عفوا ممكن اسم المدينة بالانجليزي وفي اي جهه في بريطانيا

على قول صاحبة المنزل اللي كنت ساكنة فيه "والعهدة على الراوي" إن منطقة ريشموند تسمت بهالإسم لأن سكانها من الأغنياء والعقار فيها غالي.. هذا اذا كنتي تقصدين Richmond
Queen's Road
Richmond-upon-Thames, TW10 6JP
England
بس انا لو منكم اكلم قسم الأكومديشن تبع الجامعة يوفرون لي سكن سواء بسكن الجامعة أو سكن مع عائلة واذا راح هو وقعد وشاف الوضع يدبرله سكن على شوف عينه.. سكن الجامعة حلو وتجربة تستاهل.. والسكن مع عائلة بعد حلو بس لازم يدفع المنيموم وهو اربع اسابيع مقدم..
على فكرة.. بالغالب سكن الجامعة عن طريق النت دايم يقولون فل,, بس بالتلفون او لما يوصل يدبرون له .. انا بالجامعة اللي فيها حالياً عجزت القى غرفة بالنت.. بس رحت للمسؤولة وكلمتها وفي خمس دقايق قالتلي في غرفة فاضية.. واذا مادبرولكم اكيد بيعطونك حلول بديلة.. وخله يقبل اي شي مناسب للشهر الأول

سلطان لندن
المنطقة اسمها Richmond

Memi
مشكوره حبيبتي على الرد بس احنا حاولنا ان نحصل له سكن في الجامعة بس مالقينا الا غرفة بدون الله يعزكم دورت مياه يعني الحمام يكون مشترك مع طلاب ثانيين.

طيب انتي ماقلتي وش تبون.؟ سكن مع عايلة لو سكن طلاب لو هاوس شير
نصيحة لاتاخذون سكن على شوفة غيركم مايصلح.. الي يناسب شخص مايناسب شخص ثاني وخاصة السكن يعني تشوفين الصور بالنت تقولين شي خيال بس تشوفين شوف العين تنصدمين
عموماً لو حاب سكن عائلة او هاوس شير نفس الشي من قسم الأكومديشن يساعدونكم بهالشي.. واغلب الطلاب اول شهر اذا مايعرفون احد يسكنون مع عائلة لو مع مجموعة.. وبعدين سكن الجامعة قصدك الحمام مشترك .. طيب هي يومين لين يوصل ويشوف شي مناسب

Memi
احنا حاولنا نحصل له سكن في الجامعة بس يكون بروحه ومع حمام الله يعزكم داخل الغرفة بس للأسف ما حصلنا والحين قاعدين ندور له شقة قريبة من الجامعه بس يشرطون دفع 6 شهور ايجار مقدم.

manayeer
عزيزتي والله ماحد ياخذ شقة على شوف عين غيره.. ترى هنا الوضع مختلف.. تشوفين الشقة ويمدحونها لك بس تجينها انتي تلقينها وانتي بكرامة ريحتها خايسة او أرضيتها زفت
وبعدين طبيعي يطلبون اجار ست شهور هذا النظام .. لكن لما يوصل تعطيه المحلقية خطاب تسهيل معاملة يتعلق بالسكن وعلى أساسه تصير ست اسابيع بدل ماهي ست شهور.. بالإضافة للتأمين وهو تقريباً اجار شهر ونص مستردة اذا جا يطلع بس المهم انه اول مايوصل يطلب هالخطاب
عشان كذا اقولك اول مايجي يقعد بسكن مؤقت.. اذا مايبي يقعد مع عائلة يقعد اسبوع في فندق.. ويدور على المكاتب ويلقى الي يبيه ان شاء الله