تقع في Knightsbridge, London SW1
اشويه بعيده عن اجورد رود وكسفورد تركبين باص اسرع
الموقع يمكن يفيدج
http://www.apartment-hotels.com/view_property.php?apartID=22

السلام عليكم
هلا وغلا وردة التوليب
بعدكم ماأستقريتوا على شقه !!
شوفي طال عمرج ..الشقه هذي موقعها قريب من هارودز وهارفي نيكولز ..ومكانها في منطقة النايتس بريدج الي تعتبر المنطقه الأفضل للسكن حق أخوانا اهل الإمارات
والهايدبارك قريبه من الشقه ..
عيبها الوحيد انها غاليه
واسمها cheval apartment
كم عددكم ؟؟
واي خدمه احنا في الخدمه

اخوي القطري و بعد اذن اختي وردة التوليب
حتى احنا للحين ما لقينا شقه مو ما استقرينا لدرجة اني بديت احس بخيبة امل من الرحله قبل الوصول!
للاسف الحصول على شقه في لندن صعب جدا و هالشي نعاني منه من اكثر من 30 سنه اما غاليه جدا او مو نظيفه
و اما بعيده !

اختي الورده هالمنطقه الان اغلب الخليجين بدو يكثرون فيها ..
يعني لما رحت العيد كنت اشوف اغلبهم هناك .. لدرجة ان اشوفهم هناك اكثر من اكسفورد .. والخ .!!
والمنطقه بصراحه حلووه ..وراايقه بس عيبها الوحيد الكفيات والمطاعم فيها تقفل بدري .. حوالي 6 المساء
عموماً.. في كل الاحوال ماهي ببعيده كثير عن الاكسفورد ...وهييك .. يعني بالباص خمس دقايق بالكثير ..
انصحك فيها والله يوفقك (( اقصد المنطقه )) لان مالي اي خبره بالشقق

ملح الرياض
السلام عليكم
هلا وغلا ملح الرياض
متى رايحين وكم عددكم والشقه كم غرفه تبونها !
وفالكم طيب

و عليكم السلام اخوي القطري نفس ما قلت لأخوي المزعج
احنا عائلة 5 اشخاص نبي شقه غرفتين و حمامين ان حصل تكرم
و الرحلة باذن الله من 20 نوفمبر الى 4 ديسبمر ان شاء الله

تم الرد :8888:
ولكن هناك

هلا اخوي القطري
ياريت اذا تعرف شقة نظيفة وتكون غرفتين وحمامين وحنا ثلاث اشخاص والتاريخ 26 نوفمبر والعودة 3 ديسمبر
وموقعها في الاكسفورد قريب من الكمبر لاند
وفيه واحد في لندن ناصحني بشقة بالاجواررود بس انا خايف منها عشان الاكراد
شاكر لك
تحياتي

اخواني القطري ملح الرياض دموع الحزن غير الناس
شكرا وجزاكم الله خير على المساعدة
اخوي القطري ممكن شوية اسأله احنا 6كبار وطفلين
1- هل المقع ضروري يعني الاحسن نسكن جنب الآكسفورد والناس شو تسوي بليل علشان ما نمل ؟؟
2- هل في بنفس مستوى الجيفل بس قريبة من الاكسفورد؟؟
3- وشو المواقع اللي لازم تكون قريبة منا كعايلة؟؟
4- الويست اند احسن يعني بالنسبة للموقع ؟؟ وهل نظافتها حلوه؟؟
5- احنا عايلة واطفال علشان جيه ما نبي نستخدم تاكسي فشو البديل ؟؟
وشكرا جزاك الله الف خير والله تعبناك ونفسنا نفرحك ونقول حجزنا شكرا والله