الكويتية28
04-02-2022 - 01:11 am
مرحبا شباب وبنات
شلونكم وشخباركم وشالدنيا فيكم ..
بالاول احب اسجل اعجابي بموقعكم الشامل لكل شي واللي يساعد كل شخص متوهق نفسي ..
ثانيا : حبايبي انا النية اسافر لندن شهر 5 سياحة وتسوق انا وريلي ( الله يعين الريال عالصرف )
بس محتارة بالفندق بين كمبرلاند و هلتون متروبول و تستل . فاي واحد ترشحون اسكن؟؟
وابي ولا عليكم امر الباصات شلون اركبها يقولون كل محطة لها رقم فاللي عندة خبرة ياريت يكتبلي الاسواق والارقام لكل سوق مهم بلندن عشان ما ضيع . ولا تقولولي الخريطة لاني ما فهمتها . فياريت ارقام كل باص ووين يودي .
بليز بليز بليز لا طنشوني فعشمي فيكم كبير وسفرتي كلها اسبوع وما ودي اضيع اي دقيقة فيهم .
ومشكورين مقدما ..
هلا وغلا اختي كويتيه
وحياكم الله بين اخوانكم وخواتكم وان شاءالله اتفيدون وتستفيدون
هيلتون في اخر ادجول رود ومن ناحية الموقع الكامبرلاند وثيستل ماربل ارتش افضل ..
المقارنه بين الكامبرلاند وثيستل ماربل ارتش :
الكامبرلاند حلو للي ايحب الفنادق الحديثه والعفش الحديث او المودرن ولكن عيبه الوحيد الغرف ضيقه واجد إلا إذا بتاخذون غرفه ديلوكس ..
ثيستل ماربل ارتش الغرف فيه وسيعه ومكانه حلو ورا الكامبرلاند وهذا المفضل عندنا ولكن عيبه العفش قديم ..
اما الباصات هالموضوع بيفيد ان شاءالله
https://artravelers.com/p/re/123793
لأن كل مكان له باصات مخصصه
واي خدمه احنا في الخدمه