روحي معك
أخي الفاضل حياك الله فى لندن والله الجو برد قوي جدا بس روعه مو مثل بردنا
يدخل بالعظم لا برد حلو وإذا دخلت أى مجمع او الفندق أو الشقه مشغلين التدفئه
والحين الشوارع أكسفورد وبكادلى حاطين زينه للأحتفال بالكريسمس
ومافى سياحه يعنى مافى مكاتب سياحيه
واى خدمه حاضرين

تحياتي لك اخينا الكرم
بس يعني كيف مافيه سياحه ومافيه مكاتب سياحيه ؟!! مافهمت ؟! هل يعني انا السياحه في لندن في الشتا مو حلوه ؟!!
انا سمعت انا الدنيا خيال هناك ومافي شيء يتغير عن الصيف غير انا لندن احلى واحلى ..
وبما انك اخوي هناك خليني استغل واسالك كم سؤال
انا راح اطلع من لندن الى مانشستر يوم 9 جانوري الى مانشستر هل تتوقع اني الاقي قطار يطلع وين اقرب محطه لي ؟
انا راح اسكن في فندق ايبي كورت جنب لانكستر هايد بارك ..... سمعت بهذا الفندق وهل تنصحني فيه ؟!
تعبتك معاي .. بس مانستغني عن خدماتكم .

روحي معك
بعد اذن الاخ المزعج احاول ارد على بعض الاسئلة
السفر من لندن الى مانشستر بواسطة القطار متوفرة قطارات كثيرة و تقدر تاخذه من محطة يوستن ستيشن Euston Station على ما اعتقد (او قد تكون محطة سان بانكراس القريبة من محطة يوستن)، لان هذه المحطتين متخصصتان بالرحلات الى شمال انكلترا.
إذا كنت راح تسكن قرب اللانكستر فالمنطقة جميلة و اكيد الفندق يكون جيد و جزء من الهايد بارك راح يصير قدام المنطقة اللي راح تسكن فيها و الاجور روود (شارع العرب كما يسميه البعض) يكون قريب 10 دقائق مشي
الجو هذه الايام جميل جداً في لندن مع برد خفيف و شمس جميلة. اما في شهر جانيوري فيكون ابرد شوي، بس مثل ما قال الاخ المزعج، البرد مسيطر عليه من خلال توفر التدفئة في كل المرافق و المحلات و المقاهي و غيرها.

روحي معك
بس يعني كيف مافيه سياحه ومافيه مكاتب سياحيه ؟!! مافهمت ؟! هل يعني انا السياحه في لندن في الشتا مو حلوه
أنا قصدي بالصيف فى رحلات مثل برايتن وبلاك بول وسفاري بارك ------وإلى الأخر
الحين المكاتب مسكره بس بالصيف

لندن من احمل واحلى العواصم في الشتاء وتختلف اختلاف كلي عن باقي المدن الاوربيه ،،،،بس ماتنسي تاكلي بيزا بالايطالي بالهاردز والباستا بالريشو واحذر من شارع العرب

ان شاء الله باكون موجود في لندن في تاريخ 31 12 2009 ولمده سبوع في عز البرد
ودايم احب اسافر لندن من كل سنه في هاذا الوقت

وناسه انا كل ما اسمع كلامكم عن لندن في البرد انبسط واتحمس
لندن حلوه مع مجموعه .. السنه الي طافت رحت لحالي 5 ايام نسيت حتى الكلام هاهاها
بس اخوي مو مشكله الرحلات
لندن لحالها رحله
راح اجهز الكوت والقفازات والقبعات والمظلات ويالله ياعيني

أشلونك أخوي الغالي https://artravelers.com بشرنا شنو صار معاك صارك غريب السنه أنت
والله لك وحشه أدري أنت الحين ماعرفتى بالنك هذا أنت كنت معانه فى بوابة العلاج بالخار-ج

اهلين اخوى العزيز روح الله يوفقك من اجمل السفرات الى لندن بعد الصيف شهر اكتوبر او قبل الكرسمس وشهر واحد حلو الكل موجود ولا فيه عطله ولا تقفيل المكاتب السياحيه موجوده واعتقد انت ما تحتاجها اخوى العزيز البرد مقدور عليه لا يعقدونك وليس مثل برد الشمال انجلترا يكون ابرد شوى لان كل ما تروح شمال ابرد بالنسبه الى الفندق مكانه من وصفك حلو الله يوفقك على العمموم انا دخلت على مشاركاتك طلعت اتموت فى لندن اى طلعت انسان طبيعى اعتقد اللى ما يموت فى لندن مو انسان طبيعى