بريطانيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
alobaied
13-11-2022 - 02:59 am
السلام عليكم
السلام عليكم
أخواني فيزا الطالب الزائر هل هي سهلة ؟
وهل احتمال رفضها كبير ؟
نزلت الأوراق اللي مطلوب تعبئتهم طلعة 13 ورقة ولازم اكتب أسمه الأم ومواليدها والأب ومواليده وشغلات وايد
خايف ادفع للمعهد وأخذ القبول وادفع للتذكرة وبعدين يرفضون الفيزا ...


الدراسة في بريطانيا
التعليقات (9)
q8ya metnaqla
q8ya metnaqla
اذا انت بتروح شهر للمعهد اذا فيزا سياحية اما اذا اكثر طلع لك فيزة طالب وتاخذ معاك القبول من المعهد يعني اذا كنت بتقعد 3 اشهر لازم فيزة دراسة

alobaied
alobaied
يعطيج العافية أختي
بصراحة انا شفت 11 صفحة انصدمت ( منزلها من موقعهم بالانترنت )
أنا من الكويت وماادري هل موضوع الفيزا الدراسية سهل ؟


alobaied
alobaied
استفسار آخر عندج خبر عن المستندات المطلوبة او من وين أقدر اعرفها ؟
وإذا بروح كورس لغة هل احتاج كشف حساب إذا انا دافع كل شي حق الجامعة ؟
وإذا مطلوب كشف حساب هل لحسابي ولا لحساب الوالد لأني غير موظف
آسف على الازعاج

q8ya metnaqla
q8ya metnaqla
alobaied
شوف اخوي موضوع الفيزا حيل سهل ومايبيلة شي
كل اللي عليك اتيب قبول من المعهد وكشف حساب الوالد لان انت رايح على حسابه وصوره شخصية اتروح المصور اللي بالجمعية وقولة بصور صورة لفيزة لندن واهو يعرف كل شي و 96 دينار رسوم الفيزا وتروح لهم واتعبي الفورم واتقدم عليها .
وبس هذا كل شي وان شاء الله تمشي امورك واتيسر ، وترا ما اطول الفيزا كلها يومين بالضبط او اقل وموفق خير ان شاء الله

ابــو خالد
ابــو خالد
السلام عليكم
اختي انا بروح دراسة للغة 3 الي تقريبا 8 شهور بس متقطعة يعني اربع شهور وارد الكويت مدة بسيطة وارد اكمل اربع السؤال كم مدة الفيزا الطالب للغة يعطوون انا سامع 6 شهور وفي ناس قالولي سنة ارجو الافادة
الله يجزاج خير

q8ya metnaqla
q8ya metnaqla
ابو خالد
هلا بوخالد
عندك ياطويل العمر فيزة الدراسة سنه وتجدد واذا قبولك فيه 8 شهور اكيد راح يعطونك سنة وعموما اهي فيزه الدراسة سنة.
وموفق خير ان شاء الله

مسفرجي
مسفرجي
مصعبين الموضوع حييل وهو سهل حيل حيل كل اللي عليك اخوي اذا بتروح على حساب الوالد تاخذ كشف حسابه ورقة ابوك يكتب فيها تعهد انه يدفع لك التكاليف طبعا الورقه بالانقليزي وكشف حساب حق 6 شهور وصورة الخلفيه بيضه وطبعا تاخذ الأبلكيشن ابو 13 صفحه وتعبيه وتوديهم لمكتب التابع للسفار قدام البنك المركزي وتقدمها وخلال يوم واحد تخلص الفيزه واليوم الثاني تستلمها .
واذا ما عرفت حق الأبلكيشن ابو 13 صفحه مع انه سهل تعبيه في محل تحت المكتب التابع للسفاره يعبي الابلكيشن لك.
واذا كانت فيزتك طالب زائر تدفع 54 دينار لان فيزة الطالب الزائر 6 شهور . وكان الله غفورا رحيما .
ولا تخاف من الفيزا ترا مايرفضونها اذا انت طالب.

مسفرجي
مسفرجي
نسيت اقولكم المستندات المطلوبه لازم كلها بالانقليزي حتى كشف الحساب لازم انقليزي مو عربي .

alobaied
alobaied
ما تقصر اخوي مسفرجي ..... بصراحة ريحتني وخاصة لما قلت لي انهم ما يرفضونها
كثر الله خيرك وما تقصر


خصم يصل إلى 25%