السلام عليكم
هلا وغلا الغالي
1- فيه مواقف كثيره تقدر اتوقف السياره وتتمشى ولكن تأكد من عداد الموقف ..
2- افضل وقت انكم اتروحون الصباح بدري ..يعني الساعه 9 طالعين من الفندق لأنه لين توصلون القمه يبيلكم ساعتين تقريباً وبعدها استمتعوا فوق بالثلج
واي خدمه احنا في الخدمه

تسلم اخي القطري ماقصرت
بس مابي مواقف ذو وقت محدد ابي شي مفتوح والين اخلص اجي ادفع لهم

اذكر وقفت السياره عند موقف مفتوح قريب من مكان الأسد النائم ..
لاأتحاتي دام القارمن معك
راح اتلاقي واجد ان شاءالله ..
المواقف المحدوده راح اتلاقيها عند الجسر الخشبي فلاأتوقف هناك

فيه موقف تحت سوبرماركت كبير نسيت اسمه ابحث عنه بخريطه المدينه وعلى فكره قريب من الاسد النائم تقدر تروحله
مشي وبرضه الجسر الخشبي والاسواق المحيطه فيها كلها مشي
وبالنسبه للقمه تابع القناه اللي بالتلفزيون وبتعرف اي يوم افضل ومافي عواصف او برد وبرضه ممكن الانفورميشن
يفيدونك وبرضه الاوتيل طبعا يشوفون موقع بالنت ويفيدونك بافضل وقت لزياره القمه
وخصص يوم كامل لزيارتها والتمتع بها من الصباح بدري يعني من 8 او 9 الصباح
ولاتنسى تاخذ غيار ثاني اذا عندك اطفال خاصه الجوانتي لانها بتكون مبلله من اللعب بالثلج

تجنب ايام السبت والاحد في الصعود الى القمه بسب الزحمه

بالنسبة للموقف حق لوزيرن
انسب موقف بوجهة نظري هو موقف سوبر ماركت كوب
وميزتة لة مخرجين مختلفين
واذا انت ساكن في احد الفنادق القريبة مايحتاج السيارة خلها بالفندق احسن وذلك( للاقتصاد)
لان السيارة بالمواقف تكلفة مش بسيطة
واذا كان فندقك بعيد على المشي اخذ من الفندق بطاقة مجانية حق الباص الي وديك لسنتر
وهذا (( آوفر ))
وريح نفسك من الموقف وتكلفته وعذابه في بعض الاوقات وذلك لزحمة

شكر خاص لكل من اجابني
بس ياخوان تقولون تجنب زيارة السبت والاحد للقمة بسبب الزحمة
طبعا انا كانت مخططي الاحد لانه كثل هاليوم مافية اي نشاط يمكن اسويه وعلى مانعرف انه اكثر الاماكن مقفله فهي فرصه لزيارة القمة.
وسؤالي الثاني هل هناك درجه اولى بالقطار المتوجهه للقمة وما ميزة الدرجه الاولى عن الثانية.
متى احجز القطار قبل الرحلة بيوم ولا بنفس يوم الرحلة؟.