السلام عليكم
انا عضو جديد في المنتدى واتمنى منكم مساعدتي
بأذن الله مسافر لندن او مره مع العائله
2بالغين وطفل
سؤالي ..كم المبلغ المسموح بحمله كاش لان ماعندي فيزا.. وهل بطاقة الصراف العاديه هناك شغاله تمام؟ خصوصا بنك سامبا والراجحي
وكم المبلغ التقريبي للصرف اليومي شامل الاكل والدخوليات والتنقلات؟
منتظر اجاباتكم جزاكم الله خير

جزاك الله خير اختي على سرعة تجاوبك
البطاقه اللي شريتيها تقصدين اويستر كارد؟
انا اتوقع باذن الله استخدم الباصات
كم سعرها وهل الاطفال لهم بطاقة مواصلات؟
طيب تنصحوني استخدم فيزا تسوق الراجحي خصوصا ان حروفها وارقامها مطبوعه؟ قصدي في المطاعم والاسواق..
انا خايف اشحنها واتوهق مايقبلونها

yup
اويستر بصراة مااعرف بالنسبة لسعر الاطفال انا اتذكر اربعين كامل لنا انا وزوجي وبنتي
الظاهر كذا لاني ولله نااسيه
انا استخدمت الاندرقراوند حسيته اسهل وزوجي حلف لو رحنا مايطبه علشان العربيه حقت بنتي تعبتنا
عاد لو رحنا ماني ماخذه عربيه لول
بالنسبة للبطاقه هذي اللي قلت حت البنك ماعندي خلفية
بس انا افضل كاش وفيزا

ماقصرتي والله الاندرقراوند مافكرت فيه ابد لنفس السبب عربية الطفل صعب تسحيبها فيه..
ومازلت محتار بخصوص فيزا الراجحي البنك يقول تمام وقريت اراء لاشخاص استخدموها ماطمنتني..

يحق لك ولله هو تعب انك تسحب بالعربية
بالنسبة للبطاقة شوف انا زوجي كان معه فيزا بس مااستخدمها احنا اخذنا كاش والحمد لله مااحتجنا نسحب
الا اخر ليله ومن القرادة اننا سحبنا
طبعا بطاقة الراجحي وكان فيه على حسب ماوضح لنا البنك يوم رجعنا عصابات لهم طريقة معينة
عموما حتى يوم يسحبون كان بعد يومين من رجعتنا وسحبوا اكثر من تة الاف ريال سعودي
للاسف البنك ماتفاعل بشكل جيد ولحد الحين فلوسنا مارجعت
عشان كذا انا اخذت درس مره ثانية كاش وفيزا
وانت استخير وشوف ربي وش يكتب لك
اتمنى لك رحلة سعيدة

اقترح عليك تطلع فيزه مشتريات تودع فيها المبلغ حتى ترتاح لان لندن الاماكن المزدحمه فيها نشالين ولاتحس بحركتهم ابدا
والميزانيه انت تحددها حسب صرفك لان في الرخيص زي الفاست فود وفي الغالي
ورحله ممتعه

جزاكم الله خير جميعا اختي لندنيه الفيزا اللي معي فيزا تسوق اللي اشحنها بالمبلغ اللي ابي بس خايف تنرفض هناك بس شكلي اباخذ كاش لكن هل فيه حد معين للمبلغ الكاش؟ او المبلغ مفتوح؟

عزيزي بالنسبة للبطاقة طلع تسوق واطلب انه تكون محفورة حفر مو طباعة .... وان شاء الله امورك تييسر !!

السلام عليكم . شوف اخوي ابو عبد العزيز بالنسبه للكاش عادي تشيل واذا اسالوك بالمطار قل معاي الف باوند وبالنسبه للبطاقات انا معاي فيزا الرياض والمستر كارد مافيه مشكله باي مكان احاسب فيها وبالنسبه للسحب انا دايما اسحب من الصرافات اللي بشارع اكسفورد بس انتبه لايكون احد وراك يعني انت اسحب والحرمه برج مراقبه ههه وانتبهوا من السرقات وبالذات اللي معهم عربيه ساعات حنا يالحريم نحط الشنطه بالعربيه وحصلت لي قبل كام سنه وماادري وشلون انشالت هي والفلوس وكل شيء والحمد لله على كل حال يعني المدام تنتبه لشنطتها وانت للمحفظه حقتك وبالتوفيق ان شاء الله