي عندي قديم وابي واحد فيه خرايط تفصيليه ... افيدوني بليز

و عليكم السلام
انا الآن في ايطاليا و اتنقل احيانا بالسيارة و احيانا بالقطار و احيانا بالباص
اكثر مايمتعنى القطار و اكثر ما يجعلني اشعر بالملل هو الباص
السيارة ممتعة لمن يحب مشاهدة المناظر و التوقف عندما يريد و السير عندما يريد
وهي مريحة جدا من ناحية الشنط و الامتعة فهي تغني عن حملها و ارجاعها عند تغيير القطار او غيرها
لكن لو كان برنامج الرحلة على سبيل المثال
من روما الى فلورانسا
فان مدة الرحلة بالقطار قصيرة و لا يحتاج الى تغيير قطار
و كذلك الحال من فلورانسا الى بيزا او من فلورانسا الى فينيسيا و من فينيسيا الى ميلانو و هكذا[/Q
ايطالي مشكور ماقصرت .... انا مخططه برنامج رحله من روما صعودا الى ميلانو ويمكن منها الى ميونخ يعني تقريبا كل يومين بمنطقه (روما , بيزا, فلورنساو امالفي , جاردا , فينيسا, وميلانو) يعني اشوف ان السياره احسن بس خايفه مادري ليش ... انا وزوجي جربنا السياره باسبانيا وكانت جدا ممتعه ... بس ايطاليا احس انها غير

اختي انتعاش مشكوره على التوضيح ...... وبعد انا عندي توضيح صغيير
انا ام وهابي ( عبد الوهاب )

الاخ مبدع ............ انا اكيد راح استمتع بالرحله لان زوجي اهوو اللي بسوق خ
بس هم اهوو يستمتع بالقياده بعد .... ووايد عاجبته الفكره .... واحنا جربنا استاجرنا سياره باسبانيا طول الرحله وكانت جدا رحله ممتعه ..... بس كان فيها عيب واحد .... ان احنا كنا حاجزين طول الفتره بفندق واحد .... فكنا نسافر ونرجع بنفس اليوم .... كانت متعبه شوي بس والله استانسنا وايد .... عاد هالمره بنحجز كل يومين بفندق على حسب خط الرحله ..... واذا عندك راي ثاني الحقني فيه

اخوي رجل شرقي : يفداك الكذب ما عندي علم بخصوص التأمين اللي انت ذكرته . .
ان شاءالله يفيدونا الاخوان الموجودين اكثر . .
اختي ام وهبي : اي نعم اختي سهل اختي ويعلمونج عليه قبل لا تسوقين السيارة المفروض
واسهل نفقيشن موجود اعتقد هو لل بي ام دبليو او الاودي . . .
وايضا مال المرسيدس مش بطال حلو . .
هذا اللي يجي مع السيارة اساسا ً . .
لكن بعض الناس يشترون الجهاز من نفسهم
من ماركة جارمن garmin اعتقد هذا اسمها بالانجليزي
ويركبونه على السيارة فوق الطبلون ويمشي الحال . .
اختي ام وهبي اكيد زوجج عنده فكره عن النفقيشن اكثر ..
وبالنسبة لمسار رحلتج اقتراحي لج تكون بهالترتيب :
1- روما
2- امالفي
3- فلورانس
4- بيزا
5- فينسيا
6- قاردا
7- ميلانو