عزيزي انا من الرياض ومواليد وتربية الكويت والين يومك شيباني بالكويت,,,,انا اروح طال عمرك للكويت عن طريق حفر الباطن..يعني الطريق واسع وشرح واقرب من طريق الخفجي بأكثر من 70 كيلو تقريبا...وطريق الدمام طال عمرك مخربه ابو حدريه سايد واحد وشاحنات وتريلات..الا اذا ناوي تريح بالبحرين ولا بالشرقيه وبعدين تحرك اليوم الثاني هذا موضوع ثاني.والمسافه عزيزي من الرياض الين حفر الباطن اذا ماخاب ظني 650 الين 700 ومن الحفر الين الحد الكويتي 90 كيلو ومن الحد الكويتي الين اول منطقه تقابلك (الجهراء) 55 كيلو ومن الجهراء الين العاصمه 30 تقريبا..اصلا من توصل الجهرا خلاص دخلت الكويت.ثلاث ارباع الخط سايدين الين ال 90 كيلو اللي من الحفر الين الجوازات السعوديه خط واحد بس مريح جدا وواسع...احسن كثير من ابو حدريه....وتحياتي.

مشكور حبيبي Bon Voyaje وماقصرت ويعطيك 1000 عافيه 0

هل أفضل طريق للحفر مع طريق المجمعه ولا وين ؟

والله حبايبي المجمعه هو اللي يودي للحفر....وبأمكانك تتجاوز مرور المجمعه....وانت بطريف القصيم شوف ماذكر بالضبط بس اعتقد مخرج المجمعه مكتوب حفر الباطن يسار(وانت موجه للقصيم) وانت راجع للرياض يكون يمين.ومن تاخذ هالمخرج ان شاءالله مهوب رادك الا الكويت.

جربت الطريقين وأمس جيت من الكويت
الذهاب كان مع طريق المجمعه حفر الباطن الرقعي الكويت
العوده كانت مع طريق الخفجي الجبيل الدمام الرياض
وحسب العداد
طريق الرياض حفر الباطن أقرب ب 85 كيلو وأغلبه (80%) سيدين سريع
طريق الخفجي عيبه الطريق محفر وسيء وكثبان رمليه ونفس الشي الطريق سيدين تقريباً (80%)