الجو في لندن شهر 10 يميل للبرودة ، يعني يحتاج تلبسين شوي ثقيل ، أما أسكوتلاندا فباردة باردة ، أنت ما حددت المدينة ، أنا أقدر أفيدج عن مدينة أبردين ، أسواقها يعني موب لين هناك ، لأن أهل البلد موب أغنياء ... بس أهلها طيبين ، فنادقها ما أعرفها لأني سكنت فيها في بيت .

السلام عليكم
حياك الله اختي بين اخوانك
وتروحون وترجعون بالسلامة يارب
أبجاوب على الاسئلة اللي أعرفها ..
2) حابة أقعد في لندن وبعدين أروح أسكتلندة 4 أيام شرايكم فيها
أسكتلندا رائعة جداً وشعبها طيب .. تستاهل في نظري أكثر من 4 ايام .. وزوري هالبلد راح تنبسطين
3) هل أسكتلندة سياحية وتسوى 4 أيام وشنو فندق زين يكون قريب داخل السنتر بمنطقة الأسواق
ايه نعم اسكتلندا سياحة وبلد رائع في شهر اغسطس فيه مهرجانات على مستوى عالي .. مدينة أدنبره ومدينة قلاسكو هي الوجهات السياحية المقصودة لدى السياح في اسكتلندا .. افضّل تسكنون في ادنبره عند شارع البرنسيس لانه هو السنتر في المدينة .. اما قلاسقو ما سكنت فيها لكن مريتها واعجبت فيها وحاب ارجع ازورها ..
4) شنو أهم شيء في أسكتلندة نروح له غير الأسواق وكم المسافة بالطيارة من لندن حتى أسكتلندة
قلاسكو هي مدينة التسوق في اسكتلندا .. وانا من رأيي انكم ماتفوتون رحلة للبحيرات القريبة من قلاسكو .. لازم لازم تروحون بحيرة لوخ لومند وانا سويت تقرير فيها على هذا الرابط ..
https://artravelers.com/p/re/314589
اما المسافة من لندن الى أدنبره بالطيارة حوالي ساعة وربع .. أما بالقطار فهي اربع ساعات ونصف..
اتمنى اني افدتك في بعض الشئ

hp 3
بصراحة شرحك مكفي وموفي وكافي التجاوب السريع وعندي بعد سؤال إشرايك في مانشستر هل تسوى أقعد فيها 3 أيام وبعدين أروح لندن لأن موعارفة ضايعة أخطط رحلتي ودي أروح أسكتلندة(جلاسكو) بعدين مانشستر وعقبها لندن ومخوفني البرد لأن يقولون لي وايد وايد برد إذا في تخطيط أحسن من شذي ياريت أعرفه مع فندق في السنتر في كل منطقة
وشكرا
وردة الكويت

بصراحة شرحك مكفي وموفي وكافي التجاوب السريع وعندي بعد سؤال إشرايك في مانشستر هل تسوى أقعد فيها 3 أيام وبعدين أروح لندن لأن موعارفة ضايعة أخطط رحلتي ودي أروح أسكتلندة(جلاسكو) بعدين مانشستر وعقبها لندن ومخوفني البرد لأن يقولون لي وايد وايد برد إذا في تخطيط أحسن من شذي ياريت أعرفه مع فندق في السنتر في كل منطقة
الله يسلمك والله اختي وهذا واجبي والله
والله مانشستر كنت ناوي أروح لها .. لكن ماكتب الله اروح لها فما اقدر اجاوبك واعطيك معلومات عنها ..
لكن انا من رأيي انك تروحين لندن تجلسين فيها 5 ايام والسكن فيه فنادق كثيره في السنتر مثل هيلتون الاجور رود .. والثيتسل ماربل آرش .. والكمبرلاند .. هذا في لندن ..
وبعدين تاخذون قطار وتروحون قلاسكو تجلسون فيها 4 ايام تستكشفون المدينة والبحيرات الحلوة اللي قريبها منها .. مالي علم والله في فنادق قلاسكو لاني ماجلست فيها ولا يوم واحد