مرحبا فيك
ومشكور
انا بجي لسوريا تقريباً 5 ايام
3 ايام دمشق
ويومين اللاذقيه
ابغا برنامج ترتبه لي لو سمحت

تسلم اخوي ويعطيك العافيه
شو الاماكن الحلوه بحلب وبالشام ؟؟ وتنصح بزيارتها ؟؟

فكرتك حلوة يالحبيب .. وكم تمنيت إني ألقى واحد مثلك يعتبر مرشد هناك
لكن ودي اتواصل معك ممكن ع الخاص ترسل لي إيميلك .. و .. أشكرك

1. انشالله وتجي تنبسط هون

اهلا كيفك

انشالله وتجي تنبسط هون

طبعا بحلب والشام في كتير محلات حلوة و عفكرة الواحد ما بلحق يشوف كلشي بهالمدة المهم
بالنسبة للاوتيلات اذا موحاجز الاتيلات هون نوعا غالية اذا كانت فخمة يعني باذا بدك نصيحتي ممكن بالشام تعود بفندق دمشق الدولي بالبحصة معروف او اذا بدك تعود بالكارلتون بالمزة و اذا بدك شي حلو وراقي في الفور سيزن بس بشي 400 دولار بالليلة
بحلب في بولمان الشهبا حلو بس غالي ممكن تعود بالبلانيت بنص البلد طبعا معروف هوي بالعزيزية
بالنسبة للاماكن طبعا بالشام في كتير اماكن طبعا هدا بيرجع لاهتمامتك يعني عندك الجامع الاموي حلو كتير وبيجوا السياح عليه كتير و في قبر يوحنا المعمدان اللي هوي الني يحيى و طبعا سوق الحميدية و خاصة انو مجدينو من حوالي شي 8 سنين و مسجد السيدة رقية شمالي الجامع الاموي والكنليس اللي تقع بباي شرقي قريبين من بهضهم وحلوين كتير هني الكنسية المريمية وكنيسة القديس بولس
طبعا بالليا على قاسيون اجباري بس ماتعود بالمطاعم ولا تشرب قهوة ولا شي اغلى من الشانزليزيه القهوة بحوالي 20 دولار يعني روح واتمتع لاتنسى تروح للشعلان والصالحية قريبين من بعضون وفي محل اسمو عالماشي بيعمل مناقيش ومعجنات بالشعلات بنهايتو تقريبا و هدا الشارع فيك تشتري منو تياب حلوة وخاصة انو في سيلات و ماركات مرتبه طبعا مو سينيه بس حلوة مرتبة و كمان ابو رمانة قريبة من الشعلان منطقة حلوة وهادية كتير و طبعا فيها مطاعم راقية وكافيهات حلوة انا بالنسبة لالي بحبها مع انو في ناس بشوفوها غالية و لاتنسى باب توما والقصاع مناطق مرتبة وحوة بس شبابية خاصة بالليل يعني بتشبه الجميزة ببيروت و في عندك مطاعم عطريق المطار حلوة كتير متل القرية والف ليلة وليلة كمان حلوين بالليل والحلو انو المناطق مو كتير بعيدة ومافي زحمة متل القاهرة مثلا
لاتنسى بلودان وخاصة انو في تبلفريك جديد حلو ماصرلو كم يوم وفي عندك صيدنيا هدول بيبعدو شي ساعة او اقل عن الشام في سرافيس وفي تكاسي طبعا اركب بتكاسي
اما بحلب فمنطقة العزيزية حلوة وفيها كافيهات ومطاعم راقية وموغالية متل دير القمر
قلعة حلب كتير حلوة وممكن زياراتا بالصبح و بتفطر ادام بمقهى القلعة مع انو بالاوتيل عالاغلب لح تسجل مع الفطور
والجامع الاموي بحلب
المطاعم ياريت تتقيد بهدول سحر الشرق الجراند هاوس نادي الضباط نادي المهندسين وفي عندك المطاعم اللي هي بيوت عربية بس للاسف مابعرف اسماءها بالاوتيل اكيد بيعرفو وين وشو الاحسن بكون في شي خمسة
طبعا في مول الشهبا بعيد شي نص ساعة عن حلب بس حلو كتير وفي ماركات و سينما و بتتسلى في مابعرف لايمتا بيفتح بنصحكم تروحوا الضهر
و التكاسي موغالي عالعداد طبعا زيدة شي عشر ليرات
الدولار تقريبا بساوي 46 ليرة سوري
ما منتعامل بس بالدولار باستثناء الاوتيلات يمكن بياخدو دولار وحصريا دولار
و بس بعتقد هيك منيح اذافي شي ممكن تسال
وطبعا هالعلومات لالك وللي عم يسال عن الشام وحلب واكيد اذا في حدا بيعرف بتمنى من الشباب او البنات يشاركونا رايكم
وباي

