الحنونه
20-09-2022 - 06:26 pm
السلام عليكم
تعبت و عجزت وانا ادور النت مالقيت شقه مسموح التدخين فيها
اخوي يبي يروح لندن وهو مدخن و مايبي يجلس بفندق يبي شقه عشان يطبخ و ياخذ راحته
المهم الله يعطيكم عافيه ابي شقه بوسط لندن يعني مايحتاج بعد يستخدم مترو ولا شي خليه
يضعف اكثر مما هو ضعيف
الله يعطيكمالعافيه ترا هو مسافر بعد العيد وانا خلاص تعبت والكمبيوتر يقولي ضفي وجهج شبعت من مقابلج عاد انتوا فكوا الكمبيوتر واقتروحوا علي شي ينفع
ماخلصت استنوا شوي
الله يعطيكم عافيه هو مريض (عنده البروستات والمسالك البوليه ) يعني ابي مستشفى عياده اهم شي دكتور فلته ....
تشكرات لكم
مرحبا أختي ..
الله يشفي أخوج ويبعد عنه التدخين ..
بالنسبه للشقه هل أتكون في اكسفورد وادجول رود مثلاً !!
او قريبه من المستشفى !!
وبالنسبه للعياده فالأفضل أنكم اتنسقون مع المكتب الطبي الي يتبع دولتكم ..
وأنتظر ردج بخصوص الشقق !!
مع العلم أن اغلب الخليجيين يسكنون أول يومين في فندق عشان ايشوفون الشقه بعيونهم لأن الشقق عندهم صغيره وبعضها النظافه يعني مش ذاك الزود ..
وأي خدمه أحنا في الخدمه ..