أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
عندي استفسار
ابي اعرف لو انا في لندن .. شلون اقدر اروح ل يورو ديزني ..؟؟
ابي طريقة المواصلات
وشلون الحجز ؟
وكم التكلفة للشخص الواحد
وهل بيوصلوني لنفس منطقة يورو ديزني
قطريه ^.^
رحلة موفقة ان شاء الله
اهم شيء تتاكدين الغالية من صلاحية فيزا فرنسا عندك
ثاني شيء اول ماتوصلون لندن وتريحون وتحددون وقت روحكتكم باريس
وهل سفرة باريس فقط يوم من الصبح الى بالليل وترجعون لندن
او انكم بتكملون في باريس ومنها على الدوحة
عشان تقدرين تحددون تحجزون تذكرة لندن باريس - باريس لندن
المهم الغالية نصيحة انك تاخذين تاكسي وترحون شخصيا لمحطة القطار اللي يطلع منها اليوروستار
st- pancras على فكرة هي قريبة من الاكسفور يعني مع الزحمة تاخذون ربع ساعة في الطريق
وانصحك تحجزين عن طريق المحطة مباشرة لان تكون في عروض افضل مش متوفرة في النت
على موقع اليورو ستار وباسعار ارخص جدا على الدرجة الاولى طبعا تختارين المكان والموعد
واهم شيء لاتنسين تختارين وجبة اكل حلال (ونصيحة اختاري نباتي احلى شيء عندهم)
طبعا انا انصحك تشوفين قبل المواعيد من موقع اليور نفسة عشان تختارين
على فكرةالقطار يتوقف في محطة Gare du Nord في باريس
وهذا موقع اليورستار نسيت ارفقة لك بالاول
http://www.eurostar.com/dynamic/index.jsp
وبخصوص المسافه من باريس الى ديزني لاند تقريبا 45 دقيقه بالقطار
والسياره تقريبا نفس المسافه (انا عن نفسي على طول اروح بسيارة خاصة ماقد جربت القطار لديزني)
والتفاصيل بالقطار كالتالي: (مثل ماقريتها في رد لا احد الاخوة )
اذا كنت بالشانز من محطة (CHARLES de etoile)تحت قوس النصر
تاخذ قطار خط احمر اسمه(RER A)الى ديزني لاند والعوده نفس الخط
رحله سعيده واتمنى تروحلها ايام عاديه ولا تفكر بالسبت والاحد والاربعاء لانه زحمه
وعن تجربة الباصات اللي تروح ديزني شوفي هذا الرابط ممكن يفيد بشيء
http://www.vea.fr/uk/infos-lignes.asp
الباصات هذي تابعة لشركة ديزني موجودة بس في مطار شارل ديقول واورولي للعلم فقط
وهذا موقع ديزني العروض اللي عندهم
http://offers.disneylandparis.co.uk/special-offers/lm-offer-get-xxoff.xhtml?
شوفي اختي انا في الصيف طلعت من لندن على يورو دزني لمدة 3 ليالي
وكانت كل حجوزاتي عن طريق اليورو ستار عن طريقهم حجزت غرفه عائليه في فندق دزبي لاند وكنا 2 بالغين و3 اطفال
وكان حجزنا مع الافطار وتذاكر القطار للمحطه الخاصه في دزني لاند ( تنزلين تمشين برجلك من المحطه الى الفندق ما يحتاج سياره ولا باص
وكان من ظمن الحجز تذاكر الدخول الي مدينة دزني للالعاب لكل المده اللي جلسناها+ 6 تذاكر الفاست باس (هذي تذاكر تستعملينها في وقت الزحمه عشان ما توقفين في الطابور وتنتظرين كثير )بس مو لكل الالعاب لبعضها
كانت الغرفه واسه فيها سريرين كبار يضمن شخصين وسرير اضافي للرضيع .....زوحمام اكرمكم الله واسع بس كا الفندق نظيف جدا
سعر الحجز للفندق كان 1800 باوند وسعر التذاكر على القطار 600 باوند او اقل شوي وكانت تذاكر درجه اولى والقطار له كم رحله في اليوم انا رحت على رحلة الظهر
مدة الرحله ساعه و20 دقيقه
موفقه عزيزتي
واتمنى اني اكون افدتج
مرحبا اختي انا انشالله بجي من قطر على لندن بعد 3 ايام وبنروح لديزني اخر يناير بس اللي سمعته ان في قطارات دايركت حق ديزني من غير ماتوقف في باريس احسن لج دام وياج يهال وبعد كل ماحجزتي بدري يكون سعر التذكره اقل وعلى فكره محطة قطارات ديزني اسمها ( مارن لا فالي ) وتوصلج في وسط ديزني يعني اول ماتطلعين تشوفين الدنيا جدام عيونج وبالتوفيق حبيبتي وانشالله تستانسون
