الأخوة المشرفين والأخوة الأعضاء:
السلام عليكم،
حلم حياتي زيارة سويسرا بالرغم من أني قد سبق وأن زرت زويرخ، ومنذ العام الماضي وأنا أنوي السفر وإن شاء الله تتسهل هذي السنة. حجزت السفر ( أنا وزوجي وولدي) في 21/6 لباريس، ليلتين في الديزني فندق الماجيك سيركس وليلتين في باريس لزوم التسوق بس مابعد لقيت فندق ومن ثم السفر لجنيف والسكن فيها لمدة 8 أيام ( فندق Tor ) بحيث إننا كل يوم نزور مكان ونرجع ( انسي، شومني، مونترو ، لوزان ......) لأن بصراحة السكن كل ليلتين في مكان متعب علما بأننا بنستخدم القطارات والمواصلات العامة، والرجعة بتاريخ 3/7.
أسئلتي كالتالي:
وشرايكم بتقسيم الأيام ؟
وشرايكم بالسكن بجنيف بصراحة الناس خوفوني يقولون إن جنيف تخوف وفيها سرقات كثيرة والأفضل السكن على البحيرة مثل فندق Ambassder أو السكن في مدينة ثانية ؟
إذا أفضل مدينة ثانية وش ترشحون مونترو ولا لوزان ؟
وشرايكم في فندق Tor من حيث الموقع والأمان ؟
ردوا علي الله يجزاكم خير علشان أقدر أكمل حجوزاتي وأدخل الجوازات للسفارة.
ألف شكر