حبيبي اهلا وسهلا بس انا بجد معلوماتي على قدها
الشي التاني انا مو بالشام الشي التالت اي استفسار انت ابعتلي ايميلك وانا بحاول ساعدك
بس منوين حضرتك واسمك وابعت ايميلك

1. ممكن تطلع لبانوراما حرب تشرين بتشبه اللي بمصر و بتتسلى فيها


2. بس كتير حلوة وبتاخد صور هنيك


3. بس اذا بدك طبيعة و هدوء اطلع لبلودان

اهلا فيك ياريت تستفيد من المعلومات اللي التا للخ اللي جاية كمان لسوريا يعني انا بتمنى ساعدك ببعض المطاعم اخترلك الاماكن وانت شوف كيف بتنظم الامور
يعني الاوتيلات متل مالت اذا ما بدك تدفع كتير و تكون بنص البلد عندك اوتيل دمشق الدولي بالبحصة حوالي 80 دولار و في عندك اوتيل الشام و المريديان بحوالي 200 دولار لليلة كمان مرتبين وحلوين طبعا عنا مشكلة بعغلاء الاوتيلات وبماانو المدة موطويلة فبنصحك بالاوتيل احسن من الشقق
طبعا الفورسيزن كتير حلو و اريب من البلد و الشعلان و حلوة اطلالتو بس بشي 400 دولار كحد ادني
و اهم شي تخلي يوم لتطلع لبلودان خاصة الطقس حلو وتطلع للتيلفريك لانو اخيرا صار في تيلفريك بقولو اطالالتو حلوة وبسلي و طبعا بتتغدى هنيك و بالليل ممكن تروح لباب توما و باب شرقي و تسهر هنيك

ممكن تطلع لبانوراما حرب تشرين بتشبه اللي بمصر و بتتسلى فيها

لاتنسى تطلع للشعلان و الصالحية والحمرا اريبين من بعضهم و تاخدلك منقوشة من محل باخر الشعلان بس نسيت اسمو مافي غيرو كتير طيبة المناقيش عندو و قبالو محل اديداس ونيكست واذا بتحب اعملك شوبينغ حلوين التياب هنيك وماركات مرتبة هدا عدا انو ابو رمانة اريبة من الشعلان اسال هنيك وبسرعة بتندل كمان بتعود بشي كافي بابو رمانة ماضروري حددلك لانو كلون مرتبين و هنيك كمان في محلات اذا بتحب تشتري او معك حدا من عيلتك
اذا معك اطفال لازم تروح للهابي لاند اجباري
ممكن تطلع لصيدنا يا بدلا من بلودان اذا بتحب الاماكن الاثرية كتير حلوة واريبة شي ساعة عن الشام طبعا ماضروري بتكسي في باصات ماشي حالها تطلع لهنيك او سرافيس اذا من هواة المتعة

بس كتير حلوة وبتاخد صور هنيك

بس اذا بدك طبيعة و هدوء اطلع لبلودان

و عفكرة اجحز عن طريق مكتب انا طلعت لمصر عن طريق مكتب لح اعطيك رقمو اتفقنا هوي بشفلك الاوتيلات والحجز واسعارو مقبولة؟؟؟؟؟؟؟؟ممكن تبعتلي ايميلك ابعتلك الرقم طبعا انا مالي علاقة بيهم وممكن اعطيك اكتر من شركة
بالنسبة للادقية مابعرف غير انو شارع الاميركان حلو كتير بس خرج شباب مكن تتغدى باي كافي لانو كلون حلوين انا رايح لاكترون بس عنجد الاسماء ناسيون و في سبيرو لتاكل سمك طيب جمب الكازينو و ممكن تجحز بالاوتيل اللي للوليد بن طلال بيبعد بس 10 كيلو متر عن االبلد وحوالي شي 220 دولار او اقل بس منتجع كتير حلو و احسن من المريديان مع انو نفس السعر تقريبا
و اللادقية فيها كتير كنائس للزيارة و المناطق اريبة من بعضها بس كسياحة الشام بضل غير
يعني يومين بيكفوا بس بصراحة بجد مع انو رايح للادقية بس مو كسياحة فمابعرف كتير وعكل بحاول اسالك
بالنسبة للشام لح اعطيك اسم كم مطعم
القلعة باب توما
برجيس الدقاقين
تاج محل مقابل الفور سيزن
سيلينا الشام القديمة
هدول كتير حلوين وعندك القرية والف ليلة وليلة عطريق المطار خيلة
اذا بتحب ممكن اعطيك اسم كم شركة للحجز
و باي

الأخ https://artravelers.com
عرض الخدمات السياحية , وطلب الايميلات والارقام , هذا مخالف لقوانين المنتدى .
نكتفي بالتنبيه وإغلاق الموضوع لهذه المرة ..
المشرف