طالما انك مولود في أمريكا ليش ما أخذت الجواز الامريكي مباشرة بعد الولادة ؟

الوالد الله يهديه مافكر بالموضوع هذا نهائيا
مشكور قصة سفر

بصراحة موضوعك غريب المطلوب دائم شهادة الميلاد الاصليه ودفع الرسوم + احضار ما يثبت انك طول الفتره الماضيه انك متواجد بالسعودية ( شهادات دراسيه - وظيفه وغيرها من الإثباتات انك كنت متواجد بالسعودية )
انا طلعت الجواز الامريكي وانا عمري 16 سنه بس مذكر وش كان المطلوب بالضبط هذاك الوقت لأن الوالد ضبط كل شي ووداني السفارة وعطوني الجواز خلال اسبوعين
وانتهي الجواز وجددته من بريطانيا واخذ التجديد 8 ايام بالضبط واصل الى البيت

عبدالله حياك الله
بصراحه هل استفدت من الجواز الامريكي وليش ابوك طلعلك الجواز؟
ولك اجمل التحايا

أناقدمت على الجواز من السفره في الرياض وطلبوا مني
أصل شهادة الميلاد + الفيزا اللي راح فيها الوالد الى أمريكا + فيزا اللي راحت فيها الوالدة + جوازي السعودي + جوازي القديم
وبالنسبة للمترجم وفروا لي أول ماطلبت

مرحبا اخ بومنت تكساس ، حابه اقولك عن تجربتي في استخراج الجواز الامريكي يمكن تفيدك ، اولا انت احسن حظ مني لان عندك شهادة الميلاد الاصلية ، وجواز الوالد الي فيه تاشيرة دخول امريكا ، انا مكان عندي هالشيئين ، ورحت السفارة وجربت اقدم قالت لي اللبنانية الي في السفارة ما راح اقدملك شي بدون شهادة الميلاد الاصلية واعطتني عنوانهم على النت وارسلت الطلب وشيك مصدق وسنه كاملة وانا انتظر واتصل عليهم في اوستن واخر شي راح زوجي مكتب الصحه هناك وجابي شهادة ميلاد اصليه ورحت اقدم وسوتلي نفس اللبنانية سالفهتبي جواز الوالد الي دخل فيه قلت لها ضاع اتلف ماهو موجود عندي شهاداته الاصليه لدراسته ورخصة القيادة بس عقدت الموضوع وصرفتني بطريقة سخيفة نصحوني الاخوة في المنتدى اروح اقدم في الرياض واعطوني ثقه ان معاملتي لازم تمشي وان العرب الي في السفاره يعقدون ولازم اطلب مقابلة القنصل او المدير اي مسؤل وفعلا رحت الرياض واستقبلتني وحده حبوبة امريكية انا غلطت وقلت اني قدمت في الظهران وانرفض طلبي هي ارتبكت وجابتلي وحده عربية تبي تسكر الموضوع وتقولي صعبه لازم لاوم جواز الوالد انا ابتسمت وقلت ناديلي المسؤل ناظرتني نظرة صعبه وراحت ونادته وجاء شاف شهادة الميلاد وسالني ليش توك تطلعينه قلت كان عندي مشكله في شهادة الميلاد وتوها تنحل طبعا هو يتكلم انكليزي وانا ضعيفه في اللغة بس كان يحاول يفهم قال خذوا اوراقكم وانا بكلم قنصلية الظهران وافهم الموضوع واتصل كان هالكلام الساعه 1 الظهر وانا في الطريق راجعه الشرقية الساعة 4،5 اتصل واعطاني اسم وحده قال روحو لها وهي تشوف الموضوع ولو ما مشى تعالوا الرياض رحت وشفت نفس اللبنانية ال***** وتتعامل بنفس الاسلوب قلت نادي فلانه راحت نادتها قرت الطلب وسالت نفس الاسئلة الموجوده في الطلب وقالت ارفعي يدك اليمين وقولي ان المعلومات الي في الطلب صحيحه قلت صحيحه قالت روحي شباك دفع الرسوم رحت ودفعت وقالوا خلال 3 اسابيع راح نتصل عليك مر شهر وزيادة ما احد اتصل رحت وسالت شيكو في السستم كان واصل في الموعد بس الظاهر ان اللبنانية ما اتصلت واخذته الحمد لله ...
بالنسبة لاستخدامات الجواز الى الان ما فعلته ، بس ما ادري فيه ضرائب تندفع والالا
اتمنى انك تلقى في تجربتي فايده ،،،، واتمنى لك التوفيق

يعطيكي العافيه وربي ماقصرتي
مشكوره من جد ريحتيني
الله يوفقك
بس شكلي بروح للرياض ومني قايلهم اني رحت لجده علشان لايعقدروني؟؟
وبالنسبة للي اخذت مني الاوراق في جده وحده امريكية ماهي عربية؟
بس كانت تبي صور للوالد وتبي بعد جوازه والحين انا لقيت الجواز
المشكلة اذا سالتني ليه دووبك تفكر بالموضوع؟؟؟ ايش راح اقولها؟؟؟
هل سالوك عن صور عائلية وطلبوها منك ولا انا بس اللي صارلي نفس الموضوع؟؟
ياليت الاقي اجوبة واكون لك من الشاكرين

الف شكر قود مايد على مرورك والله يوفقك يارب
يعني اروح افضل للسفاره اللي بالرياض على حسب كلامك
على كذا اتوكل على الله واروح اقدم في جده اذا ماضبطت
اروح للسفاره اللي بالرياض والله يعين
هل اقولهم اني رحت جده ولا لا؟؟؟اخاف يعقدونها اكثر واكثر
ولا هم بيعرفون اني رحت جدة؟؟

بومنت تكساس
راح اجاوبك على سؤال
الوالد طلع لي الجواز وانا صغير كان عمري 16 سنه وسكر على الجواز عنده بالخزنة
المهم كبرت وجيت ادرس في بريطانيا وبعدها كانوا الشباب يقولون يالله عبدالله خل نروح فرنسا اقولهم مامعي فيزا شنقن،، المهم رجعت السعودية وكلمت الوالد على الجواز الامريكي قال بعطيك الجواز بس تراه منتهي دبر عمرك وجدده ،، قلت عطني الجواز ولا عليك من الباقي اخذت الجواز ورجعت بريطانيا وسيرت على السفارة الامريكية وجددته من عندهم واخذ 8 ايام
الجواز سافرت فيه فرنسا اكثر من 5 مرات ( بدون الحاجه لتاشيرة )
سافرت إيطاليا مرتين ( بدون الحاجه لتاشيرة)
سافرت فيه للمغرب مع العلم عندي الجواز السعودي بس اذا شافوا الامريكي ما يطلبون ( بخشيش )
الجواز الامريكي ربما تحتاجه يوم من الايام في حل مشكلة تواجهك في دوله ليست ( السعودية ) سواء ً مشكلة تواجهك بمطار او غيرها لأن الجواز الامريكي قوي جداً ومن ضمن التعليمات المكتوب في صفحات الجواز
اذا حصل لك مشكلة في ( مطار ) او دائرة حكومية بتعطيلك او محاوله استفزازك ارفع صوتك على الموظف اللي حاول يهينك واطلب فورا السفارة والسفارة تكمل الباقي وياخذون لك حقك بالكامل
بإختصار الجواز نفعني وفك لي زنقات
والله يسهل امرورك ويطلع لك الجواز الكحلي